Об оказании материального обеспечения детям-инвалидам, воспитывающимся и обучающимся на дому в Щучинском районе Қолданыста

Щучье ауданында үйде оқытылып тәрбиеленетін мүгедек балаларға материалдық қамтамасыз етуді көрсету туралы «Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы Заңының 31 бабының 1 тармағының 14 тармақшасына, Қазақстан Республикасының Бюджеттік Кодексінің 53 бабының 1 тармағының 4 тармақшасына, «Қазақстан Республикасында мүгедектерді әлеуметтік қорғау туралы» Қазақстан Республикасының 2005 жылғы 13 сәуірдегі Заңының 11 бабының 2 тармағының 3 тармақшасына сәйкес, үйде оқытылып, тәрбиеленетін мүгедек балаларға материалдық көмек көрсету мақсатында аудан әкімдігі ҚАУЛЫ ЕТЕДІ:

1. Щучье ауданында үйде оқытылып, тәрбиеленетін мүгедек балаларға материалдық қамтамасыз ету көрсетілсін.

2. Келесілер белгіленсін:

1) материалдық қамтамасыз ету туылған, асырап алынған, сондай-ақ қамқоршылыққа алынған (толық мемлекеттік қамсыздандырудағы мүгедек балалардан басқа) балалардың ата-анасының біреуіне немесе олардың орындарындағы тұлғаларға отбасының табысына қарамастан ұсынылады;

2) материалдық қамтамасыз ету құжаттар берілген айдан бастап «Ақмола облысының білім департаменті» мемлекеттік мекемесіндегі ведомтствоаралық психологиялық-медициналық-педегогикалық кеңестің қорытындысы бойынша ұсынылады;

3) материалдық қамтамасыз ету ағымдағы жылдың соңына дейін тоқсанға 6 айлық есеп айырысу көрсеткіші мөлшерінде он сегіз жасқа толмаған әр мүгедек балаға тағайындалады;

4) материалдық қамтамасыз ету төлемін төлеу қаржыландыру болуына қарай өткен тоқсанға жүргізіледі. Материалдық қамтамасыз етуді тоқтату жағдайы туындаған кезде (мүгедек бала 18 жасқа толса, мүгедек бала қайтыс болса, мүгедектігі алынса) төлем төлеу осындай жағдай туындаған айдан кейінгі айда тоқтатылады.

3. Материалдық қамтамасыз ету туралы шешім «Щучье ауданының жұмыспен қамту және әлеуметтік бағдарламалар бөлімі» мемлекеттік мекемесімен он күннің ішінде келесі құжаттар тізбесі негізінде қабылданады:

1) баланың тууы туралы куәлігінің көшірмесі;

2) мүгедектікті белгілеу туралы (белгіленген үлгідегі) медициналық-әлеуметтік сараптау комиссиясының анықтамасы;

3) мүгедек баланы үйде оқыту (тәрбиелеу) қажеттілігі туралы «Ақмола облысы білім департаменті» мемлекеттік мекемесіндегі ведомтствоаралық психологиялық-медициналық-педегогикалық консультациясының қорытындысы;

4) оқу орнынан мүгедек баланың үйде оқытылып, тәрбиеленетіндігін растайтын анықтама. Мектептің анықтамасынан басқа ұсынылған құжаттардың мерзімі – бір жыл.

4. «Щучье ауданының жұмыспен қамту және әлеуметтік бағдарламалар бөлімі» мемлекеттік мекемесі (М.Б.Нұрпанова) үйде оқытылып, тәрбиеленетін мүгедек балаларға материалдық қамтамасыз ету үшін аудан бюджетінен бөлінген қаржыны уақытында игеруді қамтамасыз ету шараларын қолдансын.

5. «Щучье ауданының қаржы бөлімі» мемлекеттік мекемесі (В.И.Корнеева) материалдық қамтамасыз етуді қаржылындыруды аудан бюджетіне сәйкес жылға бекітілген қаржы бөлу шегінде қамтамасыз етсін.

6. Осы қаулы 2008 жылғы 1 қаңтардан туындаған құқықтық қатынастарға таралады.

7. Осы аудан әкімдігінің қаулысы Ақмола облысының Щучье ауданының әділет басқармасында мемлекеттік тіркелген күннен бастап күшіне енеді және ресми жарияланған күннен бастап қолданысқа енгізіледі.

8. Осы қаулының орындалуын бақылау аудан әкімінің орынбасары Т.Қ.Алтаеваға жүктелсін.