Об утверждении Правил оказания социальной помощи отдельным категориям нуждающихся граждан по решениям местных представительных органов Қолданыста

Жергілікті өкілетті органдардың шешімдері бойынша мұқтаж азаматтардың жекелеген санаттарына әлеуметтік көмек көрсету ережелерін бекіту туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 7 бабына, Қазақстан Республикасының 2004 жылғы 24 сәуірдегі Бюджеттік Кодексінің 53 бабына, Қазақстан Республикасы Үкіметінің 2004 жылғы 24 желтоқсандағы № 1362 «Қазақстан Республикасының Біртұтас бюджеттік классификациясын бекіту туралы» қаулысына сәйкес Зеренді аудандық Мәслихаты ШЕШІМ ЕТТІ:

1. Жергілікті өкілетті органдардың шешімдері бойынша мұқтаж азаматтардың жекелеген санаттарына әлеуметтік көмек көрсету ережелері бекітілсін.

2. Осы шешім Зеренді ауданының Әділет басқармасында мемлекеттік тіркелгеннен кейін күшіне енеді және ресми жарияланған сәттен бастап қолданысқа енгізіледі.

БЕКІТІЛГЕН аудандық Мәслихаттың 2007 жылғы 30 мамырдағы № 42-278 шешімімен Жергілікті өкілетті органдардың шешімдері бойынша мұқтаж азаматтардың жеке санаттарына әлеуметтік көмек көрсету Ережелері

1. Жалпы ережелер.

1. Осы мұқтаж азаматтардың жеке санаттарына әлеуметтік көмекті жүзеге асыру Ережелері (бұдан былай Ережелер) 451007000 «Жергілікті өкілетті органдардың шешімдері бойынша мұқтаж азаматтардың жеке санаттарына әлеуметтік көмек» бюджеттік бағдарламасы бойынша төлемдерді ұйымдастыру тәртібін реттейді.

2. Ережелерді қабылдауға негіз болған Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы», 2005 жылғы 12 сәуірдегі «Мемлекеттік әлеуметтік тапсырыс туралы» Заңдары, Қазақстан Республикасы Үкіметінің 2004 жылғы 24 желтоқсандағы «Қазақстан Республикасында бірыңғай бюджеттік классификацияларды бекіту туралы» Қаулысы және Қазақстан Республикасының 2004 жылғы 24 сәуірдегі Бюджеттік Кодексі.

2. Әлеуметтік көмек алу құқығы.

3. Әлеуметтік көмекке ең аз күнкөріс мөлшерінде кіріс түсетін аз қамтамасыз етілген отбасылар (азаматтар) немесе айқындалған жағдайлардың салдарынан қауырт әлеуметтік қолдауға мұқтаж, сонымен қатар мереке: 9 мамыр Жеңіс күні, балаларды қорғау күні, мүгедектер күні қарсаңында азаматтардың жеке санаттары құқылы. Өмірлік қиын жағдайлар - отбасының бір мүшесінің қайтыс болуы, онкология, туберкулез және қант диабеті ауруларын ұзақ мерзімді емдеу. Халықтың әлеуметтік жағынан әлжуаз топтарына әлеуметтік көмекті мемлекеттік әлеуметтік тапсырыс арқылы іске асырады.

4. Төтенше жағдайларда комиссияның шешімі бойынша өрт, апат және басқа да күтпеген жағдайлар.

3. Әлеуметтік көмек көрсету жөніндегі жұмыстарды ұйымдастыру.

5. Төлемдер жөніндегі жұмыстарды ұйымдастыру мақсатында Мәслихат депутаттарынан, денсаулық сақтау, ағарту, жұмыспен қамту және әлеуметтік бағдарламалар бөлімі, үкіметтік емес ұйымдар, Ардагерлер кеңесі өкілдерінен комиссия құрылады. Комиссия аудан әкімінің қаулысымен құрылады, кандидатуралардың дербес құрамы аудандық Мәслихат шешімімен бекітіледі. Отырыс айына бір реттен кем емес аудандық әкімдікте өтеді.

6. Комиссияның негізгі міндеттері: азаматтардың әлеуметтік көмек көрсету жөніндегі арыздарын қарастыру; көмек көрсетуді өтінген отбасылардың әлеуметтік-тұрмыстық жағдайлары мен қамтамасыз етілу деңгейлерін тексеру; әлеуметтік көмек тағайындау және тағайындамау туралы шешім қабылдау.

