Об организации оплачиваемых общественных работ Қолданыста

Ақылы қоғамдық жұмыстарды ұйымдастыру туралы «Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 каңтардағы Заңының 31-бабына, «Халықты жұмыспен қамту туралы» Қазақстан Республикасының 2001 жылғы 23 қаңтардағы Заңының 20-бабына сәйкес Қарасу ауданының әкімдігі ҚАУЛЫ ЕТЕДІ:

1. Қоғамдық жұмыстарды ұйымдастыру үшін жұмыс орындарын беретін аудан кәсіпорындарының тізбесі белгіленсін (қосымша).

2. Аудандық бюджеттің қаражаттарынан ең төмен жалақы мөлшерінде қоғамдық жұмыстарда істейтін жұмыссыздардың еңбегіне ақы төлеудің мөлшері белгіленсін.

3. «Қарасу ауданының жұмыспен қамту және әлеуметтік бағдарламалар бөлімі» мемлекеттік мекемесімен шарттарды жасасу үшін тізбеде белгіленген кәсіпорындардың басшылары қоғамдық жұмыстардың нақты түрлері мен көлемдерін анықтасын.

4. Қоғамдық жұмыстарды жұмыссыздарды уакытша жұмысқа орналастыру үшін пайдалансын.

5. «Қарасу ауданы әкімдігінің қаржы бөлімі» мемлекеттік мекемесі (Е.И. Бухаленко) тізбеде белгіленген кәсіпорындарымен көрсетілетін қоғамдық жұмыстардың түрлері мен көлемдерін есепке алсын.

6. «Қарасу ауданының жұмыспен қамту және әлеуметтік бағдарламалар бөлімі» мемлекеттік мекемесі (Л.Б. Ужахова) қоғамдық жұмыстарды ұйымдастырған кезде осы қаулымен басшылық етсін.

7. Қарасу ауданы әкімдігінің «Ақылы қоғамдық жұмыстарды ұйымдастыру туралы» 2006 жылғы 30 қаңтардағы № 59 (мемлекеттік тіркеу нөмірі 9-13-03, «Қарасу өңірі» аудандық газетінің 2006 жылғы 24 наурыздағы № 9, 2006 жылғы 31 наурыздағы № 10) және «Ақылы коғамдық жұмыстарды ұйымдастыру туралы» әкімдіктің 2006 жылғы 30 қаңтардағы № 59 қаулысына өзгеріс енгізу туралы» 2006 жылғы 30 казандағы № 251 (мемлекеттік тіркеу нөмірі 9-13-20, «Қарасу өңірі» аудандық газетінің 2006 жылғы 1 желтоқсандағы № 38) қаулыларының күштері жойылды деп танылсын.

8. Осы қаулы оны алғаш ресми жарияланғаннан кейін күнтізбелік он күн өткен соң қолданысқа енгізіледі.

Әкімдіктің 2007 жылғы 22 қаңтардағы № 16 қосымша