Об определении мест для размещения агитационных печатных материалов на территории города Рудного Қолданыста

Рудный қаласының аумағында үгіттеу баспа материалдарын орналастыруға арналған орындарды белгілеу туралы "Қазақстан Республикасындағы сайлау туралы" Қазақстан Республикасы Конституциялық Заңының 28-бабы 6-тармағына, "Қазақстан Республикасындағы жергілікті мемлекеттік басқару туралы" Қазақстан Республикасы Заңының 31 және 32-баптарына, Қазақстан Республикасы Президентінің 2007 жылғы 20 маусымдағы № 350 «Үшінші шақырылған Қазақстан Республикасы Парламентінің Мәжілісін тарату және Қазақстан Республикасы Парламенті Мәжілісі депутаттарының кезектен тыс сайлауын тағайындау туралы» Жарлығына және Қазақстан Республикасы Орталық сайлау комиссиясының 2007 жылғы 21 маусымдағы № 89/166 «Қазақстан Республикасы мәслихаттары депутаттарының кезекті сайлауын тағайындау және Қазақстан Республикасы мәслихаттары депутаттарының кезекті сайлауын өткізу жөніндегі негізгі іс-шаралардың күнтізбелік жоспарын бекіту туралы» қаулысына сәйкес, 2007 жылғы 18 тамызға жарияланған Қазақстан Республикасы Парламенті Мәжілісінің депутаттарын және Қостанай облыстық және Рудный қалалық мәслихаттары депутаттарын сайлау бойынша сайлау науқаны кезеңінде үгіттеу баспа материалдарын орналастыруды тәртіпке келтіру мақсатында Рудный қаласының әкімдігі және қалалық аумақтық сайлау комиссиясы ҚАУЛЫ ЕТЕДІ:

1. Қазақстан Республикасы Парламенті Мәжілісінің депутаттарын және Қостанай облыстық және Рудный қалалық мәслихаттары депутаттарын сайлау бойынша сайлау науқаны кезеңінде Рудный қаласының аумағында үгіттеу баспа материалдарын орналастыруға арналған орындар қосымшаға сәйкес белгіленсін.

2. Осы қаулының орындалуына бақылау жасау Рудный қаласы әкімінің орынбасары А.А. Ишмүхамбетовке және қалалық аумақтық сайлау комиссиясының төрағасы А.М. Тарасевичке жүктелсін.

3. Осы қаулы алғашқы ресми жарияланған күннен кейін он күнтізбелік күн өткен соң қолданыска енгізіледі.

Рудный қаласы әкімдігінің 2007 жылғы «2» шілдедегі № 2б және қалалық аумақтық сайлау комиссиясының 2007 жылғы «2» шілдедегі № 40б бірлескен қаулысына қосымша Қазақстан Республикасы Парламенті Мәжілісінің депутаттарын және Қостанай облыстық және Рудный қалалық мәслихаттары депутаттарын сайлау бойынша сайлау науқаны кезеңінде Рудный қаласының аумағында үгіттеу баспа материалдарын орналастыруға арналған орындар Стендтер және тумбалар:

1. Ленин көшесі:

1) «Строитель» стадионы» аялдамасы;

2) "Мұражай" аялдамасы;

3) «Қазақтелеком» акционерлік қоғамының Рудный қалалық телекоммуникация торабы ғимаратының ауданы;

4) «Дос Бол» дүкені ауданы.

2. 50 лет Октября көшесі: "Универсам" дүкенінің ауданы.

3. Сандригайло көшесі: "Босфор" дүкенінің ауданы.

4. Комсомол даңғылы: "Орбита" дүкенінің ауданы.

5. Мир көшесі: "Вояж" дүкені» аялдамасы.

6. Қашар поселкесі: Тасымалданатын қалқандарда: № 1 Қашар мектебі ғимаратының алдында; «КҮН» мемлекеттік коммуналдық кәсіпорны ғимаратының алдында; «Жеңіс аллеясында».

7. Перцев поселкесі: Мектеп ғимаратының алдында.

8. Горняцк поселкесі: Рудный қаласы әкімдігінің «Горняцк поселкесі әкімінің аппараты» мемлекеттік мекемесі ғимаратының алдында.

9. Желерудная стансасы: Мектеп ғимаратының алдында.