Көшелерге атау беру туралы Мәртебесі расталмаған

Көшелерге атау беру туралы Қазақстан Республикасының 2001 жылғы 23 қаңтардағы N 148 "Қазақстан Республикасындағы жергілікті мемлекеттік басқару және өзін-өзі басқару туралы" Заңының 35-бабының 2-тармағына және Қазақстан Республикасының 1993 жылғы 8 желтоқсандағы N 4200 "Қазақстан Республикасының әкімшілік – аумақтық құрылысы туралы" Заңының 14-бабының 4-тармақшасына, сәйкес Басқұдық ауылдық округ әкімі ШЕШІМ ЕТЕДІ:

1. Басқұдық ауылдық округіне қарасты Сарбұлақ елді мекенінің тұрғындарының пікірін ескере отырып, Сарбұлақ елді мекені көшелеріне атау берілсін:

1) "Шаруашылық" көшесі – бұрын Сарбұлақ елді мекенінің колхоздастыру кезіндегі атауы болғандықтан.

2) "Мамыт" көшесі – Сарбұлақ елді мекенінің жаз жайлауы мен қыс қыстауының жалпылама атауы болғандықтан.

2. Осы шешім әділет органдарында мемлекеттік тіркелген күннен бастап күшіне енеді және алғашқы ресми жарияланған күннен бастап он күнтізбелік күн өткен соң қолданысқа енгізіледі