Об оказании единовременной социальной помощи отдельным категориям граждан Күшін жойған

Азаматтардың жекелеген санаттарына біржолғы әлеуметтік көмек көрсету туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» № 148 Заңының 31 бабы 1 тармағы 14) тармақшасына, Қазақстан Республикасының 1995 жылғы 28 сәуірдегі «Ұлы Отан соғысының қатысушыларына, мүгедектері мен оларға теңестірілген тұлғаларға жеңілдіктер және әлеуметтік көмек туралы» № 2247 Заңының 20 бабына, Қазақстан Республикасының 2005 жылғы 13 сәуірдегі «Қазақстан Республикасындағы мүгедектерді әлеуметтік қорғау туралы» № 39 Заңының 16 бабына, Петропавл қалалық мәслихатының 2007 жылғы 12 шілдедегі 34 сессиясының «Петропавл қалалық мәслихатының 2006 жылғы 21 желтоқсандағы 29 сессиясының «2007 жылға арналған Петропавл қаласының бюджеті туралы» № 2 шешіміне өзгерістер мен толықтырулар енгізу туралы» № 2 шешіміне, қала әкімдігі ҚАУЛЫ ЕТЕДІ:

1. «Петропавл қаласының жұмыспен қамту және әлеуметтік бағдарламалар бөлімі» мемлекеттік мекемесі 26 мың теңге мөлшерінде біржолғы әлеуметтік көмектің мынадай санаттағы азаматтарға төленуін қамтамасыз етсін:

1) Ұлы Отан соғысының қатысушылары мен мүгедектеріне және оларға теңестірілген тұлғаларға;

2) бірінші, екінші және үшінші топтағы мүгедектерге.

2. «Петропавл қаласының қаржы бөлімі» мемлекеттік мекемесі әлеуметтік көмекті қала бюджетімен «Жергілікті өкілдік органдардың шешімі бойынша әлеуметтік көмекке мұқтаж азаматтардың жеке санаттарына әлеуметтік көмек» 451-007-000 бағдарламасы бойынша бекітіліп бөлінген қаражат шегінде қаржыландыруды қамтамасыз етсін.

3. Осы қаулының орындалуын бақылау Петропавл қаласы әкімінің бірінші орынбасары А.З. Сәрсембаевқа жүктелсін.

4. Осы қаулы оның бірінші ресми жарыққа шыққан күннен бастап күшіне енеді.