Мүгедектерге арналған жұмыс орындарына квота белгілеу туралы Қолданыста

Мүгедектерге арналған жұмыс орындарына квота белгілеу туралы «Қазақстан Республикасының 2001жылғы 23 қаңтардағы №149 «Халықты жұмыспен қамту туралы» Заңының 7 бабының 5-2) тармакшасына, Қазақстан Республикасының 2005 жылғы 13 сәуірдегі №39 «Қазақстан Республикасындағы мүгедектерді әлеуметтік қорғау туралы» Заңының 31 бабының 1) тармакшасына сәйкес, және «Қазақстан Республикасының 2001 жылғы 23 қаңтардағы №148 «Қазакстан Республикасындағы жергілікті мемлекеттік басқару туралы» Заңының 21 бабының 1-тармағын 13)-тармақшасын басшылыққа ала отырып Жарма ауданының әкімдігі ҚАУЛЫ ЕТЕД1:

1. Жарма ауданының жұмыс берушілері мүгедектерге арналған жұмыс орындарына квотаны жұмыс орындарының жалпы санының 3 пайызы мөлшерінде белгіленсін.

2. «Жарма ауданының жұмыспен қамту және әлеуметтік бағдарламалар бөлімі» ММ (А.А.Омирзаков) жұмыс берушілерге мүгедектерді жұмыстарға жіберуді қамтамасыз етсін.

3. 2007 жылғы 15 наурыздағы № 44 Жарма ауданының әкімдігінің «Мүгедектерге арналған жұмыс орындарына квота белгілеу туралы» қаулысының күші жойылды деп есептелсін.

4. Осы қаулының орындалуына бақылау жасау аудан әкімінің орынбасары С. М. Брынзовқа жүктелсін.

5. Ресми жарияланған күнінен күшіне енеді.