О перечне лиц, относящихся к целевым группам населения Қолданыста

Халықтың нысаналы топтарына жататын тұлғалардың тізбесі туралы «Қазақстан Республикасындағы жергілікті мемлекеттік басқару туралы» Қазақстан Республикасы Заңының 31-бабының 1-тармағының 13) тармақшасы негізінде және «Халықты жұмыспен қамту туралы» Қазақстан Республикасы Заңының 5-бабының 2-тармағына, 7-бабының 2-тармағына сәйкес Алтынсарин ауданының әкімдігі ҚАУЛЫ ЕТЕДІ:

1. Халықтың нысаналы топтарына жататын, тұлғалардың тізбесі қосымшаға сәйкес бекітілсін.

2. «Алтынсарин ауданы әкімдігінің жұмыспен қамту және әлеуметтік бағдарламалар бөлімі» мемлекеттік мекемесі (М.Қ. Есенбаева) халықтың нысаналы топтарын жұмыспен қамтуға жәрдемдесу жөніндегі шараларды қарастырсын.

3. Алтынсарин ауданы әкімдігінің 2006 жылғы 7 наурыздағы № 84 «Халықтың нысаналы топтарына жататын, тұлғалардың тізбесі туралы» қаулысының күші жойылды деп танылсын (мемлекеттік тіркеу нөмері № 9-5-6, 2006 жылғы 13 сәуірдегі № 12 «Таза-Бұлақ - Чистый родник» газетінде жарияланған).

4. Осы қаулының орындалуын бақылау аудан әкімінің орынбасары К.Ғ. Таңқыбаевқа жүктелсін.

5. Осы қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі.

Әкімдіктің 2007 жылғы 22 қаңтардағы № 38 қаулысына қосымша Халықтың нысаналы топтарына жататын, тұлғалардың тізбесі Табысы аз адамдар; жиырма бір жасқа дейінгі жастар; балалар үйлерінің тәрбиеленушілері, жетім балалар мен ата-ананың қамқорлығынсыз қалған жиырма үш жасқа дейінгі балалар; кәмелетке толмаған балаларды тәрбиелеп отырған жалғызілікті, көп балалы ата-аналар; Қазақстан Республикасының Заңдарында белгіленген тәртіппен асырауында тұрақты күтімді, көмекті немесе қадағалауды қажет етеді деп танылған адамдар бар азаматтар; зейнеткерлікке шығу алдындағы адамдар (жасына байланысты зейнеткерлікке шығуға екі жыл қалған мүгедектер; Қазақстан Республикасының Қарулы Күштері қатарынан босатылған адамдар; бас бостандығынан айыру және (немесе) мәжбүрлеп емдеу орындарынан босатылған адамдар; оралмандар; ұзақ уақыт жұмыс істемейтін азаматтар (бір жыл және одан да көп); оқу орындарын бітірген және үш жыл бойы жұмысқа орналаспаған кәсіби, орта-арнаулы және жоғары білім беру ұйымдарының түлектері.