Жаңақала ауданы аумағындағы елді мекендерде ит пен мысықты ұстау және оларды бағып күтудің санитарлық аумақтық шекараларын белгілеу Ережесін бекіту туралы Күшін жойған
Басқа 0
Жаңақала ауданы аумағындағы елді мекендерде ит пен мысықты ұстау және оларды бағып күтудің санитарлық аумақтық шекараларын белгілеу Ережесін бекіту туралы
Қазақстан Республикасының «Қазақстан Республикасындағы жергілікті мемлекеттік басқару туралы», «Ветеринария туралы» Заңдарын және Қазақстан Республикасының «Әкімшілік құқық бұзушылық туралы» Кодексін басшылыққа ала отырып аудандық Мәслихат ШЕШІМ ЕТЕДІ:
Тармақ 1
1. Жаңақала ауданы аумағындағы елді мекендерде ит пен мысықты ұстау және оларды бағып күтудің санитарлық аумақтық шекараларын белгілеу туралы Ережесі бекітілсін. (Жалғанды)
Тармақ 2
2. Аудандық Мәслихатының 2005 жылғы 15 ақпандағы «Аудан аумағындағы иттерді және мысықтарды күтіп ұстаудың Ережесін бекіту туралы» № 12-5 шешімнің (нормативтік құқықтық кесімдерді мемлекеттік тіркеу тізілімінде № 2872 нөмірмен тіркелген, «Жаңарған өңір» газетінің 2005 жылғы 22 наурыздағы № 13 жарияланған) күші жойылсын.
Тармақ 3
3. Аудандық Мәслихаттың 2005 жылғы 28 қазандағы «2005 жылғы 15 ақпандағы № 12-5 «Аудан аумағындағы иттерді және мысықтарды күтіп ұстаудың Ережесін бекіту туралы» тіркеу № 2872 Мәслихаттың шешіміне өзгерістер енгізу туралы» № 20-4 шешімінің (нормативтік құқықтық кесімдерді мемлекеттік тіркеу тізілімінде № 7-5-14 нөмірмен тіркелген, «Жаңарған өңір» газетінің 2005 жылғы 21 қарашадағы № 48 жарияланған) күші жойылсын.
Тармақ 4
4. Аудандық Мәслихатының 2005 жылғы 20 желтоқсандағы «Жаңақала аумағындағы елді мекендерде жануарларды күтіп ұстаудың және иттер мысықтарды серуендетудің санитарлық аумақтық шекараларын белгілеу Ережесін бекіту туралы» №21-5 шешімінің (нормативтік құқықтық кесімдерді мемлекеттік тіркеу тізілімінде № 7-5-19 нөмірмен тіркелген, «Жаңарған өңір» газетінің 2006 жылғы 11 ақпандағы № 6 жарияланған) күші жойылсын.
Тармақ 5
5. Осы шешім аудандық Әділет басқармасынан мемлекеттік тіркеуден өткеннен кейін күшіне енді.
Басқа 6. Жаңақала ауданы аумағындағы елді мекендерде ит пен мысықты ұстау және оларды бағып күтудің санитарлық аумақтық шекараларын белгілеу туралы Ереже
Жаңақала аудандық Мәслихатының
2006 жылғы 27 қазандағы № 27-4
шешімімен бекітілген.
Жаңақала ауданы аумағындағы елді мекендерде ит пен мысықты ұстау және оларды бағып күтудің санитарлық аумақтық шекараларын белгілеу туралы Ереже
Тарау 1. 1. Жалпы ережелер
1. Жалпы ережелер
Тармақ 1.1
1.1. Осы Ережені қабылдау үшін құқықтық негіз Қазақстан Республикасының «Қазақстан Республикасындағы жергілікті мемлекеттік басқару туралы», Қазақстан Республикасының «Ветеринария туралы» Заңдары және Қазақстан Республикасының «Әкімшілік құқық бұзушылық туралы» Кодексі болып табылады.
