Об оказании дополнительной социальной помощи некоторым категориям инвалидов Қолданыста

Мүгедектердің кейбір санаттарына қосымша әлеуметтік көмек көрсету туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 31 бабының 1 тармағының 14 тармақшасына, Қазақстан Республикасының Бюджеттік Кодексінің 53 бабының 1 тармағы 4 тармақшасына, Қазақстан Республикасының 2005 жылғы 13 сәуірдегі «Қазақстан Республикасында мүгедектерді әлеуметтік қорғау туралы» Заңының 11 бабының 2 тармағының 3 тармақшасына сәйкес, мүгедектердің кейбір санаттарына қосымша әлеуметтік көмек көрсету мақсатында, аудан әкімдігі ҚАУЛЫ ЕТЕДІ:

1. Мүгедектердің кейбір санаттарына 10000 (он мың) теңге мөлшерінде қосымша әлеуметтік көмек көрсетілсін.

2. Мүгедектердің кейбір санаттарына қосымша әлеуметтік көмекті төлеу жылына бір рет жүргізілетін болып белгіленсін.

3. Қосымша әлеуметтік көмек келесі санаттарға тағайындалатын және төленетін болып белгіленсін:

1) мүгедектер куәландыруден өткенде медициналық-әлеуметтік сараптама (жеке сауықтыру бағдарламасы) қорытындысы негізінде оларға емделуге;

2) егер ата-анасының (қорғаушысының) бірі мүгедек болса, 18 жасқа дейінгі мүгедек баланы тәрбиелеп отырған отбасына;

3) екі не одан да көп 18 жасқа дейінгі мүгедек баланы тәрбиелеп отырған отбасына;

4) егер операция жасалған күннен бастап 6 ай ішінде жүгінсе мүгедектерге сауықтыру үшін операциядан кейінгі кезеңге.

4. «Щучье ауданының жұмыспен қамту және әлеуметтік бағдарламалар бөлімі» мемлекеттік мекемесі мүгедектерге қосымша әлеуметтік көмек тағайындау туралы шешімді өтініш беруші келесі құжаттарды тапсырғаннан кейінгі 10 күн ішінде жүзеге асырады:

1) қосымша әлеуметтік көмек тағайындау туралы өтініш;

2) мүгедек үшін - жеке куәліктің көшірмесі; мүгедек балалар үшін - туу туралы куәлік пен ата-аналарының (қамқоршының) жеке куәліктерінің көшірмелері;

3) тұратын жерін растайтын құжаттың көшірмесі;

4) емделуге материалдық көмек беру туралы медициналық-әлеуметтік сараптама бөлімінің қорытындысын алған, мүгедекті жеке сауықтыру бағдарламасының көшірмесі;

5) медициналық-әлеуметтік сараптама бөлімімен берілген, мүгедектік туралы анықтаманың көшірмесі;

6) операция жасалған мүгедек үшін - ауру тарихының үзіндісін береді;

7) салық төлеушінің тіркеу нөмірінің көшірмесі;

8) жинақ кітапшасының көшірмесі. Мүгедектерге материалдық көмек тағайындау үшін қажетті құжаттарды салыстыру үшін түпнұсқалары және көшірмелері тапсырылады. Салыстырғаннан кейін түпнұсқалар өтініш иесіне қайтарылады.

5. «Щучье ауданының жұмыспен қамту және әлеуметтік бағдарламалар бөлімі» мемлекеттік мекемесі мүгедектердің кейбір санаттарына қосымша әлеуметтік көмек көрсетуге аудан бюджетінен бөлінген қаржыны уақытында игеруді қамтамасыз ету бойынша шаралар қолдансын.

6. «Щучье ауданының қаржы бөлімі» мемлекеттік мекемесі сәйкес жылға аудан бюджетімен бекітілген қаржы бөлу шегінде мүгедектердің кейбір санаттарына қосымша әлеуметтік көмек көрсетуді қаржыландыруды қамтамасыз етсін.

7. Осы қаулының орындалуын бақылау аудан әкімінің орынбасары Т.Қ.Алтаеваға жүктелсін.

8. Осы қаулы 2008 жылғы 1 қаңтардан туындаған қатынастарға таралады.

9. Осы қаулы Ақмола облысының Щучье ауданының әділет басқармасында мемлекеттік тіркелген күннен бастап күшіне енеді және ресми жарияланған күннен бастап қолданысқа енгізіледі.