Об утверждении Правил осуществления социальных выплат отдельным категориям нуждающихся граждан Күшін жойған

«Жекелеген санаттағы мұқтаж азаматтарға әлеуметтік төлем төлеуді іске асыру Ережесін» бекіту туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 6 бабына сәйкес Көкшетау қалалық мәслихаты ШЕШТІ:

1. «Жекелеген санаттағы мұқтаж азаматтарға әлеуметтік төлемдерді төлеуді іске асыру Ережесі» (қоса берілді) бекітілсін.

2. Көкшетау қалалық мәслихатының 2005 жылғы ақпандағы № С-19/9 «Жекелеген санаттағы мұқтаж азаматтарға әлеуметтік төлем төлеуді іске асыру Ережесін бекіту туралы» (Ақмола облысының әділет департаментінде 2005 жылғы 15 ақпанда № 3030 болып тіркелген, 2005 жылғы 3 наурызда «Көкшетау» № 10 және 2005 жылғы 10 наурызда «Степной маяк» № 11 газеттерінде жарияланған, Көкшетау қалалық мәслихатының шешіміне енгізілген өзгерістермен: Көкшетау қалалық мәслихатының 2007 жылғы 30 наурыздағы № С-39/7 «Көкшетау қалалық мәслихатының 2005 жылғы 15 ақпандағы № С-19/9 «Жекелеген санаттағы мұқтаж азаматтарға әлеуметтік төлем төлеуді іске асыру Ережесін бекіту туралы» шешіміне өзгерістер енгізу туралы» шешімі, Көкшетау қаласының әділет басқармасында 2007 жылғы 3 сәуірде № 1-1-57 болып тіркелген, 2007 жылғы 19 сәуірде «Көкшетау» № 16 және 2007 жылғы 19 сәуірде «Степной маяк» № 16 газеттерінде жарияланған) шешімінің күші жойылды деп танылсын.

3. Осы шешім Көкшетау қаласының әділет басқармасында мемлекеттік тіркелгеннен кейін күшіне енеді және 2008 жылғы 1 қаңтардан бастап қолданысқа енгізіледі.

Көкшетау қалалық мәслихатының 2007 жылғы 13 желтоқсандағы № С-6/15 шешімімен бекітілген Жекелеген санаттағы мұқтаж азаматтарға әлеуметтік төлемдерді төлеуді жүзеге асыру ережесі

1. Жалпы ережелер

1. Осы ереже жекелеген санаттағы мұқтаж азаматтарға әлеуметтік төлемдерді жүзеге асырады, «Жергілікті өкілетті органдардың шешімі бойынша жекелеген санаттағы мұқтаж азаматтарға әлеуметтік төлемдер төлеу» 451-007 бюджеттік бағдарламасы бойынша төлем төлеуді ұйымдастыру тәртібін реттейді (бұдан әрі - Ереже).

2. Осы Ережеде келесі негізгі ұғымдар пайдаланылады: жергілікті өкілетті органның шешімімен құрылған арнайы комиссия; жергілікті өкілетті орган белгілеген азаматтардың өтініштерін есепке алу және тіркеу бойынша уәкілетті орган.

3. Ережені қабылдау үшін Қазақстан Республикасының «Қазақстан Республикасындағы жергілікті мемлекеттік басқару туралы» Заңы және «Қазақстан Республикасының Бюджет кодексі» құқықтық негіз болып табылады.

4. Ереженің әрекеті Қазақстан Республикасының «Мемлекеттік атаулы әлеуметтік көмек туралы» Заңымен реттелетін қатынастарға таратылмайды.

2. Төлемдерді алу құқығы

5. Әлеуметтік төлемдерді алу құқығы барлар:

1) қалада тұратын отбасының жан басына шаққандағы табысы ең төменгі күнкөріс деңгейінен төмен отбасылар (азаматтар);

2) белгілі жағдай бойынша жедел әлеуметтік қолдауға мұқтаж отбасылар (азаматтар);

3) мерекелік күндерге қарсы жекелеген санаттағы азаматтар;

4) өмірдегі қиын жағдайға ұшыраған отбасылар (азаматтар): отбасының бір мүшесінің өлімі, онкологиялық және туберкулез ауруларынан ұзақ емделу, операция жасау қажеттілігі, Қазақстан Республикасының аумағында ауруханаға бару үшін жолақы төлеу;

5) аз қамсыздандырылған отбасылардың студенттерінің қала бойынша жүру жолақысы;

6) халықтың әлеуметтік осал жіктерінің отбасылары (азаматтар);

7) балаларға сауықтыру жолдамасын сатып алатын отбасылар;

8) 1, 2, 3 топ мүгедектері, Ұлы Отан соғысының мүгедектері және оларға теңестірілген тұлғалар санаторлық-курорттық емделу үшін соғысқа қатысушылардың жеңілдіктері мен кепілдіктеріне теңестірілген басқа санаттағы тұлғалар; 1941 жылдың 22 маусымынан 1945 жылдың 9 мамыры аралығында тылда ең кем дегенде 6 ай жұмыс істеген өтілі анықталған тұлғаларға және еңбек ардагерлеріне;

9) жан басына шаққанда табысы ең төменгі күнкөріс деңгейінен жоғары отбасыларға (азаматтарға) жекелеген жағдайларда: өрт, денсаулық жағдайы нашарлағанда, авариялар және басқа да күтпеген жағдайларда;

6. Ұлы Отан соғысының мүгедектері мен қатысушыларына коммуналдық қызметтер үшін өтемақы төлеу.