Тармақ 1.2
1.2. Жаңақала ауданы аумағындағы барлық жеке және заңды тұлғалар үшін осы ветеринариялық санитариялық Ереженің талаптарын орындау міндетті.
Тарау 2. 2. Ит пен мысықты бағып күту
2. Ит пен мысықты бағып күту
Тармақ 2.1
2.1. Ит пен мысықтың анықталған нақты иесі болуы керек.
Тармақ 2.2
2.2. Ит пен мысықтың иесі меншігіндегі, ит пен мысықты дұрыс тамақтандырып, санитариялық-гигиеналық талапқа сай ұстауға және оларға жеке-жеке ветеринариялық паспорт алуға жауапты.
Тармақ 2.3
2.3. Жеке үйде тұратын жанұя санитариялық-гигиеналық тәртіпті сақтаған жағдайда ит пен мысықты үйде ұстауға ерікті. Көп пәтерлі үйде тұратын жанұя итті үйде ұстау үшін қоршаған орта қауіпсіздігін және тыныштық пен санитариялық ережелерді сақтауды қамтамасыз жасауға және ортақ баспалдақ алаңында тұратын көршілерінің келісімін алуы қажет.
Тармақ 2.4
2.4. Жаңадан әкелінген ит пен мысық туралы жергілікті мемлекеттік ветеринариялық бақылау органдарына хабарлап, есепке тұрғызуға тиісті.
Тармақ 2.5
2.5. Бақылаусыз, жетектеушісіз, иесіз бос (еркін) көшеде жүрген ит пен мысық бұралқы (қаңғыбас) деп есептеледі.
Тармақ 2.6
2.6. Қаңғыбас ит пен мысықты аулап ұстау арнайы бригада арқылы ауыл округі әкімінің шешімі негізінде жүзеге асырылады.
Тарау 3. 3. Итпен мысықтың құтыру және басқа да аса қауіпті жұқпалы ауруының алдын-алу мақсатында ит пен мысық иелерінің міндеттері.
3. Итпен мысықтың құтыру және басқа да аса қауіпті жұқпалы ауруының алдын-алу мақсатында ит пен мысық иелерінің міндеттері.
Тармақ 3.1
3.1. Аулада ит бар екені туралы көрінетін жерде ескертпе жазу ілуге;
Тармақ 3.2
3.2. Итті байлап ұстауға, ал күзет иттерін жабық ауладан сыртқа шығып кетпейтін жағдайда босатуға болады. Итті көшеде алып жүргенде «тұмсықтор» кигізіп, қысқа қарғыбаумен ұстауға;
Тармақ 3.3
3.3. Пәтер, баспалдақ алаңын және үй мен ауланың басқа да көпшілік пайдаланатын орындарын ит пен мысықтың бүлдіруіне жол бермеуге, ит пен мысық экскременттерін шұғыл түрде тазалауға;
Тармақ 3.4
3.4. Ит пен мысық ауырған жағдайда ветеринария мамандарына көрсетуге, ал өлген жағдайда ветеринария мамандарына хабарлап өлексені мал моласына апарып жоюға;
Тармақ 3.5
3.5. Диагностикалық тексеру және жұқпалы аурулардың алдын-алу мақсатында ветеринариялық дәрігердің талаптарын орындауға:
Тармақ 3.6
3.6. Ит пен мысық адамды немесе үй жануарын тістесе, тырнаса бұл туралы жәбірленуші, сол сияқты қабылған және қапқан жануарлардың иелері тиісті шаралар алу үшін шұғыл түрде денсаулық сақтау және ветеринариялық қадағалау мекемелеріне хабарлауға;
Тармақ 3.7
3.7. Адамдарды тістеп тырнаған ит пен мысықты ветеринария маманына көрсетуге және оны мамандардың 10 күн бойы бақылауда ұстауына көмектесуге;
Тармақ 3.8
3.8. Жертөлені, шатыр және басқа да қосымша құрылыстарды жабық ұстап, оларға иттер мен мысықтардың кірмеуін қадағалауға міндетті.
