Об утверждении перечня целевых групп населения Күшін жойған

Халықтың нысаналы топтарының тізбесін бекіту туралы Қазақстан Республикасының «Халықты жұмыспен қамту туралы» Заңының 5, 7-баптарына сәйкес, Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31-бабын басшылыққа ала отырып, Қостанай қаласының әкімдігі ҚАУЛЫ ЕТЕДІ:

1. Қоса беріліп отырған Халықтың нысаналы топтарының тізбесі бекітілсін.

2. «Қостанай қаласы әкімиятының жұмыспен қамту және әлеуметтік бағдарламалары бөлімі» мемлекеттік мекемесі халықтың нысаналы топтарын жұмысқа орналастыруға жәрдемдесу жөніндегі шараларды көздесін.

3. Қостанай қаласы әкімдігінің 2006 жылғы 6 ақпандағы № 256 «Халықтың нысаналы топтарының тізбесін бекіту туралы» (тіркеу нөмірі 9-1-39, 2006 жылғы 30 наурыздағы «Қостанай» газеті) қаулысының күші жойылды деп есептелсін.

4. Осы қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі.

5. Осы қаулының орындалуына бақылау жасау Қостанай қаласы әкімінің орынбасары Х.С. Ержановқа жүктелсін.

Қостанай қаласы әкімдігінің 2007 жылғы 15 қаңтардағы № 85 қаулысымен бекітілген Халықтың нысаналы топтарының тізбесі

1. Табысы аз адамдар.

2. Жиырма бір жасқа дейінгі жастар.

3. Балалар үйлерінің тәрбиеленушілері, жетім балалар мен ата-ананың қамқорлығынсыз қалған жиырма үш жасқа дейінгі балалар.

4. Кәмелетке толмаған балаларды тәрбиелеп отырған жалғызілікті, көп балалы ата-аналар.

5. Қазақстан Республикасының заңдарында белгіленген тәртіппен асырауында тұрақты күтімді, көмекті немесе қадағалауды қажет етеді деп танылған адамдары бар азаматтар.

6. Зейнеткерлік жас алдындағы адамдар (жасына байланысты зейнеткерлікке шығуға екі жыл қалған).

7. Мүгедектер.

8. Қазақстан Республикасының Қарулы Күштері қатарынан босаған адамдар.

9. Бас бостандығынан айыру және (немесе) мәжбүрлеп емдеу орындарынан босатылған адамдар.

10. Оралмандар.

11. Ұзақ уақыт жұмыс істемейтіндер (бір жыл және одан да көп).

12. Елу жастан асқан адамдар.

13. Бастауыш, орта және жоғары кәсіби білім беретін оқу орындарының түлектері.

14. Алған мамандық бойынша еңбек өтілі және тәжірибесі жоқ, жұмыстан бос жастар.

15. Жұмыспен қамту мәселелері жөніндегі уәкілетті органының жолдамасы бойынша кәсіптік оқуды бітірген жұмыссыздар.

16. Орта білім беру мектептерінде, бастауыш, орта және жоғары кәсіптік оқу орындарында оқитын жастар.