Вопросы Комитета по оборонной промышленности Министерства экономики и торговли Республики Казахстан Күшін жойған
Басқа 0
Қазақстан Республикасының Экономика және сауда министрлігі Қорғаныс өнеркәсібі жөніндегі комитетінің мәселелері
📌 Ескерту. Күші жойылды - ҚР Үкіметінің 2002.11.18. N 1220 қаулысымен.
ЕСКЕРТУ. Тақырыбы және мәтініндегі сөздер өзгерді - Қазақстан Республикасы Үкіметінің 2001.01.31. N 165 қаулысымен.
Қазақстан Республикасының Үкіметі қаулы етеді:
Тармақ 1
1. Қоса беріліп отырған:
Тармақша 1
1) Қазақстан Республикасы Экономика және сауда министрлігінің Қорғаныс өнеркәсібі жөніндегі комитеті туралы ереже;
Тармақша 2
2) Қазақстан Республикасының Экономика және сауда министрлігі Қорғаныс өнеркәсібі жөніндегі комитетінің қарауындағы ұйымдардың тізбесі;
Тармақша 3
3) Қазақстан Республикасы Үкіметінің кейбір шешімдеріне енгізілетін өзгерістер мен толықтырулар бекітілсін.
Тармақ 2
2. Қазақстан Республикасы Қаржы министрлігінің Мемлекеттік мүлік және жекешелендіру комитеті заңдарға сәйкес осы қаулымен бекітілетін Қазақстан Республикасының Экономика және сауда министрлігі Қорғаныс өнеркәсібі жөніндегі комитетінің қарауындағы ұйымдардың тізбесінде көрсетілген акционерлік қоғамдар акцияларының мемлекеттік пакеттерін Қазақстан Республикасы Экономика және сауда министрлігінің Қорғаныс өнеркәсібі жөніндегі комитетіне беруді және қажет жағдайларда оған иелік ету және пайдалану құқықтарын беруді ресімдеуді қамтамасыз етсін.
Тармақ 3
3. Мыналардың күші жойылды деп танылсын:
Тармақша 1
1) "Қазақстан Республикасы Қорғаныс министрлігінің Қорғаныс өнеркәсібі жөніндегі комитеті туралы" Қазақстан Республикасы Үкіметінің 1997 жылғы 20 маусымдағы N 997 қаулысының (Қазақстан Республикасының ПҮАЖ-ы, 1997 ж., N 28, 249-құжат) 2-7-тармақтары;
Тармақша 2
2) "Солтүстік Қазақстан облысының жекелеген машина жасау акционерлік қоғамдарын қаржылық сауықтыру жөніндегі кейбір шаралар туралы" Қазақстан Республикасы Үкіметінің 1998 жылғы 7 сәуірдегі N 294 қаулысының 4-тармағының бесінші - сегізінші абзацтары;
Тармақша 3
3) "Қазаккумулятор" акционерлік қоғамын қаржылық сауықтыру жөніндегі шаралар туралы" Қазақстан Республикасы Үкіметінің 1999 жылғы 31 наурыздағы N 340 қаулысының (Қазақстан Республикасының ПҮАЖ-ы, 1999 ж., N 11, 103-құжат) 3-тармағы.
Тармақ 4. Қазақстан Республикасы Экономика және сауда министрлігінiң Қорғаныс өнеркәсiбi жөнiндегі комитетi туралы Ереже
4. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Қазақстан Республикасы
Үкiметiнiң
1999 жылғы10 қыркүйектегі
N 1363 қаулысымен
бекiтілген
Қазақстан Республикасы Экономика және сауда министрлігінiң Қорғаныс өнеркәсiбi жөнiндегі комитетi туралы Ереже
Тармақ 1. 1. Жалпы ережелер
1. Жалпы ережелер
Тармақ 1
1. Қазақстан Республикасы Экономика және сауда министрлiгiнiң Қорғаныс өнеркәсiбi жөнiндегi комитетi (бұдан әрi - Комитет) Қазақстан Республикасының Экономика және сауда министрлiгi құзыретiнiң шегiнде қорғаныс өнеркәсiбi саласында арнаулы атқару және бақылау-қадағалау функциясын, сондай-ақ қорғаныс және екіұдай мақсаттағы өнiмдi әзiрлеу, өндiру және сату жөнiндегi мәселелер бойынша салааралық үйлестiрудi жүзеге асыратын ведомство болып табылады.
