«Қорғалжын ауданында туберкулезбен ауру жағдайы және оны төмендету жөніндегі шаралар туралы» Қолданыста

«Қорғалжын ауданында туберкулезбен ауру жағдайы және оны төмендету жөніндегі шаралар туралы» Қазақстан Республикасы Президентінің 1998 жылғы 18 мамырдағы «Қазақстан Республикасы азаматтарының денсаулығын жақсарту жөніндегі бірінші кезекті шаралар туралы» №3956 Жарлығын, Қазақстан Республикасы Үкіметінің 1998 жылғы 4-ші қыркүйектегі «Қазақстан Республикасында халықты туберкулезден қорғаудың шұғыл шаралары туралы» 839 санды қаулысына сәйкес, аудан әкімдігі ҚАУЛЫ ЕТЕДІ:

1. Аудан әкімдігі жанындағы туберкулезге қарсы күрес жөніндегі үйлестіру кеңесі (С.Аққожина), Аудандық орталық аурухананың бас дәрігері (А.Үсенов) (келісімі бойынша)

1) Ауданда туберкулезге қарсы күресті нығайту мақсатында іс-шаралардың жүйелі түрде жүргізілуін қадағалау ұйымдастырылсын.

2. Ауыл әкімдеріне

1) Елді мекендердегі медицина қызметкерлерімен бірлесе отырып, туберкулезге қарсы алдын алу шараларын жүргізу ұсынылады.

2) Елді мекендердегі медициналық ғимараттардың жауапкершілігі шектеулі серіктестерден мемлекет қарамағына ақысыз қайтарылу жұмыстары 2007 жылдың 1 қаңтарына дейін аяқталсын.

3. Мекеме басшыларына:

1) Өз қарамағындағы қызметкерлерінің толығымен флюорографиялық тексеруден өтуін қатаң бақылау ұсынылсын.

4. Аудандық жұмыспен қамту және әлеуметтік бағдарламалар бөлімі (Қ.Төлеубаевқа)

1) Туберкулезге шалдыққан, жағдайы нашар адамдарға және олардың жанұя мүшелеріне әлеуметтік көмек көрсету жағдайы қарастырылсын.

5. ҚР АШМ аудандық аумақтық басқармасына (А.Мырзагелдиев) (келісімі бойынша).

1) Ветеринарлық қызметті нығайтуды қамтамасыз ету ұсынылсын.

6. Аудандық ішкі істер бөлімі (А.Ғали) (келісімі бойынша).

1) Аудан аумағына шет мемлекеттерден қоныс аударған жеке тұлғалардың туберкулезге қарсы міндетті флюорографиялық тексеруден өтуін тексеру мақсатында, олардың мекен-жайы туралы орталық ауруханамен мәлімет алмастыру;

2) флюорографиялық тексеруден және туберкулезге қарсы ем қабылдаудан бас тартқан азаматтарды орталық ауруханаға жеткізуге көмектесу ұсынылсын.

3) Түрмеден бостандыққа шыққан азаматтардың міндетті флюорографиялық тексеруден өтуін бақылау ұсынылсын.

7. Аталған қаулының орындалуы аудан әкімінің орынбасары С.Аққожинаға жүктелсін.

8. Осы қаулы Қорғалжын аудандық әділет басқармасынан тіркеуден өткеннен кейін күшіне енеді және жариялануға жатады.