О введении ограничительных мероприятий по бруцеллезу крупного скота на территории Равнопольского сельского округа Қолданыста

2008 жылы Равнополь ауылдық округі аумағында ірі қара малдың бруцеллезі бойынша шектеу шараларын енгізу туралы Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31 бабы, 1 тармағы, 18) тармақшасына, Қазақстан Республикасының «Ветеринария туралы» Заңының 10 бабы, 2 тармағы, 9) тармақшасында, «Адам және жануарлар үшін ортақ (бруцеллез) ауруларды алдын-алу және күресу жөніндегі ветеринариялық-санитарлық және санитарлық-эпидемиологиялық ережені бекіту туралы» Қазақстан Республикасы ауыл шаруашылығы Министрінің 2004 жылғы 5 қарашадағы № 632 бұйрығымен бекітілген ережеге (бұдан әрі-Ереже) сәйкес, Успен ауданы бас мемлекеттік ветеринар инспекторының 2007 жылғы 4 желтоқсандағы № 1-14/535 ұсынымының негізінде, Равнополь ауылдық округі аумағында ірі қара малдың бруцеллезін сауықтыру мақсатында аудан әкімдігі ҚАУЛЫ ЕТЕДІ:

1. Равнополь ауылдық округі аумағында ірі қара малдың бруцеллезі бойынша шектеу шаралары енгізілсін.

2. «Қазақстан Республикасы ауыл шаруашылығы Министрлігі Успен аудандық аумақтық инспекциясы» мемлекеттік мекемесінің ветеринария бөлімі (келісім бойынша) «Успен ауданының мемлекеттік санитарлық-эпидемиологиялық қадағалау департаментінің бөлімі» мемлекеттік мекемесі (келісім бойынша) Равнополь ауылдық округі аумағында Ережеде қарастырылған шаралардың қамтамасыз етсін.

3. Осы қаулы ресми жарияланған күннен кейін 10 күн ішінде қолданысқа енеді. Келісілді: «Қазақстан Республикасы ауыл шаруашылығы Министрлігі Успен аудандық аумақтық инспекциясы» мекемесінің бастығы С. Қапкенов «6» желтоқсан 2007 ж. «Успен ауданының мемлекеттік санитарлық-эпидемиологиялық қадағалау департаментінің бөлімі» мемлекеттік мекемесінің бастығы Ж. Сүгірбаев «6» желтоқсан 2007 ж.