О дополнительном перечне лиц относящихся к целевым группам и мерах по содействию занятости по Сандыктаускому району Күшін жойған

Сандықтау ауданы бойынша жұмыспен қамтуға жәрдемдесетін іс-шаралар және нысаналы топтарға жататын тұлғалардың қосымша тізбесі туралы Қазақстан Республикасының 2001 жылғы 23 қаңтардағы № 149-11 «Халықты жұмыспен қамту туралы» Заңының 7 бабына сәйкес, нысаналы топтарға кіретін және әлеуметтік қорғау қажет ететін тұлғаларды жұмыспен қамтылуына жәрдемдесу мақсатында, Сандықтау ауданының әкімдігі ҚАУЛЫ ЕТЕДІ:

1. Қазақстан Республикасының «Халықты жұмыспен қамту туралы» Заңының 5 бабына сәйкес, нысаналы топтарға жататын тұлғалар тізбесін басшылыққа алсын.

2. Нысаналы топтарға жататын келесі тұлғалар санатының тізбесін толықтырсын: ұзақ уақыт бойы жұмыс істемейтіндер (бір жылдан астам), 24 жасқа дейінгі жастар, жастары 50-ге келген және одан асқан адамдар.

3. Сандықтау ауданының жұмыспен қамту және әлеуметтік бағдарламалар бөлімі халықтың нысаналы топтардағы санынан жұмыссыздарды орналастыратын кәсіпорындар мен ұйымдардың тізімін анықтасын. (олардың басшыларының келісімімен).

4. Селолық округ әкімдері Сандықтау ауданының жұмыспен қамту және әлеуметтік бағдарламалар бөлімімен бірлесе отырып, нысаналы топтарға жататын тұлғаларды жұмысқа орналастыру бойынша шараларды қарастырсын.

5. Сандықтау ауданы әкімдігінің 2006 жылғы 6 ақпандағы № А-1/25 «Сандықтау ауданы бойынша 2006 жылға арналған жұмыспен қамтуға жәрдемдесетін іс-шаралар және нысаналы топтарға жататын тұлғалардың қосымша тізбесі туралы» (Сандықтау ауданының Әділет басқармасында 2006 жылдың 27 ақпанында № 1-16-30 тіркелген, 2006 жылдың 6 наурызында № 17 (7477) «Сандыктауские вести» газетінде жарияланған) Қаулысының күші жойылған деп танылсын.

6. Осы қаулының орындалуына бақылау жасау Сандықтау ауданы әкімінің орынбасары Б.С.Ізбасароваға жүктелсін.

7. Қаулы Сандықтау ауданының Әділет басқармасында мемлекеттік тіркеуден өткен күннен бастап күшіне енеді және ресми жарияланған күннен бастап қолданысқа енгізіледі.