Қоғамдық жұмыстарды қаржыландыру талаптары мен тәртібі туралы нұсқаулықты бекіту туралы Күшін жойған

Қоғамдық жұмыстарды қаржыландыру талаптары мен тәртібі туралы нұсқаулықты бекіту туралы Қазақстан Республикасы Үкіметінің 2001 жылғы 19 маусымдағы № 836 "Халықты жұмыспен қамту туралы" Қазақстан Республикасының 2001 жылғы 23 қаңтардағы Заңын іске асыру жөніндегі шаралар туралы" қаулысына сәйкес Жангелдин ауданының әкімдігі ҚАУЛЫ ЕТЕДІ:

1. Қоғамдық жұмыстарды қаржыландыру талаптары мен тәртібі туралы нұсқаулық бекітілсін (қосымша).

2. "Жангелдин ауданының жұмыспен қамту және әлеуметтік бағдарламалар бөлімі" мемлекеттік мекемесіне қоғамдық жұмыстарды ұйымдастырғанда осы нұсқаулықты басшылыққа алсын.

3. Жангелдин ауданы әкімдігінің 2005 жылғы 21 қарашадағы № 209 "Қоғамдық жұмыстарды қаржыландыру талаптары мен тәртібі туралы қағиданы бекіту туралы" (мемлекеттік тіркеу № 9-9-25, 2005 жылғы 20 желтоқсанында тіркелген аудандық "Біздің Торғай" газетінің 2006 жылғы 27 қаңтарында № 3 (7801) санында жарияланған) қаулының күші жойылсын.

4. Осы қаулының орындалуына бақылау жасау аудан әкімінің орынбасары Т. Әубәкіровке жүктелсін.

5. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.

Қазақстан Республикасы Қостанай облысы Жангелдин ауданы әкімдігінің 2006 жылғы 25 желтоқсандағы № 248 қаулысына қосымша Қоғамдық жұмыстарды қаржыландыру талаптары мен тәртібі туралы нұсқаулық Осы қоғамдық жұмыстарды қаржыландыру талаптары мен тәртібі туралы нұсқаулықтар Қазақстан Республикасы Үкіметінің 2001 жылғы 19 маусымдағы № 836 қаулысымен бекітілген қоғамдық жұмыстарды ұйымдастыру және қаржыландыру ережелеріне сәйкес әзірленген.

1. ЖАЛПЫ ЕРЕЖЕЛЕР

1. Осы нұсқаулық арқылы қоғамдық жұмыстарды ұйымдастыру үшін уақытша жұмыс орындарын беретін мекемелермен есеп айырысу жүйесін және негізгі талаптарды реттейді.

2. Осы нұсқаулықта пайданалатын негізгі ұғымдар:

1) қоғамдық жұмыстар - атқарушы органдар ұйымдастыратын, қызметкердің алдын ала кәсіби даярлықтан өтуін талап етпейтін, әлеуметтік пайдалы бағыттағы және азаматтарды уақытша жұмыс пен қамтуды қамтамасыз ету үшін, жұмыспен қамту мәселелері жөніндегі уәкілетті органдардың жолдамасы бойынша орындайтын еңбек қызметінің түрлері;

2) орталық атқарушы орган - халықты жұмыспен қамту саласындағы мемлекеттік саясатты жүзеге асыруды үйлестіріп отыратын мемлекеттік орган;

3) жергілікті атқарушы орган - тиісті аумақта өз құзыры шегінде мемлекеттік басқаруды жүзеге асыратын, аудан әкімі басқаратын әкімдік;

4) нысаналы топтар - "Халықты жұмыспен қамту туралы" Заңымен белгіленген, жұмысқа орналасуда қиындық көріп жүрген және әлеуметтік қорғауды қажет ететін адамдар топтары.

2. ҚОҒАМДЫҚ ЖҰМЫСТАРДЫ ҰЙЫМДАСТЫРУ ТӘРТІБІ

3. "Жангелдин ауданының жұмыспен қамту және әлеуметтік бағдарламалар бөлімі" мемлекеттік мекемесі жұмыс берушілермен қоғамдық жұмысты атқаруға көрсететін қызмет жөнінде шарт жасасады.

4. Қоғамдық жұмыстар мекемелерде уақытша жұмыс орындарын құру жолымен жүргізіледі және мәслихаттың шешіміне сәйкес тиісті бюджеттің қаражатынан қаржыландырылады.

