Об утверждении стандартов государственных услуг, оказываемых местными исполнительными органами района Қолданыста

Ауданының жергілікті атқарушы органдары көрсететін мемлекеттік қызметтердің стандарттардың бекіту туралы Қазақстан Республикасының 2000 жылғы 27 қарашадағы «Әкімшілік рәсімдер туралы» Заңының 9-1 бабына және Қазақстан Республикасы Үкіметінің 2007 жылғы 30 маусымдағы «Мемлекеттік қызмет көрсетудің үлгі стандартын бекіту туралы» № 558 және 2007 жылғы 30 маусымдағы «Жеке және заңды тұлғаларға көрсетілетін мемлекеттік қызметтер тізілімін бекіту туралы» № 561 қаулыларына сәйкес аудан әкімдігі ҚАУЛЫ ЕТЕДІ:

1. Ауданның жергілікті атқарушы органдары көрсететін мемлекеттік қызметтер көрсетудің қоса беріліп отырған стандарттары бекітілсін:

1) Жұмыссыз азаматтарды тіркеу және есепке лау;

2) Семей ядролық сынақ полигонындағы ядролық сынақтар салдарынан жәбірленген азаматтарды тіркеу және есепке алу;

3) Мемлекеттік тұрғын үй қорынан тұрғын үйге мұқтаж азаматтарды есепке алу және кезекке қою;

4) Патронаттық тәрбиелеуге балалар алуға ниет білдірген отбасылардан өтінім қабылдау;

5) Ата-анасының қамқорлығынсыз қалған балалар мен жетім балаларды аймақтық есепке қою;

6) Балалар мектепке дейінгі мекемелеріне жіберу үшін мектепке дейінгі жастағы (7 жасқа дейінгі) балаларды тіркеу;

7) Протездік - ортопедтік көмек көрсету үшін мүгедектерге арналған құжаттарды рәсімдеу;

8) Сурдо – тифлоқұралдар мен міндетті гигиеналық құралдармен қамтамасыз ету үшін мүгедектерге арналған құжаттарды рәсімдеу;

9) 18 жасқа дейінгі балалары бар отбасыларға мемлекеттік жәрдемақы тағайындау;

10) Тұрғын үй көмегін беру.

2. Аудан әкімдігінің осы қаулысы бірінші ресми жарияланған күннен бастап 10 күнтізбелік күн ішінде қолданысқа енеді.

3. Осы қаулының орындалуын бақылау аудан әкімі аппаратының басшысы Б.А. Ораловка жүктелсін.