Тармақ 2
2. Комитет өз қызметін Қазақстан Республикасының Конституциясына, заңдарына, Қазақстан Республикасының Президентi мен Yкiметiнiң актiлерiне, өзге де нормативтiк құқықтық актiлерге, сондай-ақ осы Ережеге сәйкес жүзеге асырады.
Тармақ 3
3. Комитет мемлекеттiк мекеменiң ұйымдастырушылық-құқықтық нысанындағы заңды тұлға болып табылады, өз атауы мемлекеттiк тiлде жазылған мөрлерi мен мөртаңбалары, белгiленген үлгiдегі бланкiлерi, сондай-ақ заңдарға сәйкес банктерде шоттары болады.
Комитет азаматтық-құқықтық қатынастарға өз атынан түседi.
Тармақ 4
4. Комитет өз құзыретiндегi мәселелер бойынша белгiленген тәртiппен Комитет төрағасының бұйрығымен ресiмделетiн шешiмдер қабылдайды.
Тармақ 5
5. Комитеттiң штат санының лимитiн Қазақстан Республикасының Үкiметi бекiтедi.
Тармақ 6
6. Комитеттiң заңды мекен-жайы:
480016, Алматы қаласы, Пушкин көшесi, 2.
Тармақ 7
7. Комитеттiң толық атауы - "Қазақстан Республикасы Экономика және сауда министрлiгінiң Қорғаныс өнеркәсiбi жөнiндегi комитетi" мемлекеттiк мекемесi.
Тармақ 8
8. Осы Ереже Комитеттiң құрылтай құжаты болып табылады.
Тармақ 9
9. Комитеттің қызметiн қаржыландыру тек республикалық бюджеттен жүзеге асырылады.
Комитетке өз функциялары болып табылатын мiндеттердi орындау тұрғысында кәсiпкерлiк субъектiлермен шарттық қатынастар жасауға тыйым салынады.
Егер Комитетке заң актiлерiмен кiрiстер әкелетiн қызметтi жүзеге асыруға құқық берiлген болса, онда мұндай қызметтен алынған кiрiстер республикалық бюджеттiң кiрiсiне жiберiледi.
Тармақ 2. 2. Комитеттiң негiзгi мiндеттерi, функциялары және құқықтары
2. Комитеттiң негiзгi мiндеттерi, функциялары және құқықтары
Тармақ 10
10. Комитеттiң негiзгi мiндеттерi:
Тармақша 1
1) қорғаныстық және екiұдай мақсаттағы өнiмдердi әзiрлеу, өндiру және жою саласында мемлекеттiк саясатты әзiрлеуге және iске асыруға қатысу;
Тармақша 2
2) мемлекеттiк қорғаныстық тапсырыстарды қалыптастыруға, сондай-ақ қорғаныс өнеркәсiбiн, әскери мақсаттағы экспорттық-импорттық берулердi дамыту мен конверсиялаудың бағдарламаларын әзiрлеуге қатысу бұл бағдарламаларды iске асыру;
Тармақша 3
3) өз құзыретiнiң шегінде мемлекетаралық әскери-техникалық ынтымақтастыққа қатысу;
Тармақша 4
4) мемлекеттiк қорғаныстық тапсырыстың тапсырмаларын орындау және қорғаныс өнеркәсiбiнiң тұрақты жұмысын қамтамасыз ету жөнiндегі жұмыстарды ұйымдастыру;
Тармақша 5
5) қорғаныстық-өнеркәсiптiк кешен ұйымдарын дамыту және реформалау бағдарламаларын әзiрлеу, олардың жұмысын жетiлдiру жөнiнде ұсыныстар дайындау;
Тармақша 6
6) қорғаныс ұйымдарын конверсиялау бағдарламаларын iске асыру үшiн әлеуеттi инвесторларды тартуға жәрдемдесу болып табылады.