7. Жан басына шаққандағы табыстары ай сайын 0,5 АЕК (айлық есептік көрсеткіш) мөлшерінде кедейшілік шегінен аспайтын аз қамсыздандырылған отбасыларға тоқсанына бір рет төлем төлеу.

3. Төлемдер бойынша ұйымдастыру жұмыстары

8. Төлемдер бойынша жұмыстарды ұйымдастыру мақсатында қалалық мәслихаттың депутаттары, қаржы бөлімі, жұмыспен қамту және әлеуметтік бағдарламалар бөлімі және қоғамдық ұйымдардың өкілдерінің қатарынан (келісім бойынша) комиссия құрылады. Құрамында он бір адам бар комиссияның жеке құрамын қалалық мәслихаттың шешімімен бекітіледі. Комиссия отырысы кемінде айына бір рет өткізіледі.

9. Комиссияның негізгі міндеттері:

1) Әлеуметтік көмек көрсету туралы азаматтардың өтініштерін қарау;

2) көмек сұрап келген отбасылардың (азаматтардың) қамсыздандыру деңгейіне және әлеуметтік-тұрмыстық жағдайына тексеріс жүргізу;

3) әлеуметтік көмек тағайындалғандығы немесе бас тартылғандығы туралы шешім қабылдау.

4. Әлеуметтік төлем төлеу тәртібі мен мөлшері

10. Әлеуметтік төлем жылына бір рет отбасының мүшелеріне немесе бір мүшесіне ақшалай түрде коммисияның қорытындысы бойынша беріледі.

11. Әлеуметтік көмек алуға үміткер тұлға өкілетті органға өтінішпен бірге келесі құжаттарды қоса ұсынады:

1) жеке басының куәлігінің көшірмесі;

2) СТН (салық төлеушінің нөмірі);

3) үй кітабының көшірмесі;

4) отбасының кәмелеттік жасқа толған барлық мүшесінің өткен тоқсандағы табыстары туралы анықтама;

5) мұқтаждығын растайтын құжаттар (дәрігерлік- консультациялық комиссияның (бұдан әрі-ДКК) анықтамасы, емдеуші дәрігердің рецепті, өрт инспекциясының анықтамасы, қайтыс болғандығы туралы куәліктің көшірмесі және т.б.)

12. Осы Ереженің 5 тармағының 8 тармақшасында көрсетілген санаттардың тұлғалары санаторлық-курорттық жолдама алу үшін келесі құжаттарды ұсынады:

1) жеке басының куәлігінің көшірмесін;

2) мәртебесін немесе мүгедектігін растайтын құжаттардың көшірмелерін;

3) санаторлық-курорттық емделуге мұқтаждығы жөніндегі ДКК анықтамасы;

4) азаматтарды тіркеу кітабының көшірмесі. 1,2,3 топтың мүгедектері үшін жоғарыда аталған құжаттардан басқа мүгедектерді оңалтудың жеке бағдарламасынан үзіндісінің көшірмесін ұсыну қажет.

13. Әлеуметтік төлем қаражаты өтініш берушінің есеп шотына аудару арқылы жүзеге асырылады.

14. Әлеуметтік төлемнің мөлшерін әрбір нақты жағдайда комиссия белгілейді. Көмектің ең жоғары мөлшері республикалық бюджет туралы Заңмен белгіленген 30 айлық есептік көрсеткіштен аспауға тиісті.

15. Мерекелік күндерге байланысты берілетін әлеуметтік төлем аталған тарауда көрсетілген тұлғалардың есепшоттарына жиынтық тізбенің негізінде өтініш берілмей аударылады:

1) Жеңіс күніне орай, Ұлы Отан соғысына қатысушылар мен мүгедектеріне - 5000 теңге; тыл еңбеккерлеріне - 1000 теңге;

2) «Алтын Алқа», «Күміс Алқа» алқаларымен жаңадан марапатталған көп балалы аналар - 5000 теңге;

3) Балаларды қорғау күніне орай, 18 жасқа дейінгі мүгедек балаларға - 2000 теңге.

16. Оқушыларды жазғы сауықтыру демалыстарына, санаторлық-курорттық жолдамаға төлемдер осы мәселемен айналысуға құқығы бар ұйымдардың есеп шоттарына жіберіледі.

17. Өкілетті орган зейнетақы төлеу Орталығының деректерінің негізінде қалалық бюджет осы мақсатқа бөлген қаражатының шегінде әлеуметтік төлемдер төлеу үшін азаматтардың тізімін құрады және ұсынады, тізімнің сенімділігіне жауап береді

5. Әлеуметтік төлемдерді қаржыландыру

18. Әлеуметтік төлемдер бойынша шығындарды қаржыландыру қалалық бюджеттен 451-007 «Жергілікті өкілетті органдардың шешімі бойынша жекелеген санаттағы мұқтаж азаматтарға әлеуметтік төлем төлеу» бюджеттік бағдарламасы бойынша жүргізіледі.

6. Әлеуметтік төлемдердің іске асырылуын бақылау

19. Әлеуметтік төлемдер төлеу бойынша бақылау мен есептілік Қазақстан Республикасының «Республикалық және жергілікті бюджеттің орындалуын бақылау туралы» Заңына сәйкес іске асырылады.