Об установлении ставок платы за размещение наружной (визуальной) рекламы Қолданыста

Сыртқы (көрнекі) жарнаманы орналастыру үшін төлем ставкаларын бекіту туралы Қазақстан Республикасының 2001 жылдың 12 маусымдағы «Бюджетке түсетін салық және басқа да міндетті төлемдер туралы (Салық кодексі)» № 209 Кодексінің 489, 491-баптарына, ҚР 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» № 148 Заңының 6-бабының 1-тармағының 15) тармақшасына сәйкес, Таран аудандық мәслихатының ШЕШТІ:

1. Аудан аумағы бойынша жарнама орналастырудың стационарлық сыртқы (көрнекі) жарнамаларын орналастыру объектілерінде жарнама орналастыру үшін ай сайын келесі көлемдегі төлем ставкалары белгіленсін:

1) жергілікті маңызды жалпы қолданыстағы автокөлік жолдарына бөлінген белдеуіндегі жарнама орналастырудың стационарлық объектілерінде жарнама орналастыру үшін төлем өтеу ставкасы жарнаманың жан-жағынан бір шаршы метр үшін 0,5 айлық есептік көрсеткіш көлемінде;

2) тұрғын жай сыртындағы ашық кеңістікте жарнама орналастырудың стационарлық объектілерінде жарнама орналастыру үшін төлем ставкасы: Таран селосы мен Тобыл кентінде жарнаманың жан-жағынан бір шаршы метр үшін 0,5 айлық есеп көрсеткіш көлемінде; ауданның басқа елді мекендерінде жарнаманың жан-жағынан бір шаршы метр үшін 0,1 айлық есеп көрсеткіш көлемінде белгіленсін.

2. Осы шешім алғаш ресми жарияланғаннан кейін күнтізбелік он күн өткен соң қолданысқа енгізіледі.