Көшелерге атау беру туралы от 23.06.2008 г. № 2 (Көшелерге атау беру туралы)

Көшелерге атау беру туралы
Қазақстан Республикасының 2001 жылғы 23 қаңтардағы N 148 "Қазақстан Республикасындағы жергілікті мемлекеттік басқару және өзін-өзі басқару туралы" Заңының 35-бабының 2-тармағына және Қазақстан Республикасының 1993 жылғы 8 желтоқсандағы N 4200 "Қазақстан Республикасының әкімшілік – аумақтық құрылысы туралы" Заңының 14-бабының 4-тармақшасына сәйкес Қызылжұлдыз ауылдық округ Әкімі ШЕШІМ ЕТЕДІ:

1. Қызылжұлдыз ауылдық округі тұрғындарының пікірін ескере отырып, Қызылжұлдыз ауылдық округіндегі көше атаулары қайта аталсын:

1) Амангелді Иманов – 1916 жылы ұлт – азаттық көтерілісінің басшысы, батыр соның есімімен.

2) "Жақия Бұқарбайұлы Сәрсенов" - бұрынғы Қызылжұлдыз ауылының тұрғыны, қоғам қайраткері. Екінші көше "Жақия Бұқарбайұлы Сәрсенов" деп аталсын.

3) Абай – қазақ халқына белгілі ақын, данышпан, философ. Үшінші көше Абай есімімен аталсын.

4) Әлия Молдағұлова – қаһарман қазақ қызы. Кеңес Одағының батыры. Төртінші көше соның есімімен аталсын.

5) Жамбыл – қазақ халқының ақыны. Бесінші көше соның есімімен аталсын.

6) Былшық би – осы өңірден шыққан атақты биі, соның есімімен аталсын.

7) Мәншік Мәметова – қаһарман қазақ қызы, Кеңес Одағының батыры, соның есімімен аталсын.

8) Әліби Жангелдин – революция қайраткері Қызыл керуен көсемі халқымыздың зиялысы, көше соның есімімен аталсын.

2. Осы шешім Әділет басқармасында мемлекеттік тіркелген күннен бастап күшіне енеді және алғашқы ресми жарияланған күннен бастап он күнтізбелік күн өткен соң қолданысқа енгізіледі