Тарау 4. 4. Азулы, «өжет», «күрескер» тұқымды итті және осы тектес иттерді ұстау тәртібі.
4. Азулы, «өжет», «күрескер» тұқымды итті және осы тектес иттерді ұстау тәртібі.
Тармақ 4.1
4.1. Азулы, «өжет», «күрескер» тұқымды итті және осы тектес иттерді ұстау үшін (Қорғаныс министрлігі, Ұлттық қауіпсіздік комитеті және басқа да арнайы тәртіп сақтау органдары мекемелері мен кәсіпорындарының иттерінен басқа) ішкі істер бөліміне тіркеттіруге міндетті.
Тармақ 4.2
4.2. Ит иелері арнайы курстан өтулері және олар психоневрологиялық және наркологиялық диспансерлерде есепте тұрмаулары тиісті.
Тармақ 4.3
4.3. Иттерді уақытында тіркетуді және қайталап тіркетуді тұрғын үй пайдалану мекемелері тұрақты түрде бақылау жасап, ит иелерін міндеттеуге тиісті.
Тармақ 4.4
4.4. Көпшілік пайдаланатын жерде иттерге тұмсықтор кигізіп, қысқа қарғыбаумен ұсталуы және мойнында иттің аты, ит иесінің мекен-жайы, телефон номері көрсетілген «қарғысы» болуы тиісті.
Тармақ 4.5
4.5. Кәмілетке жасы толмағандарға және бұрын адам мен малға итімен зиян келтірген тәртіп бұзушыға осы тұқымдас ит ұстауға рұқсат берілмейді.
Тармақ 4.6
4.6. Ересек адамдардың бақылауынсыз жасы 14-ке толмаған балаларға және мас адамдарға иттерді жетектеп жүруге рұқсат берілмейді.
Тармақ 4.7
4.7. Үшінші жаққа келтірген зиян болған жағдайда, міндетті сақтандыру келісім шарты болуы алдын-ала ескертіледі.
Тармақ 4.8
4.8. Тұрғын үйлерге жақын жерге, балалар ойнайтын алаңға, мектепке, мектеп жасына дейінгі балалар мекемелер аумағына, спорт алаңдарына және басқа да қоғамдық орындарға итті босатып жіберуге болмайды.
Тармақ 4.9
4.9. Осы тұқымдас иттерді қарғыбаудан босатып демалту үшін адамдар мен жануарларға қауіп туғызбайтын, арнайы бөлінген жер тағайындалу керек.
Тармақ 4.10
4.10. Күзетші иттер тұқымын дұрыс сұрыптап, иттердің жұмыс қабілетін анықтау мақсатында, жарақат алуын болдырмай, арнайы ереже бойынша және арнайы бөлінген жерде өткізілетін таластыруды қоспағанда, иттерді рұқсатсыз таластыруға тиым салынады.
Тарау 5. 5. Ит пен мысық иелеріне тиым салынады
5. Ит пен мысық иелеріне тиым салынады
Тармақ 5.1
5.1. Ит пен мысықты көпшілік пайдаланатын жерде ұстауға;
Тармақ 5.2
5.2. Ит пен мысықты бақылаусыз қалдыруға және оларды жоюға;
Тармақ 5.3
5.3. Күзет иттерін құтыруға қарсы ектірмей объектіні күзетуде байлаусыз ұстауға;
Тармақ 5.4
5.4. Ит пен мысықтың өлексесін мал молаларынан басқа төңірекке лақтырып тастауға немесе басқа жерге көмуге тиым салынады.
Тарау 6. 6. Осы Ережені бұзғаны үшін жауапкершілік
6. Осы Ережені бұзғаны үшін жауапкершілік
Тармақ 6.1
6.1. Осы Ережені бұзған жеке және заңды тұлғалар Қазақстан Республикасының «Әкімшілік құқық бұзушылық туралы» Кодексіне сәйкес жауапкершілікке тартылады.