Об утверждении Инструкции о порядке оказания социальной помощи отдельным категориям граждан в связи с повышением цен на продовольственные товары Қолданыста

Азық-түлік тауарлары бағаларының көтерілуіне байланысты жекеленген санаттағы азаматтарға әлеуметтік көмек көрсету тәртібі жөніндегі нұсқаулықты бекіту туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 31-бабының 1-тармағының 14) – тармақшасына сәйкес тұрғындардың әлеуметтік қорғансыз жіктеріне көмек көрсету мақсатында аудан әкімдігі ҚАУЛЫ ЕТЕДІ:

1. Азық – түлік тауарлары бағаларының көтерілуіне байланысты жекелеген санаттағы азаматтарға әлеуметтік көмек көрсету тәртібі жөніндегі Нұсқаулық бекітілсін.

2. Осы қаулы 2007 жылғы 5 қарашадан бастап күшіне енеді.

3. Осы қаулының орындалуын бақылау аудан әкімінің орынбасары Р. Ш. Шәмкеноваға жүктелсін.

Павлодар ауданы әкімдігінің 2007 жылғы 5 қараша «Азық-түлік тауарлары бағаларының көтерілуіне байланысты жекеленген санаттағы азаматтарға әлеуметтік көмек көрсету тәртібі жөніндегі нұсқаулықты бекіту туралы» № 372/11 қаулысымен бекітілді Азық-түлік тауарлары бағаларының көтерілуіне байланысты жекеленген санаттағы азаматтарға әлеуметтік көмек көрсету тәртібі жөніндегі нұсқаулық

1. Жалпы ережелер

1. Азық-түлік тауарлары бағаларының көтерілуіне байланысты жекеленген санаттағы азаматтарға әлеуметтік көмек көрсету тәртібі жөніндегі нұсқаулық (бұдан әрі - Нұсқаулық) Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 31 бабы 1-тармағының 14) – тармақшасына сәйкес әзірленді және азық-түлік тауарлары бағаларының көтерілуіне байланысты жекелеген санаттағы азаматтарға әлеуметтік көмек (бұдан әрі Әлеуметтік көмек) тағайындау және төлеу тәртібін белгілейді.

2. Нұсқаулық азық-түлік тауарлары бағаларының көтерілуіне байланысты жекелеген санаттағы азаматтарға әлеуметтік көмек көрсету үшін облыстық бюджетпен көзделген және аудан бюджетіне жіберілген мақсатты ағымдағы трансферттерді пайдалану тәртібін белгілейді:

1) жасына және қызмет өткерген жылдарға байланысты зейнеткерлерге;

2) 2007 жылы мемлекеттік атаулы әлеуметтік көмек алушыларға;

3) 18 жасқа толмаған балаларға арналған мемлекеттік жәрдемақы алушы отбасыларға;

4) кәмелетке толмаған төрт және оданда көп баласы бар көп балалы аналарға;

5) «Алтын алқа», «Күміс алқа» белгілермен наградталған көп балалы аналарға, бұрын «Ардақты ана» атағын алған, «1 және 2 дәрежедегі Ана данқы» орденімен марапаттағандарға (зейнетақы алушылардан басқа);

6) мүгедектерге;

7) 16 жасқа дейінгі мүгедек балаларға;

8) ата-аналарының қамқорлығынсыз қалған балаларға;

9) туберкулезбен ауыратын азаматтарға;

10) Ауғанстандағы соғыс әрекеттерін жүргізу кезеңінде қатысқан әскери қызметкерлерге.

3. Аудандық жұмыспен қамтуды және әлеуметтік бағдарламалар бөлімі Әлеуметтік көмек көрсетуге арналған мақсатты ағымдағы трансферттерді уақытында бөлуді қамтамасыз етеді.

4. Павлодар ауданының жұмыспен қамту және әлеуметтік бағдарламалар бөлімі Әлеуметтік көмекті осы Нұсқаулықтың 2-тармағында көрсетілген тұлғаларға жеке есеп шоттарына аудару жолымен аудандық пошта байланысы арқалы жүзеге асырылады.

2. Әлеуметтік көмек төлеу тәртібі мен мөлшері

5. Әлеуметтік көмек төлеу үшін қаржыландыру көзі мақсатты ағымдағы трансферттерді бөлу жөніндегі уәкілетті органымен облыс қалалары мен аудандарына жіберілетін облыстық бюджеттің қаржысы болып табылады.

6. Әлеуметтік көмек бір айлық есептік көрсеткіш мөлшерінде (1092теңге) 2007 жылдың 4-тоқсанында бір рет осы Нұсқаулықтың 2-тармағында көрсетілген бір санат бойынша төленеді. Осы ереже Нұсқаулықтың 2-тармағы 8)- тармақшасындағы санатқа қолданылмайды.

7. Павлодар ауданының жұмыспен қамту және әлеуметтік бағдарламалар бөлімі әлеуметтік көмекті алушылардың дербес шоттарына ағымдағы жылдың аяғына дейін аударады.

3. Есеп беру және есептілік

8. Павлодар ауданының жұмыспен қамту және әлеуметтік бағдарламалар бөлімі Әлеуметтік көмек төлегеннен кейін бес күн ішінде аудандық қаржы бөліміне Әлеуметтік көмек көрсету үшін бөлінген қаражатты пайдалану туралы есеп береді.