Об утверждении Правил оказания социальной помощи на дополнительное питание больным туберкулезом на период амбулаторного лечения Қолданыста

Туберкулезбен ауыратындарға амбулаторлық емделу кезеңінде қосымша тамақтандыруға әлеуметтік көмек көрсету ережелерін бекіту туралы Қазақстан Республикасының «Қазақстан Республикасындағы жергілікті мемлекеттік басқару туралы» Заңының 6 бабына, «Қазақстан Республикасының Бюджеттік Кодексінің» 53 бабы 1 тармағы 4 тармақшасына сәйкес және туберкулезбен ауыратындарға амбулаторлық емделу кезеңінде қосымша тамақтандыруға әлеуметтік көмек көрсету мақсатында Щучье аудандық мәслихаты ШЕШІМ ЕТТІ:

1. Туберкулезбен ауыратындарға амбулаторлық емделу кезеңінде қосымша тамақтандыруға әлеуметтік көмек көрсету үшін ұсынылған Ережелер бекітілсін.

2. Осы шешімнің орындалуына бақылау аудандық маслихаттың әлеуметтік саясат, заңдылық және құқықтық тәртіп мәселелері жөніндегі тұрақты комиссиясына (Н.Т. Томанова) жүктелсін.

3. Осы шешім Ақмола облысының Щучье аудандық әділет басқармасында тіркелген күннен бастап күшіне енеді және ресми түрде жарияланғаннан бастап қолданысқа енгізіледі.

Щучье аудандық маслихатының 2007 жылғы 13 желтоқсандағы № С-4/8 шешімімен бекітілді Туберкулезбен ауыратындарға амбулаторлық емделу кезеңінде қосымша тамақтандыруға әлеуметтік көмек көрсету ЕРЕЖЕЛЕРІ

1. ЖАЛПЫ ЕРЕЖЕ.

1. Осы ереже «Уәкілетті жергілікті органдардың шешімі бойынша мұқтаж азаматтардың жекелеген топтарына әлеуметтік көмек» 007-000 бюджеттік бағдарламасы бойынша туберкулезбен ауыратындарға амбулаторлық емделу кезеңінде қосымша тамақтандыруға әлеуметтік көмек көрсету тәртібін белгілейді.

2. Қазақстан Республикасының «Қазақстан Республикасындағы жергілікті мемлекеттік басқару туралы» Заңының 6 бабы, «Қазақстан Республикасының Бюджеттік Кодексінің» 53 бабының 1 тармағы 4 тармақшасы осы ережені қабылдауға құқықтық негіз болып табылады.

3. Туберкулезбен ауыратындарға амбулаторлық емделу кезеңінде қосымша тамақтандыруға әлеуметтік көмек көрсетуді тағайындау және төлеуді Щучье ауданының жұмыспен қамту және әлеуметтік бағдарламалар бөлімі атқарады.

4. «Щучье ауданының жұмыспен қамту және әлеуметтік бағдарламалар» ММ әлеуметтік көмек алатын азаматтардың тізімін жасайды, әлеуметтік көмек қаржысын есептеп және аударады.

2. ТУБЕРКУЛЕЗБЕН АУЫРАТЫНДАРҒА АМБУЛАТОРЛЫҚ ЕМДЕЛУ КЕЗЕҢІНДЕ ҚОСЫМША ТАМАҚТАНДЫРУҒА ӘЛЕУМЕТТІК КӨМЕК ТАҒАЙЫНДАУ ТӘРТІБІ.

5. Әлеуметтік көмек алуға құқығы бар адамдар өтінішіне қоса тиісті құжаттарын тапсырады.

6. Туберкулезбен ауыратындарға қосымша тамақтандыруға әлеуметтік көмек тағайындау үшін құжаттарды қарау, оларды тапсырған күннен бастап 10 күн мерзімінде жүзеге асырылады.

7. Өтініш беруші тапсырылған құжаттардың толықтылығы мен дұрыстығына заң негізінде жауап береді.

8. Осы Ережелердің 10 тармағында көрсетілген құжаттар толық болмаған жағдайда «Щучье ауданының жұмыспен қамту және әлеуметтік бағдарламалар» ММ әлеуметтік көмек көрсетуден бас тартады және арыз берушіге жазбаша хабарлайды.

9. «Щучье ауданының жұмыспен камту және әлеуметтік бағдарламалар» ММ туберкулезбен ауыратындарға амбулаторлық емделу кезеңінде қосымша тамақтандыруға әлеуметтік көмек тағайындамау туралы шешімі сот арқылы шешіледі.

3. ҚАЖЕТТІ ҚҰЖАТТАР ТІЗІМІ.

10. Туберкулезбен ауыратындарға амбулаторлық емделу кезеңінде қосымша тамақтандыруға әлеуметтік көмек тағайындау құқығын растайтын құжаттар:

1) жеке куәлік - ересектер үшін; тууы туралы куәлік - ауру балалар үшін және ата-анасының (қамқоршысы) куәлігі;

2) тұратын жерін растайтын құжат;

3) салық төлеушінің номері;

4) банк есебінің көшірмесі.

11. Туберкулезбен ауыратындарға амбулаторлық емделу кезеңінде қосымша тамақтандыруға әлеуметтік көмек алу үшін қажетті құжаттардың түпнұсқасы және көшірмесі салыстыру үшін тапсырылады. Тексерілген соң түпнұсқа өтініш иесіне қайтарылады.

4. ТУБЕРКУЛЕЗБЕН АУЫРАТЫНДАРҒА АМБУЛАТОРЛЫҚ ЕМДЕЛУ КЕЗЕҢІНДЕ ҚОСЫМША ТАМАҚТАНДЫРУҒА ӘЛЕУМЕТТІК КӨМЕКТІҢ МӨЛШЕРІ ЖӘНЕ ТӨЛЕМІ.

12. Туберкулезбен ауыратындарға амбулаторлық емделу кезеңінде қосымша тамақтандыруға әлеуметтік көмек жылына бір рет 5000 (бес мың) теңге мөлшерінде беріледі.

13. Туберкулезбен ауыратындарға амбулаторлық емделу кезеңінде қосымша тамақтандыруға әлеуметтік көмек төлемі жергілікті бюджет есебінен жүргізіледі.

14. Туберкулезбен ауыратындарға амбулаторлық емделу кезеңінде қосымша тамақтандыруға әлеуметтік көмек төлеу Қазақстан Республикасы Ұлттық банкінің лицензиясы бар қазынашылық комитеті және заңнамада белгіленген тәртіппен конкурста жеңген ұйым арқылы жүзеге асырылады.