О подтверждении достоверности сертификата происхождения Күшін жойған

Тауарлардың шығу сертификатының шынайылығын растау туралы Кеден органдарының кеден төлемдерi мен салықтарды толық алуына әсер ететiн тауарлардың шыққан елiн анықтау жөнiндегi кедендiк бақылауды күшейту мақсатында бұйырамын:

1. Кеден органының жеке тауарлардың шыққан елiн растауының тәртiбi бекiтiлсiн.

2. Тәртiптiң 1-қосымшасында көрсетiлген тауарларға қатысты кеден төлемдерi мен салықтарды төлеу бойынша жеңiлдiктер тауарлардың шығу сертификатының шынайылығы расталған жағдайда берiледi деп белгiленсiн.

3. Осы бұйрықпен белгiленген тауарлардың шыққан елiн растау тәртiбi өздерiне қатысты қолданылатын тауарлардың тiзбесiне өзгерiстер мен толықтыруларды енгiзу кедендiк бақылауды өткiзу практикасын талдау мен жалпылап қорыту ескерiле отырып жүргiзiледi деп белгiленсiн.

4. Қазақстан Республикасы Мемлекеттiк Кеден комитетiнiң Баспасөз қызметi осы бұйрықтың ережелерiн бұқаралық ақпарат құралдарында жарияласын.

5. Осы бұйрықты алғаннан кейiн Кеден басқармалары мен кедендер бастықтары оның ережелерiн барлық мүдделi адамдарға жеткiзудi қамтамасыз етсiн.

6. Осы бұйрықты орындалуына бақылау жасау Қазақстан Республикасы Мемлекеттiк Кеден комитетi Төрағасының Бiрiншi орынбасары В. Кирдановқа жүктелсiн.

7. Осы бұйрықты баспасөзде жариялағаннан кейiн бiр ай өткен күнi күшiне енедi.

ҚР МКК-iнiң бұйрығына 1-қосымша Кеден органының жеке тауарлардың шыққан елiн растауының тәртiбi

1. Тiзбесi 1-қосымшада келтiрiлген тауарлардың шығу сертификаттары Қазақстан Республикасы Мемлекеттiк Кеден комитетiне ұсынылуға жатады. Тiзбесi 2-қосымшада келтiрiлген тауарлардың шығу сертификаттары қызметiнiң аймағында осы тауарлардың кедендiк ресiмделуi жүргiзiлетiн Кеден басқармалары мен кедендерге ұсынылуға жатады.

2. Осы Тәртiптiң 1-тармағында көрсетiлген тауарларға қатысты кеден төлемдерiн төлеу бойынша жеңiлдiктер тауарлардың шығу сертификатының шынайылығы расталған жағдайда берiледi.

3. Тауарлардың шығу сертификатының шынайылығы растауға мүдделi адам тиiстi кеден органына жазбаша сұрау салу мен тауарларды шығу сертификатының керегiнше ресiмделiнген бланкiсiнiң түпнұсқасын жiбередi. Сұрау салу тауарлардың шығу сертификатының шынайылығын растау үшiн қажеттi барлық мәлiметтердi қамтуы керек. Сұрау салуға тауарлардың сынамалары мен үлгiлерi, олардың сипаттамалары, суреттерi, бейнелерi, сызбалары, коммерциялық және осы тауардың шыққан елiнiң аумағында толық ұқсатудан куәлендiретiн немесе жеткiлiктi түрде ұқсатылғанын куәлендiретiн кез келген басқа да құжаттар қоса тiркелуi тиiс.

4. Тауарлардың шығу сертификатының шынайылығын растауға өтiнiштi барлық талап етiлген мәлiметтер мен құжаттар ұсынылған жағдайда ол алынған күннен кейiнгi 10 күн iшiнде тиiстi кеден органы қарайды. Кеден органы мемлекеттiк органдардан немесе өзге ұйымдардан ұсынылған мәлiметтердi растау үшiн қосымша құжаттарды сұрастырған жағдайда өтiнiштi қарау мерзiмi осындай құжаттар түскен күннен бастап есептеледi. Тауарлардың шығу сертификатының шынайылығын растауға өтiнiштi қараудың жалпы мерзiмi үш айдан аспауы керек.