Тармақ 11
11. Комитет Қазақстан Республикасының заңдарына сәйкес және өз құзыретiнiң шегiнде мынадай функцияларды жүзеге асырады:
Тармақша 1
1) қорғаныстық және екiұдай мақсаттағы өнiмдердi әзiрлеу және шығару саласында мемлекеттiк саясатты әзiрлеуге және iске асыруға қатысады;
Тармақша 2
2) қорғаныстық және екiұдай мақсаттағы өнiмдердi әзiрлеу мен шығарудың ағымдағы және ұзақ мерзiмдiк бағдарламаларын әзiрлеуге және мүдделi мемлекеттiк органдармен бiрлесiп оны iске асыруға қатысады;
Тармақша 3
3) қорғаныс өнеркәсiбiн дамыту және конверциялау бағдарламаларын iске асыруды салааралық үйлестiрудi және бақылауды жүзеге асырады;
Тармақша 4
4) Үкiметтiң шешiмi бойынша Комитеттің құзыретi аясында қызметiн жүзеге асыратын заңды тұлғалардың акцияларындағы мемлекеттiк үлестер мен пакеттерге иелiк ету және пайдалану жөнiндегi функцияларды жүзеге асырады;
Тармақша 5
5) мемлекеттiк қорғаныстық тапсырысты қалыптастыруға қатысады;
Тармақша 6
6) жұмылдырушылық қуаттар мен резервтердi құру, жинақтау және сақтау жөнiндегi жоспарлар мен тапсырмаларды қалыптастыруға қатысады;
Тармақша 7
7) iшкi қажеттiлiктер мен экспортты қамтамасыз ету үшiн қару-жарақтар мен әскери техникаларды шығаруды, өндiрудi конверсиялау мен дамытудың мемлекеттiк бағдарламаларын әзiрлеуге қатысады және орындауды ұйымдастырады;
Тармақша 8
8) қару-жарақты, әскери техникаларды және екiұдай мақсаттағы өнiмдердi экспорттық-импорттық берулер саласында мемлекеттiк саясатты iске асыруға қатысады;
Тармақша 9
9) жаппай қырып-жоятын қаруларды таратпау, қару-жарақтар мен әскери техникаларды шығаруды қысқарту жөнiндегі халықаралық шарттарды, келiсiмдердi және мiндеттемелердi iске асыруды ұйымдастырады;
Тармақша 10
10) қорғаныстық-өнеркәсiптiк кешенде ғылыми-техникалық және технологиялық даму бағдарламаларын әзiрлеудi және Комитетке бағынысты ұйымдарды қайта жаңарту мен техникалық жағынан қайта жарақтандыруды кеңейтудi ұйымдастырады;
Тармақша 11
11) қорғаныс тақырыптамасы бойынша ғылыми-зерттеу және тәжiрибе-конструкторлық жұмыстарды (бұдан әрi - ҒЗТКЖ) жүргiзудi ұйымдастырады және оларды екiұдай қолданудың мүмкiндiктерiн айқындайды;
Тармақша 12
12) өнiмдердiң бәсекелестiк қабiлетi мен сапасын қамтамасыз етуге бағытталған бiрыңғай техникалық саясатты iске асырады, қорғаныстық-өнеркәсiптiк кешенде ғылыми-техникалық және өндiрiстiк әлеуеттi тиiмдi пайдалануды ұйымдастырады;
Тармақша 13
13) қару-жарақтардың, әскери техникалардың және оқ-дәрiлердiң жаңа технологияларын әзiрлеудi және енгізудi үйлестiредi;
Тармақша 14
14) Қазақстан Республикасының заңдарында белгiленген жағдайларда және тәртiппен лицензиялауды жүзеге асырады;
Тармақша 14-1
14-1) Қазақстан Республикасы тұтынушы ұйымдарының барлық кезеңдегi жарылғыш материалдарға қажеттiктерiн бағалауды жүзеге асырады.
