О переименовании улиц сел Байтуган и Жана курлус Қолданыста

Байтуған және Жаңа құрылыс ауылдары көшелерінің атауларын өзгерту туралы Қазақстан Республикасының 1993 жылғы 8 желтоқсандағы "Қазақстан Республикасының әкімшілік–аумақтық құрылысы туралы" Заңын, Қазақстан Республикасы Үкіметінің 1996 жылғы 5 наурыздағы "Қазақстан Республикасындағы ұйымдарды, темiр жол станцияларын, әуежайларды, сондай-ақ физикалық-географиялық объектiлердi атау мен қайта атаудың және олардың атауларының транскрипциясын өзгертудiң Тәртiбiн бекiту туралы" N 281 қаулысын басшылыққа ала отырып, Байтуған ауылының Молодежная, Комсомольская, Ленина, Советская, 60 лет Октября көшелерінің және Жаңа құрылыс ауылының Озерная көшесінің тұрғындарының өтініштерін қарап:

1. Байтуған ауылының келесі көшелерінің атаулары өзгертілсін:

1) Молодежная көшесі Бейбітшілік көшесіне;

2) Комсомольская көшесі Достық көшесіне;

3) Ленин көшесі Тәуелсіздік көшесіне;

4) Советская көшесі Абай көшесіне;

5) 60 лет Октября көшесі Жеңістің 60 жылдық көшесіне.

2. Жаңа құрылыс аулының Озерная көшесінің атауы Ынтымақ көшесіне өзгертілсін.

3. Осы шешімнің орындалуын бақылауын өзіме қалдырамын.

4. Осы шешім ресми жарияланған күннен кейін он күнтізбелік күн өткен соң қолданысқа енгізіледі.