О некоторых вопросах учебных заведений Министерства внутренних дел Республики Казахстан Қолданыста

Қазақстан Республикасы Ішкі істер министрлігі оқу орындарының кейбір мәселелері туралы Қазақстан Республикасының ішкі істер органдары үшін мамандар даярлауды оңтайландыру және одан әрі жетілдіру мақсатында Қазақстан Республикасының Үкіметі ҚАУЛЫ ЕТЕДІ :

1. "Қазақстан Республикасы Ішкі істер министрлігінің Академиясы" мемлекеттік мекемесі (бұдан әрі - Академия) оған "Қазақстан Республикасы Ішкі істер министрлігінің Алматы заң колледжі" мемлекеттік мекемесін (бұдан әрі - Алматы заң колледжі) қосу жолымен қайта ұйымдастырылсын.

2. Қазақстан Республикасы Ішкі істер министрлігі:

1) заңнамада белгіленген тәртіппен осы қаулыдан туындайтын тиісті шараларды қабылдасын;

2) Алматы заң колледжінің білім алушыларының Академияда орта білімнен кейінгі бағдарлама бойынша оқуын аяқтауын қамтамасыз етсін.

3. "Қазақстан Республикасы Ішкі істер министрлігінің мәселелері" туралы Қазақстан Республикасы Үкіметінің 2005 жылғы 22 маусымдағы N 607 қаулысына (Қазақстан Республикасының ПҮАЖ-ы, 2005 ж., N 25, 311-құжат) мынадай өзгеріс енгізілсін: көрсетілген қаулымен бекітілген Қазақстан Республикасы Ішкі істер министрлігінің қарамағындағы ұйымдардың тізбесінде: реттік нөмірі 14-жол алынып тасталсын.

4. Осы қаулы 2008 жылғы 1 қаңтардан бастап қолданысқа енгізіледі.