Об оказании материального обеспечения детям-инвалидам, воспитывающимся и обучающимся на дому Қолданыста

Бұланды ауданында үйде оқытылып, тәрбиеленетін мүгедек балаларға материалдық қамтамасыз етуді көрсету туралы «Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы Заңының 31-бабы 1-тармағының 14-тармақшасына, 2004 жылғы 24 сәуірдегі Қазақстан Республикасының Бюджеттік Кодексінің 53-бабындағы 1-тармағының 4-тармақшасына, «Қазақстан Республикасында мүгедектерді әлеуметтік қорғау туралы» Қазақстан Республикасының 2005 жылғы 13 сәуірдегі Заңының 11-бабы 2-тармағының 3-тармақшасына сәйкес, үйде оқытылып, тәрбиеленетін мүгедек балаларға материалдық көмек көрсету мақсатында Бұланды ауданының әкімдігі ҚАУЛЫ ЕТЕДІ:

1. Бұланды ауданында үйде оқытылып, тәрбиеленетін мүгедек балаларға материалдық қамтамасыз ету көрсетілсін.

2. Келесілер белгіленсін:

1) материалдық қамтамасыз ету туылған, асырап алынған, сондай-ақ қамқоршылыққа алынған (толық мемлекеттік қамсыздандырудағы мүгедек балалардан басқа) балалардың ата-анасының біреуіне немесе олардың орындарындағы тұлғаларға отбасының табысына қарамастан ұсынылады;

2) материалдық қамтамасыз ету құжаттар берілген айдан бастап «Ақмола облысының білім департаменті» мемлекеттік мекемесіндегі ведомствоаралық психологиялық-медициналық-педагогикалық кеңестің қорытындысы бойынша ұсынылады;

3) материалдық қамтамасыз ету ағымдағы жылдың соңына дейін тоқсанға 6 айлық есептік көрсеткіш мөлшерінде он сегіз жасқа толмаған әр мүгедек балаға тағайындалады;

4) материалдық қамтамасыз ету төлемін төлеу қаржыландыру болуына қарай өткен тоқсанға жүргізіледі. Материалдық қамтамасыз етуді тоқтату жағдайы туындаған кезде (мүгедек бала 18 жасқа толса, мүгедек бала қайтыс болса, мүгедектігі алынса) төлем төлеу осындай жағдай туындаған айдан кейінгі айда тоқтатылады.

3. Материалдық қамтамасыз ету туралы шешім «Бұланды ауданының жұмыспен қамту және әлеуметтік бағдарламалар бөлімі» мемлекеттік мекемесімен он күннің ішінде келесі құжаттар тізбесі негізінде қабылданады:

1) баланың тууы туралы куәлігінің көшірмесі;

2) мүгедектікті белгілеу туралы (белгіленген үлгідегі) медициналық- әлеуметтік сараптау комиссиясының анықтамасы;

3) мүгедек баланы үйде оқытылу (тәрбиелеу) қажеттілігі туралы «Ақмола облысы білім департаменті» мемлекеттік мекемесіндегі ведомствоаралық психологиялық- медициналық- педагогикалық консультациясының қорытындысы;

4) оқу орнынан мүгедек баланың үйде оқытылып, тәрбиеленетіндігін растайтын анықтама. Оқу орнының анықтамасынан басқа ұсынылған құжаттардың мерзімі - бір жыл.

4. «Бұланды ауданының жұмыспен қамту және әлеуметтік бағдарламалар бөлімі» мемлекеттік мекемесі үйде оқытылып, тәрбиеленетін мүгедек балаларға материалдық қамтамасыз ету үшін аудан бюджетінен бөлінген қаржыны уақытында игеруді қамтамасыз ету шараларын қолдансын.

5. Осы қаулының орындалуын бақылау аудан әкімінің орынбасары А.Қ. Еслямоваға жүктелсін.

6. Осы қаулы 2008 жылғы 1 қаңтардан бастап туындаған құқықтық қатынастарға таралады.

7. Осы қаулы Бұланды ауданының әділет басқармасында мемлекеттік тіркелген күнінен бастап күшіне енеді және аудандық газетте ресми жариялануға жатады. КЕЛІСІЛДІ К.Г. Самойлова «Бұланды ауданының экономика және бюджеттік жоспарлау бөлімі» мемлекеттік мекемесінің меңгерушісі 24.01.08 ж. К.Н.Исмағамбетова «Бұланды аудандық жұмыспен қамту және әлеуметтік бағдарламалар бөлімі мемлекеттік мекемесінің меңгерушісі 24.01.08 ж.