Об утверждении Порядка размещения пасек на территории Шемонаихинского района Қолданыста

Шемонаиха ауданының аумағында омарталарды орналастыру Тәртібін бекіту туралы «Бал ара шаруашылығы туралы» Қазақстан Республикасының 2002 жылғы 12 наурыздағы Заңы 6- бабына сәйкес, аудан аумағында омарталарды қауіпсіз орналастыруды қамтамасыз ету мақсатында Шемонаиха ауданының әкімдігі ҚАУЛЫ ЕТЕДІ:

1. Қоса берілген Шемонаиха ауданының аумағында омарталарды орналастыру тәртібі бекітілсін.

2. Қазақстан Республикасы Ауыл шаруашылығы Министрілігі Шемонаиха аудандық аумақтық инспекциясына жоғарыда көрсетілген Тәртіпті және оның сақталуына бақылау жасауды жүзеге асыру бойынша қызметті үйлестіруді жүзеге асыру ұсынылсын.

3. Осы қаулы оның бірінші ресми жариялануынан он күнтізбелік күн өткеннен кейін қолданысқа енгізілсін. Келісілген: Қазақстан Республикасы АШМ Шемонаиха аудандық аумақтық инспекциясының бастығы В.Некрасов

Шемонаиха ауданының әкімдігінің 2007 жылғы 10 тамыздағы №2097 қаулысымен БЕКІТІЛДІ Шемонаиха ауданының аумағында омарталарды орналастыру ТӘРТІБІ 1. Жалпы ережелер

1. Шемонаиха ауданы аумағында омарталарды орналыстырудың осы Тәртібі (әрі қарай - Тәртіп) Қазақстан Республикасының 2002 жылғы 12 наурыздағы «Бал ара шаруашылығы туралы» Заңының талаптарына сәйкес орнатылған.

2. Тәртіп Шемонаиха ауданы аумағында омарталарды қауіпсіз орналастырудың негізгі ұстанымдарын реттейді.

3. Осы Тәртіп бал ара шаруашылығымен айналысушы барлық жеке және занды тұлғалармен сақталсын.

2. Омарталарды қауіпсіз орналастырудың реттелуі

4. Жеке және заңды тұлғалар омарталарды адамдардың және малдың қауіпсіздігі қамтамасыз етілетін орындарда орналастырады. Шаруашылық субъектілердің басшыларында және омарталардың иелерінде әр омартаға малдәрігерлік саласындағы өкілетті мемлекеттік органдарымен берілген ветеринарлық төлқұжаттары міндетті түрде болуы керек.

5. Омарталар, омарта иелерінің пайдалауындағы жер телімдерінде орналастырылады. Бал ара шаруашылығымен айналысатын тұлғалар жер туралы заңнамасына сәйкес жер телімдерінің иелерімен және жер пайдаланушылармен келісім бойынша басқа жер телімдерін пайдалана алады.

6. Елді мекендердің шегінде биіктігі 2 метрлік қоршау болғанда бал омарталарын орналастыруға болады.

7. Бал ара ұяларын үлкен жолдарға және мал шаруашылығы фермаларында жақын орналастыруға жол берілмейді. Олардың ара қашықтығы 30 метрден кем болмауы тиіс.

8. Көшпелі омарталар бал жинау көздерінде бір-бірінен кем дегенде бір жарым километрден және тұрақты омарталар дан үш километрден жақын емес қашықтықта орналастырылуы тиіс. Тұрақты және көшпелі омарталарды бал аралардың басқа бұрын орналастырылған омартадан аралардың бал жинау көздеріне қарай ұшатын жолына орналастыруға жол берілмейді.

9. Бал ара ауырларының дамуын болдырмау үшін, ұялар ойпаң және дымқыл жерлерде, су қоймаларының жанына орналастыруға болмайды.

10. Омарталарды ауыл шаруашылығына пайдалы жерге орналастыру кезінде ауыл шаруашылық дақылдарды таптауға, сол айналаны ластауға жол берілмеуі тиіс.

3. Тәртіптің орындалуына жауапкершілік 11. Осы Тәртіпті бұзған тұлғалар Қазақстан Республикасының қолданыстағы заңнамасында қарастырылған жауаптылыққа тартылады.

Қазақстан Республикасы АШМ Шемонаиха ауданының аумақтық инспекциясының бастығы В.Некрасов