5. Жұмыссыздарды уакытша жұмыс орындарымен қамтамасыз ету және ақылы қоғамдық жұмыстарға қатысушылардың еңбек ақысын төлеуге арналған қаражатты тиімді пайдалану мақсатында, аудандық жергілікті атқарушы органдар төмендегі іс-шараларды жүзеге асырады:

1) қоғамдық жұмыстарға сұраныс пен ұсынысты айқындайды;

2) қоғамдық жұмыстар жүргізілетін мекемелердің тізбелерін, қо-ғамдық жұмыстарды орындаудың нақты жағдайларын, көлемін, түрін бекітеді.

6. Жұмыссыздарды аудандық жергілікті атқарушы органдардың қаулыларымен анықталған мекемелерге коғамдық жұмыстарға жіберу "Жангелдин ауданының жұмыспен қамту және әлеуметтік бағдарламалар бөлімі" мемлекеттік мекемесімен жүзеге асырылады.

7. Нысаналы топтарға кіретін жұмыссыздардың қоғамдық жұмыстарға қатысуға басым құқығы бар.

3. ҚОҒАМДЫҚ ЖҰМЫСТАРДЫ ҚАРЖЫЛАНДЫРУ ТАЛАПТАРЫ МЕН КӨЗДЕРІ

8. Қоғамдық жұмыстарға қатысушы жұмыссыздарға еңбек ақы төлеуді жеке еңбек шартына сәйкес жұмыс беруші ай сайын жүзеге асырады және ол орындалған жұмыстың күрделілігіне, сапасына, санына байланысты.

9. Жұмыс берушілердің қоғамдық жұмысқа қатысушылардың еңбегіне төленетін ақы шығыны Жангелдин ауданының әкімдігінің қаулысымен анықталған мөлшерде мәслихат шешіміне сәйкес тиісті бюджеттің қаражаты есебінен өтеледі. Жұмыс берушілердің әлеуметтік сақтандырудың мемлекеттік қорына жүргізілетін әлеуметтік аударымдарды төлеуге арналған шығындары, Қазақстан Республикасының қолданыстағы заңнамасымен белгіленген мөлшерде мәслихат шешіміне сәйкес тиісті бюджеттің қаражаты есебінен өтеледі. Жұмыс берушілердің қоғамдық жұмыстардың қатысушыларына тиісті еңбек ақы мен басқа да ақшалай төлемдерді талап ететін салымдар бойынша шоттарға немесе банктің дебеттік төлемдік кәртішкелері шоттарына аудару мен төлеу жөніндегі екінші деңгейдегі банк қызметтеріне төнелетін коммисиялық сыйақыға арналған шығыны шартта белгіленген мөлшерде, мәслихат шешіміне сәйкес тиісті бюджет есебінен өтеледі. Бюджеттік қаражат жұмысссыздардың жеке есеп-айырысу шоттарына аударылады.

10. Қоғамдық жұмыстарға қатысушы жұмыссыздарға мәслихаттың шешіміне сәйкес тиісті бюджеттен төленетін еңбек ақы заңнамада белгіленген тәртіппен салықтан босатылады.

11. Жұмыс берушілер мәслихаттың шешіміне сәйкес тиісті бюджеттен түскен ақшаны қатаң түрде мақсатты пайдаланады.

12. Жұмыс берушілер еңбек ақыға төлеген шығыннын мәслихаттың шешіміне сәйкес тиісті бюджеттен қайтару үшін "Жангелдин ауданының жұмыспен қамту және әлеуметтік бағдарламалар бөлімі" мемлекеттік мекемесіне ай сайын орындалған жұмыстың кесімін беріп отырады. Қоғамдық жұмысқа қатысушы азаматтарға жалақы нақтылы істелген жұмыс үшін төленеді.

13. Қоғамдық жұмыстарға қатысушыларға мертігу немесе денсаулыққа келтірілген зақымның, зиянның орнын толтыру, еңбекке уақытша жарамсыздық бойынша әлеуметтік жәрдемақы төлеуді, қолданыстағы заңнамаларға сәйкес жұмыс берушілер жүргізеді.

4. ҚОҒАМДЫҚ ЖҰМЫСТАРДЫ ҚАРЖЫЛАНДЫРУ ЖӘНЕ ҰЙЫМДАСТЫРУ ТӘРТІБІН БАҚЫЛАУ

14. Қоғамдық жұмыстарды қаржыландыру және ұйымдастыру тәртібін бақылауды заңнамамен белгіленген тәртіппен мемлекеттік органдар жүзеге асырады.