Об изменениях базовых ставок земельного налога Күшін жойған

Жер салығы базалық ставкаларының өзгерістері туралы Жергілікті бюджеттің табыс бөлігін ұлгайту мақсатында және «Салық және бюджетке төленетін басқа да міндетті төлемдері туралы» Қазақстан Республикасының 2001 жылғы 12 маусымдағы Кодексінің 338-бабының 1-тармағына сәйкес, Қазақстан Республикасының жер заңдарына сәйкес өткізілген жерді аймақтарға бөлу жобалары негізінде Қарасу аудандық мәслихаты ШЕШТІ:

1. Елді мекендердің жерлеріне (үй жер учаскелері болған кезде қоспағанда) жер салығының базалық ставкалары 50 пайызға көтерілсін.

2. Салық комитеті жер салығын көтерілген базалық ставкалардың негізінде осы шешімге сәйкес есептеу жүргізсін.

3. Осы шешімнің орындалуын бақылау Қарасу ауданы бойынша салық комитетінің төрағасы Шоқметов Ғалымбек Қабдешұлына жүктелсін.

4. Осы шешім ресми жарияланган күнінен бастап он күнтізбелік күн өткеннен кейін қолданысқа енеді.