Тармақша 15
15) қорғаныстық-өнеркәсiптiк кешеннiң құрамына кiретiн ұйымдарды жұмылдырушылық дайындау жөнiндегi iс-шараларды орындауды ұйымдастыруға қатысады;
Тармақша 16
16) қорғаныстық-өнеркәсiптiк кешен ұйымдарына шетелдiк әрiптестермен тiкелей өндiрiстiк және ғылыми-техникалық байланыстар орнатуға жәрдем көрсетедi, олардың сыртқы экономикалық қызметiн жетiлдiру жөнiнде ұсыныс дайындайды;
Тармақша 17
17) әскери-техникалық ынтымақтастық саласында халықаралық келiсiмдердi дайындауға қатысады және олардың iс жүзiнде iске асырылуын қамтамасыз етедi;
Тармақша 18
18) құпия жаңалықтарды қорғауды, оның iшiнде өзiне ведомстволық бағыныстағы ұйымдарда да, қамтамасыз етедi;
Тармақша 19
19) қорғаныс өнеркәсiбiн дамыту мен конверсиялау бағдарламаларын орындалуға бөлiнген бюджеттiк қаражаттардың жұмсалуын, сондай-ақ қорғаныс тақырыптамасы бойынша ҒЗТКЖ-ны жоспарлауға және бақылауға қатысады;
Тармақша 20
20) Қазақстанның және басқа да мемлекеттердiң қорғаныстық-өнеркәсiптiк кешенiн дамытудың тенденциялары мен серпiнiн талдауды және оларға шолуларды дайындауды жүзеге асырады;
Тармақша 21
21) қорғаныстық-өнеркәсiптiк кешеннiң қызметiн реттейтiн заңдардың қолданылу тәжiрибесiн қорытады, оны жетiлдiру жөнiнде ұсыныстар әзiрлейдi;
Тармақша 22
22) сыртқы және iшкi тауар рыноктарындағы конъюнктураны зерделейдi және қорғаныстық және екiұдай мақсаттағы өнiмдердiң экспорты мен импортының құрылымын жетiлдiру жөнiнде ұсыныстар енгiзедi;
Тармақша 23
23) өзiне заңдармен жүктелген өзге де функцияларды жүзеге асырады.
📌 Ескерту. 11-тармақ өзгерді - ҚР Үкіметінің 2001.09.27. N 1264 қаулысымен.
Тармақ 12
12. Комитеттiң негiзгi мiндеттердi iске асыру және өзiнiң функцияларын жүзеге асыру мақсатында заңдарда белгiленген тәртiппен:
Тармақша 1
1) мемлекеттiк органдардан, өзге де ұйымдардан, лауазымды тұлғалардан және азаматтардан қажеттi құжаттар мен материалдарды сұратуға және алуға;
Тармақша 2
2) қорғаныстық және екiұдай мақсаттағы өнiмдердi әзiрлеу, өндiру және жою саласындағы қызметтi реттейтiн нормативтiк құқықтық актiлер қабылдау туралы ұсыныстар енгiзуге;
Тармақша 3
3) басқа мемлекеттiк органдардың қызметкерлерiн, сарапшылар мен мамандарды, сондай-ақ барлық меншiк нысанындағы жару iсi саласындағы мамандандырылған ұйымдардың жұмысқа тартуға;
Тармақша 4
4) қорғаныс өнеркәсiбiн конверсиялаудың мемлекеттiк бағдарламаларын iске асыруға қатысуға;
Тармақша 5
5) қорғаныстық-өнеркәсiптiк кешендi дамытудың және оны реформалаудың бағдарламаларын әзiрлеуге;
Тармақша 6
6) басқа мемлекеттiк басқару органдарының құзыретiне кiретiн, бiрақ қорғаныстық-өнеркәсiптiк кешеннiң мүдделерiн қозғайтын Қазақстан Республикасының мемлекетаралық экономикалық және әскери-техникалық ынтымақтастығы мәселелерiн қарауға және келiсуге қатысуға;
Тармақша 7
7) республиканың ішiнде де, халықаралық деңгейде де қорғаныс өнеркәсiбi мәселелерi бойынша мемлекеттiң мүдделерiн бiлдiруге;
Тармақша 8
8) қорғаныстық-өнеркәсiптiк кешен ұйымдарының, оның iшiнде шетелдiк инвесторлардың қатысуымен, қызметiн жетiлдiру жөнінде ұсыныс әзiрлеуге;
Тармақша 9
9) қорғаныстық-өнеркәсiптiк кешенiнiң қызметiн реттейтiн заңдардың сақталуын бақылауды жүзеге асыруға, осы мақсат үшiн республиканың өзге де мемлекеттiк органдарын тартуға;
Тармақша 10
10) қорғаныстық және екiұдай мақсаттағы өнiмдердi әзiрлеуге, шығаруға және iске асыруға қатысатын ұйымдарды құру, қайта ұйымдастыру және тарату мәселелерi жөнiнде ұсыныстар енгiзуге;
Тармақша 11
11) Қазақстан Республикасының заңдарына сәйкес өзге де құқықтарды жүзеге асыруға құқығы бар.
