Көшелерді қайта атау туралы Мәртебесі расталмаған

Көшелерді қайта атау туралы Қазақстан Респуликасының 2001 жылғы 23 қаңтардағы N 148 "Қазақстан Республикасындағы жергілікті мемлекеттік басқару және өзін-өзі басқару туралы" Заңының 35-бабының 2-тармағына және Қазақстан Республикасының 1993 жылғы 8 желтоқсандағы N 4200 "Қазақстан Республикасының әкімшілік–аумақтық құрылысы туралы" Заңының 14-бабының 4-тармақшасына сәйкес Шұбарқұдық ауылдық округ әкімі ШЕШІМ ЕТЕДІ:

1. Шұбарқұдық ауылдық округі халқының пікірін ескере отырып, Шұбарқұдық ауылының кейбір көшелері қайта аталсын:

1) "Бақшалы тұйық" көшесі мұнай салалсына көп жылдар еңбегі сіңген, Лениндік сыйлығынының лауреаты, мұнай өнеркәсібінің үздігі Нарен Имашевтің есімімен;

2) "Базар" көшесі Шұбарқұдық ауылына көп жылдар бойы еңбегі сіңген, соғыс және еңбек ардагері Ізтлеу Балмұханбедов есімімен.

2. Осы шешім Әділет органдарында мемлекеттік тіркелген күннен бастап күшіне енеді және алғашқы ресми жарияланғаннан күннен бастап он күнтүзбелік күн өткен соң қолданысқа енгізіледі.