О проведении иммунизации против полиомиелита Күшін жойған

Облыста полиомиелитке қарсы иммунизация жүргiзу туралы 📌 Ескерту. Күші жойылды - Алматы облысы әкімінің 24.08.2004 № 637 өкімімен. Денсаулық сақтау комитетiнiң 1999 жылғы 17 ақпанның N 69 бұйрығы полиомиелитке қарсы иммунизация жүргiзуге байланысты мiндеттелсiн:

1. Облыстық денсаулық сақтау басқармасының бастығы А.Д. Дүйсекеев, Мемлекеттiк санэпидемиялық қадағалау басқармасының бастығы А.Қ. Талқымбаев полиомиелитке қарсы иммунизация 1 ай мен 4 жас аралығындағы балаларға 2 кезеңде, 1-кезең 1999 жылғы 15-20 наурыз, 2-шi кезең 19-24 сәуiр аралығында жүргiзуге: - иммунизациялау бойынша шаралар жоспарын бекiтуге.

2. Аудандар мен Талдықорған, Текелi, Қапшағай қалаларының әкiмдерi: - иммунизация жүргiзудi ұйымдастыруда денсаулық сақтау органдарына жан-жақты көмек жасасын: - қосымша егу пункттерiн ашу үшiн бөлмелердi уақытша бөлу туралы мәселе қарасын, оларды вакциналарды сақтау үшiн тоңазытқышпен, көлiкпен, жағар-жанармаймен қамтамасыз етсiн; - шараларды жүргiзуге мекемелердiң, кәсiпорындардың және ұйымдардың басшыларын тартсын.

3. Облыстық бiлiм басқармасы иммунизациялауға дайындыққа және оны жүргiзуге қатысып, жергiлiктi жерлерде мұғалiмдер ұжымын, оқушыларды үй-үйлердi аралауға және халық арасында түсiндiру жұмыстарын жүргiзу үшiн медицина қызметкерлерiне көмекке тартсын.

4. Облыс әкiмiнiң баспасөз қызметi осы шараларды газет, журнал, теледидар және радио бойынша кең және тұрақты насихаттауды ұйымдастырсын.

5. Облыстық, аудандық және қалалық мекемелердiң, кәсiпорындардың және шаруашылықтардың басшылары вакциналарды сақтау мен жеткiзу тәртiбiн қатаң сақтай отырып, оларды үздiксiз және шұғыл тасымалдауға көмек жасасын.

6. Осы өкiмнiң орындалуын бақылау облыс әкiмiнiң орынбасары Ж.Ә. Әмiрхановаға жүктелсiн.