О Почетной грамоте маслихата Павлодарского района Қолданыста

Павлодар ауданы мәслихатының Құрмет грамотасы туралы Қазақстан Республикасының «Қазақстан Республикасындағы жергілікті мемлекеттік басқару туралы» Заңының 6 бабы 1 тармағының 15) тармақшасына сәйкес, аудандық мәслихат ШЕШІМ етеді:

1. Павлодар ауданы мәслихатының Құрмет грамотасының беру Нұсқаулығы бекітілсін.

2. Осы шешім Павлодар ауданы Әділет басқармасында мемлекеттік тіркелгеннен кейін күшіне енеді.

Павлодар аудандық мәслихаттың (3 шақырылған 27 сессиясы) «Павлодар ауданы мәслихатының Құрмет грамотасы туралы» 2006 жылғы 14 желтоқсандағы № 27/165 шешімімен бекітілген Павлодар ауданы мәслихатының Құрмет грамотасының Нұсқаулығы

1. Осы Нұсқаулық Павлодар ауданы мәслихатының Құрмет грамотасының берілуін және үлгісін нақтылайды.

2. Павлодар ауданының мәслихаты Қазақстан Республикасы азаматтарының Павлодар ауданының әлеуметтік, экономикалық, мәдени дамуына, достық пен қоғамдық келісімінің нығаюына үлес қосқан еңбектерін қоғамдық бағалау үшін Павлодар ауданы мәслихатының Құрмет грамотасын бекітеді.

3. Қазақ тілінде толық аталуы: Павлодар ауданы мәслихатының Құрмет грамотасы; орыс тілінде: Почетная грамота маслихата Павлодарского района. Құрмет грамотасы өң бетінде Қазақстан Республикасының Елтаңбасы бейнеленген және мемлекеттік тілде «ҚҰРМЕТ ГРАМОТАСЫ» мен орыс тілінде «ПОЧЕТНАЯ ГРАМОТА» деген жазуы бар қосымша беті бар көгілдір түсті папкадан құрылған. Қосымша бет жайылған түрде қалың жылтыр қағаздан баспаханалық тәсілмен жасалған. Қосымша беттің үстінде Қазақстан Республикасының Елтаңбасы бейнеленген және үстіңгі жағында мемлекеттік тілде «Павлодар аудандық мәслихаты» және төменде орыс тілінде «Павлодарский районный маслихат» деп жазылған. Қосымша беттің сол және оң жағында жоғарыда Қазақстан Республикасының туы бейнеленген. Қосымша беттің сол жағында марапатталатын адамның мемлекеттік тілде тегін, атын әкесінің атын және еңбектерін көрсету үшін орын бөлінген. Қосымша беттің оң жағында марапатталатын адамның орыс тілінде тегін, атын, әкесінің атын және еңбектерін көрсету үшін орын бөлінген.

4. Павлодар ауданы мәслихатының Құрмет грамотасымен марапаттау туралы шешім мәслихат хатшысының өкімімен қабылданады.

5. Құрмет грамотасымен мыналар марапатталады: азаматтар және заңды тұлғалар Павлодар ауданының экономикасының, әлеуметтік саласын, ғылымын, мәдениетін, білімін дамытуға, достық пен қоғамдық келісім нығайтуға қосқан үлестері мен ерекше еңбектері, белсенді мемлекеттік және қоғамдық қызметтері үшін.

6. Павлодар ауданы мәслихатының Құрмет грамотасы салтанатты түрде Павлодар ауданы мәслихатының хатшысымен немесе сессия төрағасымен тапсырылады.

7. Павлодар ауданы мәслихатының Құрмет грамотасымен марапаттауға кандидатуралар бойынша ұсынымдар еңбек ұжымдарымен немесе тұрақты депутаттық комиссиялармен ұсынылады.

8. Павлодар ауданы мәслихатының Құрмет грамотасымен марапаттау үшін мынадай құжаттар ұсынылуға тиіс:

1) еңбек ұжымының өтініші;

2) мәслихаттың тұрақты комиссиясының қаулысы;

3) марапаттау қағазы (заңды тұлға үшін - ұсыным).

9. Павлодар ауданы мәслихатының Құрмет грамотасын беру туралы хаттама және журнал жүргізіліп, сондай-ақ журналда оны марапаттау күні мен реттік саны туралы белгі жасалады.

10. Журнал, хаттама Павлодар ауданының мәслихатында сақталады.