Әлеуметтік жағдайы дәрменсіз отбасылары мен жекелеген азаматтарға бір жолғы материалдық көмек беру туралы Күшін жойған

Әлеуметтік жағдайы дәрменсіз отбасылары мен жекелеген азаматтарға бір жолғы материалдық көмек беру туралы Қазақстан Республикасының «Қазақстан Республикасындағы жергілікті мемлекеттік басқару туралы» 2001 жылғы 23 қаңтардағы № 148-ІІ санды Заңының 31 бабына сай әлеуметтік жағдайлары дәрменсіз отбасылары мен жекелеген азаматтарға бір жолғы материалдық көмек көрсету мақсатында аудан әкімдігі ҚАУЛЫ ЕТЕДІ:

1. Әлеуметтік жағдайы дәрменсіз отбасылары мен жекелеген азаматтарға бір жолғы материалдық көмек беру комиссиясының құрамы аудандық маслихат сессиясына бекітуге ұсынылсың . (№ 1 жалғама).

2. Әлеуметтік жағдайы дәрменсіз отбасылары мен жекелееген азаматтарға бір жолғы материалдық көмектің мөлшері № 2 жалғамаға сәйкес бекітілсін.

3. Аудандық жұмыспен қамту және әлеуметтік бағдарламалар бөліміне (М. Ермеғали) және аудандық экономика және бюджетті жоспарлау бөліміне (Н. Оразов) материалдық көмектің уақытында тағайындалып, төленуін қамтамасыз ету тапсырылсын.

4. Аудан әкімінің орынбасары А. Балғайшиевке осы қаулының орындалуына бақылау жасау жүктелсін. Келісілді: М.Ермеғали Аудандық жұмыспен қамту және әлеуметтік бағдарламалар бөлімінің меңгерушісі Келісілді: Н.Оразов Аудандық экономика және бюджеттік жоспарлау бөлімінің меңгерушісі

Аудан әкімдігінің "23" 01.2007 жылғы № 29 қаулысымен бекітілген № 1 жалғама Әлеуметтік жағдайы дәрменсіз отбасылары мен жекелеген азаматтарға бір жолғы материалдық көмек беру туралы комиссияның құрамы. Балғайшиев Арман Байзақұлы - аудан әкімінің орынбасары, комиссия төрағасы. Нұрмағанбетов Берік Базарұлы - аудандық қаржы бөлімінің меңгерушісі комиссия төрағасының орынбасары. Ермеғали Мақсот Иісұлы - аудандық жұмыспен қамту және әлеуметтік бағдарламалар бөлімінің меңгерушісі, комиссия хатшысы. Төлегенова Сания Саматқызы - аудандық Әділет басқармасының бастығы (өз келісімі бойынша) Мухамедрахимова Әлфия - аудандық «Қаратөбе өңірі» ЖШС газетінің редакторы. Мұхитов Абай Шыныбекұлы - аудандық білім беру бөлімінің меңгерушісі. Мұқанова Әсемгүл Жайықбайқызы - аудандық аумақтық медицина бірлестігінің терапевті.

Аудан әкімдігінің "23".01.2007 жылғы № 29 қаулысымен бекітілген № 2 жалғама. Әлеуметтік жағдайы дәрменсіз отбасылары мен жекелеген азаматтарға бір жолғы материалдық көмектің мөлшері.

1. Жақын туыстары қайтыс болғанда: 10 айлық есептік көрсеткіш

2. Әлеуметтік тұрмыстық жағдайы төмен отбасына: 8 айлық есептік көрсеткіш көлемінде

3. Емделуі үшін: 9 айлық есептік көрсеткіш көлемінде

4. Залал келгенде: 11 айлық есептік көрсеткіш көлемінде.