4. Әлеуметтік көмек көрсету тәртібі.

7. Әлеуметтік көмек отбасының бір мүшесіне (азаматқа) жылына бір рет ақшалай беріледі.

8. Әлеуметтік көмек алғысы келетін тұлға жұмыспен қамту және әлеуметтік бағдарламалар бөліміне арыз береді. Арызға келесі құжаттар қоса беріледі:

1) жеке куәлік;

2) салық төлеушінің тіркеу нөмірі;

3) тіркелу туралы құжат;

4) әлеуметтік көмекті қажет ететіндігін нақтылайтын құжат;

5) отбасының материалды-мүліктік жағдайын тексеру актісі;

6) төлем көрсету жөніндегі селолық округтің өтініші;

7) жеке есепшоты.

9. Төлем арыз берушінің есепшотына қаражат аудару жолы арқылы жүзеге асырылады.

10. Әлеуметтік көмек Отан Соғысына қатысушылардың және оларға теңестірілген тұлғалардың өтініш беруінсіз есепшоттарына қаражат аудару жолымен жүзеге асырылады.

1) Жеңіс күні құрметіне Отан Соғысына қатысушыларға, тыл еңбеккерлеріне және оларға теңестірілген тұлғаларға біржолғы төлем;

2) Отан Соғысына қатысушыларға кезеңдік басылымдарға жазылуы үшін біржолғы төлем;

3) Республикалық клиникаларда тексерілу және емделу үшін Отан Соғысына қатысушылардың және оларға теңестірілген тұлғалардың, балалардың емделуге жол ақысын төлеу үшін әлеуметтік көмек;

11. Азаматтардың жеке санаттарына көмек:

1) мүгедектер күніне 1, 2 топтағы мүгедектерге және мүгедек балаларға біржолғы төлем;

2) қайтыс болған азаматтарды жерлеуге кедейшілік шегінен төмен тұратын мұқтаж отбасыларға әлеуметтік көмек;

3) аз қамтылған отбасылардың қант диабетімен және туберкулезбен ауыратын мүшелеріне әлеуметтік көмек;

4) ауданға жұмыс істеуге келген мамандарға әлеуметтік көмек;

5) жеке оңалту бағдарламасы жоқ мүгедектерге мүгедектік арбалар алу үшін әлеуметтік көмек;

6) жеке оңалту бағдарламасы жоқ мұқтаж азаматтарға протезді бұйымдар алу үшін әлеуметтік көмек;

7) жеке оңалту бағдарламасы негізінде мүгедектерге әлеуметтік оңалтуға әлеуметтік көмек;

8) жеке оңалту бағдарламасы жоқ отбасында ең төменгі күн көріс деңгейінен төмен табысы бар мүгедектерге және мүгедек балаларға санаторлы-курорттық жолдама алу үшін әлеуметтік көмек;

9) дарынды балаларға (аз қамтылған отбасылардан шыққан, мүгедек балаларға, жетім балалар және балалар, ата-аналарының қамқорынсыз қалған балаларға) әлеуметтік көмек;

10) төтенше жағдайлардың салдарынан кауырт қолдауды қажет ететіндерге әлеуметтік көмек.

5. Әлеуметтік көмек көрсету жөніндегі шығындарды қаржыландыру.

12. Әлеуметтік төлемдер бойынша шығындар 451007000 «Жергілікті өкілетті органдардың шешімдері бойынша мұқтаж азаматтардың жеке санаттарына әлеуметтік көмек» бюджеттік бағдарламасы бойынша аудандық бюджетте қарастырылған қаржы көлемінде қаржыландырылады.

6. Төлемдердің жүзеге асырылу тәртібі және мөлшері.

13. Әлеуметтік көмек жиынтық реестрі негізінде ақша қаражатын алушылардың жеке шоттарына аудару арқылы жүзеге асырылады.

13.1. Әлеуметтік көмектің мөлшері комиссия шешімімен 451007000 «Жергілікті өкілетті органдардың шешімдері бойынша мүқтаж азаматтардың жеке санаттарына әлеуметтік көмек» бюджеттік бағдарламасында қарастырылған қаражатқа сәйкес белгіленеді.

7. Әлеуметтік көмек көрсетуді бақылау.

14. Әлеуметтік көмек көрсету жөніндегі бақылау және есепке алу Қазақстан Республикасының Бюджеттік Кодексіне сәйкес жүзеге асырылады.