📌 Ескерту. 12-тармақ өзгерді - ҚР Үкіметінің 2001.09.27. N 1264 қаулысымен.
Тармақ 3. 3. Комитеттің мүлкі
3. Комитеттің мүлкі
Тармақ 13
13. Комитеттiң жедел басқару құқығындағы оқшауланған мүлкi болады.
Тармақ 14
14. Комитеттiң мүлкi республикалық меншiкке жатады.
Тармақ 15
15. Комитеттiң өзiне бекiтiлген мүлiктi өз бетiнше иелiктен шығаруға немесе оған өзге де тәсiлмен билiк етуге құқығы жоқ.
Комитетке Қазақстан Республикасының заңдарында көзделген жағдайларда және шектерде мүлiкке билiк ету құқығы берiлуi мүмкiн.
Тармақ 4. 4. Комитеттiң қызметiн ұйымдастыру
4. Комитеттiң қызметiн ұйымдастыру
Тармақ 16
16. Комитеттi Қазақстан Республикасының Үкiметi қызметке тағайындайтын және қызметтен босататын Төраға басқарады.
Төрағаның оның ұсынуы бойынша Қазақстан Республикасының Экономика және сауда министрi қызметке тағайындайтын және қызметтен босататын орынбасары болады.
Тармақ 17
17. Төраға Комитеттiң жұмысын ұйымдастырады және оған басшылық етедi, Комитетке жүктелген мiндеттердiң орындалуы мен оның өз функцияларын жүзеге асыруы үшiн дербес жауаптылықта болады.
Тармақ 18
18. Төраға осы мақсатта мынадай өкiлеттiктердi жүзеге асырады:
Тармақша 1
1) өзiнiң орынбасарының, Комитеттiң құрылымдық бөлiмшелерi басшыларының мiндеттерi мен өкiлеттiктерiн айқындайды;
Тармақша 2
2) заңдарға сәйкес Комитеттiң қызметкерлерiн қызметке тағайындайды және қызметтен босатады;
Тармақша 3
3) заңдарда белгiленген тәртiппен Комитеттiң қызметкерлерiне тәртiптiк жаза қолданады;
Тармақша 4
4) Комитеттiң бұйрықтарына қол қояды;
Тармақша 5
5) Комитеттiң құрылымдық бөлiмшелерi туралы ережелердi бекiтедi;
Тармақша 6
6) мемлекеттiк органдарда және басқа да ұйымдарда Комитеттi бiлдiредi;
Тармақша 7
7) Қазақстан Республикасының заңдарына сәйкес өзге де өкiлеттiлiктердi жүзеге асырады.
Тармақ 5. 5. Комитеттi қайта ұйымдастыру және тарату
5. Комитеттi қайта ұйымдастыру және тарату
Тармақ 19. Қазақстан Республикасының Экономика және сауда министрлігі Қорғаныс өнеркәсібі жөніндегі комитетінің қарауындағы ұйымдарының Тізбесі
19. Комитеттi қайта ұйымдастыру және тарату Қазақстан Республикасының заңдарына сәйкес жүзеге асырылады.
Қазақстан Республикасы
Үкіметінің
1999 жылғы 10 қыркүйектегі
N 1363 қаулысымен
бекітілген
Қазақстан Республикасының Экономика және сауда министрлігі Қорғаныс өнеркәсібі жөніндегі комитетінің қарауындағы ұйымдарының Тізбесі
"Машина жасау зауыты" ААҚ (Алматы қаласы)
"ЗИКСТО" ААҚ (Петропавл қаласы)
"Зенит" ААҚ (Орал қаласы)
"Металлист" ААҚ (Орал қаласы)
"Омега" ААҚ (Орал қаласы)
"Гидроприбор ҒЗИ" ААҚ (Орал қаласы)
"Шельф" ААҚ (Атырау қаласы)
"Наука-Восток" ААҚ (Көкшетау қаласы)
"Органикалық емес өндірістер зауыты" ААҚ (Серебрянск қаласы)
Микрография ҒЗИ (Орал қаласы)
Арнайы материал тану ҒЗИ (Шымкент қаласы)
📌 ЕСКЕРТУ. Тізбе өзгерді - ҚР Үкіметінің 2000.08.07. N 1211 қаулысымен.
