Об оказании социальной помощи малообеспеченным гражданам Күшін жойған

Аз қамтамасыз етілген азаматтарға әлеуметтік көмек көрсету туралы «Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы Заңының 31 бабы 1 тармағы 14) тармакшасына, «2007 жылғы аудандық бюджет туралы» 2006 жылғы 26 желтоқсандағы № 32/1 шешіміне өзгерістер және толықтырулар енгізу туралы» 2007 жылғы 13 қазандағы № 2/1 аудандық мәслихатының шешіміне сәйкес, аудан әкімдігі ҚАУЛЫ ЕТЕДІ:

1. Жан басына шаққанда орташа айлық табысы облыста белгіленген кедейлік шегінен төмен аз қамтамасыз етілген азаматтарға және 16 жасқа дейінгі мүгедек балаларға, 3 топтағы жұмыс істемейтін мүгедектерге, жас бойынша әлеуметтік жәрдемақы алушы зейнеткерлерге, 4 және кәмелетке толмаған көп баласы бар аналарға айлық есептік көрсеткіштің елу пайызы мөлшеріңде әлеуметтік көмек көрсетілсін.

2. Жұмыспен қамту және әлеуметтік бағдарламалар бөлімі (Қосубаев Е.Қ.) 2007 жылғы желтоқсан үстінде көрсетілген азаматтар санаттарына әлеуметтік көмекті төлеуін қамтамасыз етсін.

3. Аудандық қаржы бөлімі (Береская Т.В.) «Жергілікті өкілеттік органдары шешімі бойынша мұқтажды азаматтардың санаттарына әлеуметтік көмек» 451-007-000 бағдарлама бойынша көмек көрсетуге арналған шығыстарды уақытында қаржыландыруды қамтамасыз етсін.

4. Осы қаулының орындалуын бақылау аудан әкімінің орынбасары И.В.Циммерманға жүктелсін.

5. Осы қаулы ресми басылған күнінен бастап қызметке етеді.