Аудан бойынша жер салығының белгіленген базалық ставкаларының мөлшерін белгілеу туралы от 19.12.2007 г. № 4-9 (Аудан бойынша жер салығының белгіленген базалық ставкаларының мөлшерін белгілеу туралы)

Аудан бонынша жер салығының белгіленген базалық ставкаларының мөлшерін белгілеу туралы
«Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы Заңының 6- бабының 1-тармағының 15) тармақшасына және «Салық және бюджетке төленетін басқа да міндетті төлемдер туралы» Қазақстан Республикасының 2001 жылғы 12 маусымдағы Кодексінің (Салық кодексі) 332-бабына, 338- бабының 1-тармағына сәйкес Жалағаш аудандық мәслихаты ШЕШЕМІЗ:

1. Аудан бойынша елді мекендердің (үй іргесіндегі жер учаскелерін қоспағанда) жерлеріне салынатын базалық салық ставкаларының мөлшері 5 пайызға көбейтілсін.

2. Аудандық мәслихаттың 2006 жылғы 22 желтоксандағы «Аудан бойынша жер салығының белгіленген базалық ставкаларының мөлшерін бекіту туралы» №31-5 шешімінің (нормативтік құқықтық актілерді мемлекеттік тіркеу тізілімінде №10-6-58 санымен тіркелген, «Жалағаш жаршысы» газетінің 2007 жылғы 13 қаңтардағы №3-4 санында жарияланған) күші жойылды деп танылсын.

3. Осы шешім 2008 жылдың 1 қаңтарынан бастап қолданысқа енгізіледі.