Об изменении административных границ города Туркестана и отдельных сельских округов Қолданыста

Түркiстан қаласының және бiрқатар ауылдық округтерiнiң әкiмшiлiк шекараларын өзгерту туралы Қазақстан Республикасы Жер кодексiнiң 108-бабына, Қазақстан Республикасының 1993 жылғы 8 желтоқсандағы "Қазақстан Республикасының әкiмшiлiк-аумақтық құрылысы туралы" Заңының 11-бабына сәйкес, Қазақстан Республикасы Үкiметiнiң келiсiмi, Түркiстан қалалық мәслихаты мен әкiмдiгiнiң ұсыныстары негiзiнде Оңтүстiк Қазақстан облыстық мәслихаты ШЕШТІ және Оңтүстiк Қазақстан облысының әкiмдiгi ҚАУЛЫ ЕТТІ:

1. Түркiстан қаласының әкiмшiлiк шекарасына Қарашық, Ораңғай Шаға, Иассы ауылдық округтерiнiң жерiнен жалпы алаңы 14168,0 га қосылуымен қосымшаға сәйкес Түркiстан қаласы мен аталған ауылдық округтерiнiң шекаралары өзгертiлсiн.

2. Шорнақ, Жүйнек, Жаңа Иқан, Ескi Иқан, Үшқайық, Сауран, Бабай-Қорған, Қарашық, Ораңғай, Шаға, Иассы ауылдық округтерiнiң Түркiстан қаласына әкiмшiлiк бағыныстылығы сақталынсын.

3. Осы шешiм алғаш ресми жарияланғаннан кейiн күнтiзбелiк он күн өткен соң қолданысқа енгiзiлсiн.