Об оказании единовременной материальной помощи малообеспеченным и остронуждающимся гражданам Күшін жойған

Аз қамтылған және аса мұқтаж азаматтарға бір жолғы материалдық көмек көрсету туралы Бюджет кодексінің 53 бабына, Қазақстан Республикасының «Қазақстан Республикасындағы мемлекеттік жергілікті басқару туралы» Заңына сәйкес, қалалық мәслихат ШЕШІМ ЕТТІ:

1. Бір жолғы материалдық көмек (бұдан әрі-көмек) белгіленсін: аз қамтылған отбасыларға, тұрақты мекен етуге көшіп келген оралмандарға алғашқы жылдары жағдайын түзеу үшін; тұрғындардың әлеуметтік қорғалуға жататын санатындағы азаматтарға; аса мұқтаж денсаулық сақтау, білім беру және спорт, халықты әлеуметтік қорғау және мәдениет мемлекет мекемелерінің қызметкерлеріне.

2. Көмек тағайындау бойынша Ақтау қалалық жұмыспен қамту және әлеуметтік бағдарламалар бөлімі уәкілетті орган болып табылады (бұдан әрі - уәкілетті орган).

3. Көмек табыс мөлшеріне қарамастан азаматтардың өтініші бойынша ауыр материалдық, моральдық зардаптарға соқтырған өмірдің айрықша қиын кезеңдерінде: отбасы мүшелерінің біреуі қайтыс болған жағдайда, облыстан тыс жерлерде емделуге материалдық жағдайы келмесе, отбасына материалдық залал келтірген өрт болған жағдайда және басқа да қайғылы оқиғалар болғанда жылына бір рет беріледі. Ерекше жағдайларда қайта тағайындалады, алайда жылына екі реттен артық болмауы тиіс.

4. Көмек тағайындау кезінде отбасы құрамында оның кәмелетке толмаған балалары, көмек алушыдан басқа асыраушының жоқтығы ескеріледі.

5. Уәкілетті орган қызметкерлері өтініш берушінің әлеуметтік - тұрмыстық жағдайына, көмек тағайындауға негіз болған деректі оқиғаға тексеру жүргізеді.

6. Шешім қабылданғаннан кейін, көмек төлеуге тізім жасақталады және алушының мекен жайы бойынша есеп шотына аударылады.

7. Аз қамтылған отбасыларға, тұрғындардың әлеуметтік қорғалуға жататын қатарларына, аса мұқтаж денсаулық сақтау, білім беру және спорт, халықты әлеуметтік қорғау және мәдениет мемлекет мекемелерінің қызметкерлеріне көмек тағайындау және төлеу үшін қала әкімінің, немесе білім беру, мәдениет және әлеуметтік қорғау жөніндегі әкімнің орынбасары атына арыз және қосымшаға сәйкес құжаттар тізімі қажет.

8. Уәкілетті органға құжаттар тұпнұсқасы көшірмесімен салыстыруға ұсынылады, салыстырылып болғасын құжаттың түпнұсқасы өтініш берушіге қайтарылады.

9. Көмек алушылар тапсырылған құжаттардың, мәліметтердің дұрыстығына жауапкершілік алады.

10. Осы шешім алғаш рет ресми жарияланғаннан кейін он күнтізбелік күн өткен соң қолданысқа енгізіледі. КЕЛІСІЛДІ: Қалалық жұмыспен қамту және әлеуметтік бағдарламалар бөлімінің бастығы ____________Айбатырова К.М. 28.05.2007 жыл.

Қалалық мәслихаттың 2007жылғы «28» мамырдағы № 37/324 шешіміне қосымша Бір жолғы материалдық көмек алуына құжатгар тізбесі

1. Тұрақты мекен-жайын анықтайтын түрғындарды тіркеу кітабы.

2. Өтініш берушінің жеке куәлігі, отбасы мүшелерінің құжаттары.

3. Салық төлеушінің тіркелу куәлігі.

4. Алушының және отбасы мүшелерінің материалдық көмек алу мәртебесі бар екендігін дәлелдейтін құжат.

5. Зардапты оқиғаны дәлелдейтін құжаттар (анықтама, куәлік, емделуге берілген жолдама және т.б.).

6. Әлеуметтік, материалдық ауыр жағдайды куәландыратын басқа да құжаттар.