ЕСКЕРТУ. Тізбеден жол алынып тасталды - ҚР Үкіметінің 2000.11.28. N 1775 қаулысымен.
Қазақстан Республикасы
Үкiметiнiң
1999 ж. 10 қыркүйектегі
N 1363 қаулысымен
бекiтiлген
Қазақстан Республикасы Үкiметiнiң кейбiр шешiмдерiне енгізiлетiн өзгерiстер мен толықтырулар
Тармақ 1
1. "Қазақстан Республикасының аумағындағы стратегиялық шабуыл қару-жарақтарын жою жөнiндегi үкiмет комиссиясы туралы" Қазақстан Республикасы Министрлер Кабинетiнiң 1995 жылғы 6 ақпандағы N 119 қаулысында:
1-тармақта:
Қазақстан Республикасының Энергетика, индустрия және сауда министрлiгi Қорғаныс өнеркәсiбi жөнiндегi комитетiнiң төрағасы Марат Қарабекұлы Сарқытбаев Қазақстан Республикасының аумағындағы стратегиялық шабуыл қару-жарақтарын жою жөнiндегi үкiмет комиссиясының құрамына Комиссия төрағасының орынбасары болып енгiзiлсiн;
Бекболат Әбдiғалиұлы Байғарин көрсетiлген құрамнан шығарылсын.
Тармақ 2
2. күшін жойды - ҚР Үкіметінің 1999.12.14. N 1917 қаулысымен.
Тармақ 3
3. "Қазақстан Республикасының аумағындағы шабуыл жасау қаруларын жою жөнiндегi үкiметтiк комиссия құру туралы ереженi бекiту туралы" Қазақстан Республикасы Министрлер Кабинетiнiң 1995 жылғы 25 қыркүйектегi N 1280 қаулысында :
көрсетiлген қаулымен бекiтiлген Қазақстан Республикасының аумағындағы стратегиялық шабуыл қару-жарақтарын жою жөнiндегi үкiмет комиссиясы туралы ережеде:
4 және 9-тармақтардағы "Қорғаныс министрлiгiнiң" деген сөздер "Энергетика, индустрия және сауда министрлiгiнiң" деген сөздермен ауыстырылсын.
Тармақ 4
4. "Қазақстан Республикасы Президентінің 1995 жылғы 17 сәуірдегі N 2201 қаулысын жүзеге асыру туралы" Қазақстан Республикасы Үкіметінің 1995 жылғы 29 желтоқсандағы N 1894 қаулысында (Қазақстан Республикасының ПҮАЖ-ы, 1995 ж., N 41, 515-құжат):
көрсетілген қаулымен бекітілген Лицензиялауға жататын қызметтің түрлеріне лицензиялар беруге өкілеттік берілген мемлекеттік органдардың (лицензиялардың) тізбесінде:
реттік нөмірі 1-жолдағы 2-бағандағы "Қазақстан Республикасы Қорғаныс министрлігінің Қорғаныс өнеркәсібі жөніндегі комитеті" деген сөздер "Қазақстан Республикасы Энергетика, индустрия және сауда министрлігінің Қорғаныс өнеркәсібі жөніндегі комитеті" деген сөздермен ауыстырылсын.
Тармақ 5
5. "Қазақстан Республикасында жасалған құпия өнертабыстармен жұмыс істеудің уақытша тәртібін бекіту туралы" Қазақстан Республикасы Үкіметінің 1996 жылғы 22 тамыздағы N 1044 қаулысында (Қазақстан Республикасының ПҮАЖ-ы , 1996 ж., N 35, 330-құжат):
көрсетілген қаулыға қосымшада:
"Қазақстан Республикасы Қорғаныс министрлігінің Қорғаныс өнеркәсібі жөніндегі комитеті" деген жол мынадай редакцияда жазылсын:
"Қазақстан Республикасы Энергетика, индустрия және сауда министрлігінің Қорғаныс өнеркәсібі жөніндегі комитеті".