5. Тауардың шығу сертификаты жарамды деп танылған жағдайда "Қызметтiк белгiлер үшiн" бағанында (N 4 - "А" нысаны бойынша тауарлардың шығу сертификаты үшiн, N 5 - "СТ-1" нысаны бойынша тауарлардың шығу сертификаты үшiн) тиiстi кеден органының өкiлеттi лауазымды адамының қолымен куәлендiрiлетiн" сертификат жарамды деп танылған" жазуы жазылады.

6. Жоғары тұрған кеден органы егер төменгi тұрған кеден органы тауарлардың шығу сертификатын жарамды деп тану жөнiнде толық немесе шек келтiретiн ақпарат негiзiнде шешiм қабылдаса, сондай-ақ қолданылып жүрген тауарлардың шыққан елiн анықтау ережелерiнiң бұзылғандығы белгiлi болған жағдайда осындай шешiмнiң күшiн жоюға құқылы.

7. Осы Тәртiптiң 1-тармағында көрсетiлген тауарларды кедендiк ресiмдеу тауардың шығу сертификатының көшiрмесiнiң (түпнұсқасы растау үшiн жiберiледi) негiзiнде жүргiзiледi, кеден бажы Кеден тарифiнiң ставкалары бойынша алынады.

8. Осы Тәртiптiң 7-тармағында көрсетiлген тауарларға қатысты ТМД-ге қатысушы мемлекеттердiң аумақтарынан шыққан тауарлар үшiн көзделген кеден төлемдерiн төлеу бойынша жеңiлдiктер қолданылмайды.

9. Осы Тәртiптiң 7-тармағында көрсетiлген тауарларға қатысты шынайылығы керегiнше расталған тауарлардың шығу сертификаты ұсынылғаннан кейiн преференциалдық режим қалпына келтiрiледi. Шынайылығы керегiнше расталған тауарлардың шығу сертификатын кеден органына ұсынудың ең ұзақ мерзiмi - кеден органының жүк декларациясын қабылдағаннан күнiнен кейiн бiр жыл. Аталған мерзiм өткен соң кеден баждарының төленген және алынған сомалары бойынша шағымдары кеден органдары қабылдамайды және кеден баждарының төленген сомаларын қайтару жүргiзiлмейдi. Төленген салықтардың сомаларын қайтару Қазақстан Республикасының қолданылып жүрген заңдарына сәйкес жүргiзiледi.

10. Тауарлардың шығу сертификатының шынайылығын растауды ҚР МКК атынан Кеден кiрiстерi басқармасы жүргiзедi.

11. Тауарлардың шығу сертификатының шынайылығын растауды Кеден басқармалары мен кедендерiнiң атынан кеден төлемдерi бөлімдерi жүргiзедi.

Кеден органының жеке тауарлардың шыққан елiн растауының тәртiбiне 1-қосымша Тауарлардың шығу сертификаттары Қазақстан            Республикасы Мемлекеттiк Кеден комитетiне              ұсынылуға жататын тауарлардың тiзбесi ______________________________________________________      СЭҚ ТН       Тауарлардың      Шыққан      бойынша      қысқаша          елi      тауар коды   атауы      ______________________________________________________      1701 99 100  Ақ қант          ТМД-ге қатысушы                                    мемлекеттер      ______________________________________________________      0902 10 000  Шай              ТМД-ге қатысушы      0902 30 000                   мемлекеттер      ______________________________________________________

Кеден органының жеке тауарлардың шыққан елiн растауының тәртiбiне 2-қосымша Тауарлардың шығу сертификаттары Кеден басқармалары        мен кедендерге ұсынылуға жататын тауарлардың тiзбесi ______________________________________________________      СЭҚ ТН       Тауарлардың      Шыққан      бойынша      қысқаша          елi      тауар коды   атауы      ______________________________________________________      0901 21 00   Қуырылған        ТМД-ге қатысушы      0901 22 000  кофе             мемлекеттер      ______________________________________________________      8471         Ақпаратты        ТМД-ге қатысушы                   автоматты түрде  мемлекеттер                   өңдейтiн                   машиналар мен                   олардың блоктары      ______________________________________________________