Об установлении карантинной зоны с ведением ограничительных мероприятии на село Белоглинка Петропавловского сельского округа Узункольского района по бешенству животных Қолданыста

Ұзынкөл ауданы Петропавл селолық округінің Белоглинка ауылына жануарлардың құтырмасы бойынша шектеулер қою іс-шараларын жүргізуге байланысты тыйым салу аймағын белгілеу туралы «Халықтың санитарлық эпидемиологиялық салауаттығы туралы» Қазақстан Республикасының 2002 жылғы 4 желтоксандағы № 361 Заңына, «Ветеринария туралы» Қазақстан Республикасының 2002 жылғы 10 шілдедегі № 339 Заңының 10, 27-баптарына, «Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы № 148-ІІ Заңының 31-бабының 1-тармағының 18) тармақшасына сәйкес, Қазақстан Республикасы ауылшаруашылық Министірлігінің агроөнеркәсіптік кешендегі мемлекеттік инспекция Комитетінің Ұзынкөл аудандық аймақтық инспекциясының 2007 жылғы 6 маусымдағы ұсынысының негізінде және Ұзынкөл ауданы Петропавл селолық округінің Белоглинка ауылындағы жануарлардың құтырмасын жою жөніндегі іс-шараларды өткізу мақсатында, Ұзынкөл ауданының әкімдігі ҚАУЛЫ ЕТЕДІ:

1. Ұзынкөл ауданы Петропавл селолық округінің Белоглинка ауылы жануарлардың құтырмасынан сау емес деп белгіленсін.

2. Алдын ала ветеринарлық бауыздау байқауынан мұқият өтпеген және сойылған малдың өнімдерін ветеринарлық - санитарлық сараптаудан өтпеген жануарларды союға тыйым салыну ұсынылсын.

3. «Қазақстан Республикасының ауылшаруашылық Министрлігінің агроөнеркэсіптік кешендегі мемлекеттік инспекция Комитетінің Ұзынкөл аудандық аймақтық инспекциясы» мемлекеттік мекемесі салауатсыз орында мына іс - шараларды өткізсін (келісім бойынша):

1) ауру және ауруға күдікті жануарлар топтарынан белінген, сонымен қатар қаңғыбас иттер (мысықтар) мен жабайы хайуандар қауып алған жануарлар топтарына тәулігіне үш реттен кем емес үнемі ветеринарлык кадағалау белгілесін. Жануарлардың құтырма ауруымен ауырған ауруларды және оған белгілесін. Жануарлардың құтырма ауруымен ауырған ауруларды және оған күдіктілерді неғұрлым ерте анықтау мақсатында бүкіл топты ветеринарлық байқаудан өткізсін;

2) үй иттері мен мысықтары, сонымен қатар ауылшаруашылық жануарларының барлық түрлері құтырмаға қарсы егілсін;

3) құтырма ауруымен ауырған жануарлар, аурулар және оған күдіктілердің болған жерлерін, жануарларды күтуге қажетті саймандарды, киімдерді және басқа да құтырма ауруымен ауырған жануарлардың сілекейімен және зәрлерімен ласталған заттарды залалсыздандырсын.

4. «Ұзынкөл ауданы бойынша мемлекеттік санитарлық -эпидемиологиялық қадағалау басқармасы» мемлекеттік мекемесіне мыналар ұсынылсын (келісім бойынша):

1) құтырмаға (қарым — қатынас жасайтындар) қарсы егуді қажет ететін тұлғаларды анықтау үшін, құтырма ауруынан салауатсыз елді мекендерді аула сайын аралауды ұйымдастырсын;

2) жануарлар ұсталатын жерлердің санитарлық жағдайына, сонымен қатар елді мекеннің аумағына тексеріс жүргізсін;

3) ауданның емдеу - сауықтыру мекемелерін антиробиялык вакцина мен иммуноглобулиннің қажетті мөлшерімен қамтамасыз етсін;

4) ветеринарлық қызметпен бірлесіп қауып алғаннан зардап шеккендердің жүгінуінің барлық жағдайына эпизоотологиялық-эпидемиологилық тергеу жургізсін;

5) «Ұзынкөл орталық аудандық аурухана» мемлекеттік коммуналдық қазыналық кәсіпорнымен бірлесіп құтырманың алдын алу жөнінде халық арасында санитарлық - сауаттандыру жұмысын жүргізсін.

5. «Ұзынкөл орталық аудандық аурухана» мемлекеттік коммуналдық қазыналық кәсіпорны (келісім бойынша):

1) барлық зардап шеккендерге дәлелдемелері болған жағдайда құтырмаға қарсы емдеу - алдын - алу егулерін уақытында жүргізуін қамтамасыз етсін;

2) құтырмаға диагноз қою, емдеу және алдын алу мәселелері бойынша медицина қызметкерлерінің теориялық және тәжірбие дайындығын өткізуді қамтамасыз етсін.

6. Осы қаулының орындалуын бақылау аудан әкімінің орынбасары Ж.Н. Мұхамедқалиевке жүктелсін.

7. Осы қаулы алғаш рет ресми жарияланған күнінен бастап он күнтізбелік күн өткен соң қолданысқа енгізіледі.