Қызылқоға ауданы бойынша әлеуметтік инфрақұрылымдар мен тұрмысы нашар жанұяларға қаржылай көмек көрсету туралы Қолданыста

Қызылқоға ауданы бойынша әлеуметтік инфрақұрылымдар мен тұрмысы нашар жанұяларға қаржылай көмек көрсету туралы Қақастан Республикасының 2001 жылғы 23 қаңтардағы № 148 «Қазақстан Республикасындағы жергілікті мемлекеттік басқару туралы» Заңының 31- бабының 14 тармақшасына сәйкес халықтың әлеуметтік жағынан тұрмысы нашар жаңұяларға қаржылай қолдау көрсету мақсатында аудан әкімияты ҚАУЛЫ ЕТЕДІ:

1. №1 қосымшаға сәйкес Қызылқоға ауданы бойынша әлеуметтік инфрақұрылымдар мен тұрмысы нашар жаңұяларға қаржылай қолдау көрсетуді жүзеге асырудың тәртібі бекітілсін.

2. Аудандық «Қамқорлық» қоғамдық қорына әлеуметтік инфрақұрылымдық мен тұрмысы нашар жаңұяларға қаржылай көмек көрсетуге демеушілерден түскен қаржыны бөлу жөнінде комиссия құрылсын (№2 қосымша).

3. Осы қаулының орындалысын бақылау аудан әкімінің орынбасары Б. Шаяхметовке жүктелсін.

4. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі. Келісемін: Аудандық «Қамқорлық» қоғамдық қорының директоры: М. Берденов 06.06.2008 ж. Облыстық «Атыраусушар» республикалық мемлекеттік кәсіпорынының Қызылқоға аудандық филиалының бастығы Қ. Абдрахманов 06.06.2008 ж. Аудандық мәслихат депутаты М. Сүлейменов 06.06.2008 ж. Зейнеткер, «батыр ана» Б. Жүрекбаева 06.06.2008 ж.

Аудан әкімиятының 2008 жылғы «9» маусымдағы № 128 қаулысымен бекітілген № 1 қосымша Қайырымдылық көмек көрсетуді жүзеге асырудың тәртібі

1. Жалпы ереже Осы тәртіп 2003 жылғы 26 маусымдағы құрылтайшылар жиналысында бекітілген «Қамқорлық» қоғамдық қоры жарғысы негізінде жасақталды.

2. Тағайындау тәртібі

1. Тұрмысы нашар жанұяларға қолдау көрсету ауданның әлеуметтік көмекке мұқтаж азаматтарына аудандық «Қамқорлық» қоғамдық қорына демеушілерден түскен қаржы есебінен олардың арызы бойынша жылына бір рет төленеді.

2. Әлеуметтік көмекке мұқтаж азаматтардың арыздарын қарау үшін аудандық «Қамқорлық» қоғамдық қоры жанынан арнайы комиссия құрылады.

3. Комиссияға мынадай құжаттар тапсырылады:

1) әлеуметтік көмекке мұқтаж азаматтардың арызы;

2) отбасы құрамы туралы анықтама;

3) жеке куәлігінің көшірмесі;

4) салық төлеуші ретінде тіркелгендігі жөніндегі куәлігінің көшірмесі;

5) арыз берушінің материалдық тұрмыстық жағдайына зерттеу жүргізген жергілікті округ жанынан құрылған әлеуметтік комиссияның актісі;

6) арыз берушіге көмек беруге немесе бермеу жөнінде дәләлденген округ әкімінің ұсынысы;

7) кандай жағдайларына байланысты көмек сұрайтындығын дәлелдейтін анықтама немесе қосымша құжаттар керек болуы мүмкін.

4. Қажетті құжаттар түскеннен кейін комиссия азаматтардың арыздарын қанағаттандыру немесе қанағаттандырмау туралы шешім қабылдайды. Қажет деп тапса, көмектің кесімді шегі және мөлшерін анықтайды.

5. Комиссия шешіміне хаттама жасақталып арыз беруші міндетті түрде таныстырылып қолы қойылады.

6. Комиссия мұқтаж азаматтарға қаржылай көмектің дұрыс тағайындалуына жауапты болады.

3. Қаржыландыру және төлеу тәртібі

1. Тұрмысы нашар жанұяларға қаржылай қолдау көрсету, осы мақсат үшін түскен демеушілерден түскен қаржылар есебінен жүргізіледі.

2. Аудандық «Қамқорлық» қоғамдық қорына түскен қаржыға байланысты комиссия отырысы қажеттілігіне қарай айынабір рет өткізіліп, берілуге тиісті қаржы көлемі анықталып, алушылардың тізімі жасақталып аудандық «Казпочта» торабына аударылады және кейбір жағдайларда қолма-қол берілуі мүмкін.

4. Есеп жүргізу, бақылау және есеп беру тәртібі

1. Тұрмысы нашар жаңұяларға қаржылай берген көмектердің есебін жүргізу, бақылау және тиісті органдарға есеп беруді жүзеге асыру аудандық «Қамқорлық» қоғамдық қоры директорына жүктеледі.

2. Демеушілерден түскен қаржының 50 пайызына дейінгі мөлшеріндегі үлесі аудандық «Қамқорлық» қоғамдық қорының штатын ұстау, әр түрлі салық төлемдері, банк қызметі, телефон байланысы тағы басқа төлемдерді төлеу және қорды ұстау үшін резервке қалдырылады.

3. Қордың қызметін құрылтайшы тағайындайтын тексеруші және Қазақстан республикасы заңдарына сәйкес мемлекеттік органдар бақылай алады.

4. Тұрмысы нашар жанұяларға қаржылай қолдау көрсету үшін бөлінген төлемдердің дұрыстығын және мезгелінде төленуін бақылау аудандық «Қамқорлық» қоғамдық қоры директорына міндеттеледі.

Аудан әкімиятының 2008 жылғы «9» маусымдағы № 128 қаулысымен бекітілген № 2 қосымша Аудандық «Қамқорлық» қоғамдық қорына әлеуметтік инфрақұрылымдар мен тұрмысы нашар жанұяларға қаржылай көмек көрсетуге демеушілерден түскен қаржыны бөлу жөнінде комиссия құрамы: Шаяхметов Бибоз Байдәулетұлы – аудан әкімінің орынбасары, комиссия төрағасы; Берденов Мысырғали – аудандық «Қамқорлық» қоғамдық қорының директоры, комиссия төрағасының орынбасары (келісім бойынша); Комиссия мүшелері: Абдрахманов Қамидолла – облыстық «Атыраусушар» республикалық мемлекеттік кәсіпорынының Қызылқоға аудандық филиалының бастығы (келісім бойынша); Әбдіғали Сәуірбай Жуалбайұлы – аудандық құрылыс бөлімінің меңгерушісі; Жексенғалиева Самал Ашықбайқызы – аудандық жұмыспен қамту және әлеуметтік бағдарламалар бөлімінің меңгерушісі; Жүрекбаева Балғаным – зейнеткер, «Батыр ана» (келісім бойынша); Сүлейменов Мәлік – аудандық мәслихат депутаты (келісім бойынша).