Об утверждении Правил о порядке предоставления малообеспеченным гражданам жилищной помощи на содержания жилья и оплату коммунальных услуг Қолданыста

Аз қамсыздандырылған азаматтарға коммуналдық шығындарды өтеу және тұрғын үйлерді пайдалану үшін тұрмыстық жәрдемақы төлеу ережелерін бекіту туралы Қазақстан Республикасының Бюджеттік Кодексінің 53 бабына, Қазақстан Республикасының «Қазақстан Республикасындағы жергілікті мемлекеттік басқару туралы» Заңының 6, 7 бабтарына сәйкес, Зеренді аудандық Мәслихаты ШЕШІМ ЕТТІ:

1. Аз қамсыздандырылған азаматтарға коммуналдық шығындарды өтеу және тұрғын үйлерді пайдалану үшін тұрмыстық жәрдемақы төлеу ережелері қосымшаға сай бекітілсін.

2. Осы шешім Зеренді ауданының Әділет басқармасында мемлекеттік тіркелгеннен кейін күшіне енеді және ресми жарияланған сәттен бастап қолданысқа енгізіледі.

БЕКІТІЛДІ Аудандық Мәслихаттың 2008 12 ақпандағы № 6-38 шешімімен Аз қамсыздандырылған азаматтарға коммуналдық шығындарды өтеу және тұрғын үйлерді пайдалану үшін тұрмыстық жәрдемақы төлеу ережелері

1. Жалпы ережелері

1. Тұрмыстық жәрдемақы аз қамсыздандырылған азаматтарға коммуналдық шығындарды өтеу және тұрғын үйлерді пайдалану үшін және аудандық телекоммуникация торабына қосылған телефон үшін абонентік төлемнің өсу кезінде беріледі. Тұрмыстық жәрдемақы Қазақстан Республикасының 1997 жылғы 16 сәуірдегі «Тұрмыстық қатынастар туралы» Заңы негізінде беріледі.

2. Тұрмыстық жәрдемақы ауданда тұрақты тұратын, тұрғын үйлерді пайдалану және коммуналдық қызмет шығындарын (жекеиеліктегі үйлерден басқа) өтеуге отбасы қаржысының, осы мақсатқа арналған шектеулі шығындар үлесінен артқан жағдайда беріледі.

3. Тұрғын үйлерді пайдалану және коммуналдық қызмет өтемдерінің үлесі отбасы табыстарының жиынтығының 15 пайыз мөлшерінде белгіленеді. Тұрғын үйлерді пайдалану және коммуналдық қызметтің нормадан тыс өтемдері жалпы негізде төленеді.

4. Тұрмыстық жәрдемақы тұрақты мекен жайда тұратын (жеке пәтер иесі немесе жалға алушыларға) тағайындалады.

5. Меншігінде бір үйден артық, арендалық шарты жоқ, пәтерді жалға алған қоғамның мүшелері тұрмыстық көмек алу құқығын жоғалтады. Отбасы құрамында жұмысқа қабілетті азаматтар болмаса, жұмыссыздық бойынша тіркеуде тұрмаса, тұрмыстық көмек алуға құқығын жоғалтады. Айрықша жағдайда мүгедектерді күтуде және 3 жасқа дейінгі (бір немесе одан көп) бала тәрбиесімен айналысқандарға тағайындалады.

6. Тұрмыстық жәрдемақы тоқсан аяғына дейін арыз берген кезеңнен бастап тағайындалады.

7. Арыз беруші тұрғын үйлерді пайдалану және коммуналдық қызмет тарифтерінің және отбасының санының, меншіктің өзгергені туралы жұмыспен қамту және әлеуметтік бағдарламалар бөліміне хабарлау қажет.

8. Тұрмыстық жәрдемақы қызмет орнына жалған мәліметтер берген пәтер иесі (жалға алушы) бір жылға жәрдемақы алу құқығынан айырылады, артық немесе заңсыз төленген жәрдемақы заңды түрде қайтарылады.

9. Кондоминиум обьектілерін (фундамент, үйдің сыртқы және ішкі қабырғалары, сатылары. подъезге кірер есік, шатырын) ұстау шығындарын тұрмыстық жәрдемақы бойынша төлем жүргізу.

2. Тұрмыстық жәрдемақы тағайындау

10. Тұрмыстық жәрдемақы алу үй иесінің (үйді жалға алушының) жеке арызы бойынша және қосымша отбасы құрамы туралы, үйдің жалпы көлемі, тұрғын үйді пайдалану және коммуналдық қызмет өтемі, өткен тоқсандағы табыс жиынтығы құжаттары бойынша тағайындалады.

11. Аудандық тұрғындарды әлеуметтік қорғау бөлімінің мәліметтері туралы күмәнді болған жағдайда, құжаттардың, дұрыстығы туралы сұрау салуға, тұрмыстық жәрдемақы алушы талапкерлер, қоғамның жеке және заңды тұлғалары табысы туралы мәліметтер беруге міндетті.

12. Тұрмыстық көмек отбасы тұрғындарының қаржысы, норма бойынша есептегендегі тұрғын үй және тұрмыстық коммуналдық қызметтері өтемдерінен төмен болған жағдайда беріледі.

3. Тұрмыстық жәрдемақыны қаржыландыру көзі

12. Жеке меншік үйлердің барлық тұлғаларына қатысты, тұрмыстық жәрдемақы жергілікті бюджеттен қаржыландырылады.

13. Коммуналды қызмет көрсетуде, есепті нормативті шығындар, өкілетті органдардың бақылауымен асырылады.

14. Қаржы бөлімі жылына бір рет алғашқы құжаттар бойынша бюджет қаражаттарының дұрыс жұмсалуын тексеруге міндетті.

15. Құжаттарды дұрыс рәсімдеген, заңсыз жәрдемақы төлеген кінәлі тұлға, заңды түрде жауапқа тартылады.