Об организации оплачиваемых общественных работ Қолданыста

Ақылы қоғамдық жұмыстарды ұйымдастыру туралы Қазақстан Республикасының 2007 жылғы 15 мамырдағы Еңбек кодексіне, «Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы Заңының 31-бабына, «Халықты жұмыспен қамту туралы» Қазақстан Республикасының 2001 жылғы 23 қаңтардағы Заңының 7-бабының 5) тармақшасына, 20-бабына сәйкес Қарасу ауданының әкімдігі ҚАУЛЫ ЕТЕДІ:

1. 2008 жылға арналған қоғамдық жұмыстарды ұйымдастыратын кәсіпорындардың тізбесі, жұмыстардың түрлері мен көлемдері қосымшаға сәйкес бекітілсін.

2. Аудандық бюджеттің қаражаттар есебінен ең төмен жалақының 1,5 мөлшерінде қоғамдық жұмыстарда істейтін жұмыссыздардың еңбекақысы бекітілсін.

3. Жұмыссыздарды уақытша жұмысқа орналастыру үшін қоғамдық жұмыстарды пайдалансын.

4. «Қарасу ауданының жұмыспен қамту және әлеуметтік бағдарламалар бөлімі» мемлекеттік мекемесі мыналарды жасасын:

1) қоғамдық жұмыстарды орындауға жұмыс берушілермен үлгілік шарттарды жасасу;

2) қоғамдық жұмыстардың түрлері мең көлемдерін есепке алу;

3) қоғамдық жұмыстарды ұйымдастырған кезде осы қаулыны басшылыққа алу.

5. Осы қаулының орындалуын бақылау аудан әкімінің орынбасары Б.Қ. Бекеновке жүктелсін.

6. Осы қаулы оны алғаш ресми жарияланғаннан кейін күнтізбелік он күн өткен соң қолданысқа енгізіледі.