«Іле ауданында халыктың әлеуметтік әлжуаз топтарына әлеуметтік көмек көрсетудің кейбір мәселелері туралы» Қолданыста

«Іле ауданында халыктың әлеуметтік әлжуаз топтарына әлеуметтік көмек көрсетудің кейбір мәселелері туралы» Қазақстан Республикасы «Қазақстан Республикасында жергілікті мемлекетті басқару туралы» Заңының 31 бабының 1-ші тармақ 14-ші тармақшасын басшылыққа ала отырып Іле ауданының әкімдігі ҚАУЛЫ ЕТЕДІ:

1. 2007 жылдың 1 қазаны мен 31 желтоқсан аралығында халықтың әлеуметтік әлжуаз тобына басты тамақ өнімдерінің қымбаттауы мен коммуналдық қызмет көрсету тарифтерінің өсуіне байланысты, жергілікті бюджет қаражаты есебінен ай сайын 600 теңге мөлшерінде әлеуметтік көмек көрсетілсін.

2. Аудандық жүмыспен қамту және әлеуметтік бағдарламалар бөлімі мемлекеттік мекемесі (Құматаев Нұрлан Орынбасарұлы) әлеуметтік көмектің төленуін қамтамасыз етсін.

3. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.

4. Осы қаулының орындалуын бақылау аудан әкімінің бірінші орынбасары Е.Тұрымбетовке жүктелсін. «31» 10 2007 жыл