Об утверждении порядка обеспечения граждан, имеющих льготы на проезд, и возмещения затрат перевозки на предоставление льгот Күшін жойған

"Жолақылық жеңiлдiктермен пайдаланатын азаматтардың құқығын қамтамасыз ету және жеңiлдiк берiлген жолаушыларды тасымалдауға кеткен шығынның орнын толтыру тәртiбi туралы" 📌 Ескерту. Күші жойылды - Оңтүстік Қазақстан облысы әкімінің 05.10.2001 № 211 шешімімен. Қазақстан Республикасы Үкiметiнiң 1996 жылғы 29 сәуiрдегi № 527 қаулысына өзгерiстер енгiзу туралы Қазақстан Республикасы Үкiметiнiң 1996 жылғы 11 қарашадағы № 1365 қаулысын орындалуға байланысты:

1. "Жолақылық жеңiлдiктермен пайдаланатын азаматтардың құқығын қамтамасыз ету және жеңiлдiк берiлген жолаушыларды тасымалдауға кеткен шығынның орнын толтыру тәртiбi" бекiтiлсiн.

2. Көлiк департаментiне (М.О.Алиев) Оңтүстiк Қазақстан облысының аумағы бойынша меншiктiң барлық түрiндегi тасымалдаушыларға "Жолақылық жеңiлдiктермен пайдаланатын азаматтардың құқығын қамтамасыз ету және берiлген жолаушыларды тасымалдауға кеткен шығынның орнын толтырудың" бiрыңғай тәртiбiн ендiрудi қамтамасыз ету тапсырылсын.

3. Бұл шешiмнiң орындалуын бақылау Әкiмнiң орынбасары К.С.Iзбасқановқа жүктелсiн.

Оңтүстiк Қазақстан облыстық әкiмiнiң 1997 ж. 16 сәуiрдегi № 84 шешiмiмен бекiтiлген Жолақылық жеңiлдiк берiлген азаматтардың құқығын қорғауды қамтамасыз ету және жеңiлдiк берiлгендердi тасымалдаушыларға кеткен шығындарды өтеу Тәртiбi Бұл тәртiп - ереже Оңтүстiк Қазақстан облысының аумағында ғана жарамды болып табылатын және азаматтардың жекелеген категорияларына берiлетiн жеңiлдiктер мен соған байланысты тасымалдаушыларға кеткен шығындарды өтеудiң жолдарын белгiлейдi. Азаматтардың әрбiр категориялары бойынша берiлетiн жеңiлдiктердiң тiзiмi мен мөлшерi Қазақстан Республикасының аумағында ғана жарамды болып есептелетiн тиiстi заңдар мен нормативтiк актiлер бойынша iске асырылады. Көпшiлiк пайдаланатын жолаушылар куәлiктерiнiң барлық меншiктiк түрлерi бойынша тегiн жүру тек бiрыңғай жол билетi бойынша жүзеге асырылады. Жол билеттерi Шымкент қаласында - жол билеттерiн тарату бөлiмдерiнде, ал қалалар мен аудандарда автостанциялар мен автовокзалдарда берiледi. Жол жүру жеңiлдiгiмен пайдалануға құқы бар азаматтарға бiрыңғай үлгiдегi жол билеттерi - Оның бұл туралы статустық құқықтық белгiлерiн дәйектейтiн, журналдық тiркеуден өткен, нөмiрi,аты-жөнi көрсетiлген құжаты арқылы берiледi. Жол билеттерiн тарату бөлiмiнде, аудандардағы автовокзалдар мен автостанцияларда құжатындағы статустық құқықтық белгiлерi бойынша жеңiлдiктермен пайдаланатын тұлғаларға жол билеттерi жол жүрудiң мына түрлерi бойынша берiледi: - Қала iшiндегi маршруттар - Қала төңірегiлiк маршруттар Жол билеттерiн тарату бөлiмi әр тоқсан қорытындылығы бойынша, өздерiне берiлген жол билеттерiнiң қаншасы жеңiлдiктермен пайдаланатын категориялық тұлғаларға берiлгендiгi жөнiнде Облыстық Қаржы басқармасына есеп берiп отыруға тиiс. Жол билетiнiң құны қоғамдық көлiктердегi тасымалдау жөнiндегi Оңтүстiк Қазақстан облыстық Мәслихатының 15.03.1996 ж. № 7/73 шешімімен белгiленген тарифтiк бағадан аспауға тиiс. Шығындарды өтеуге жұмсалатын сома мөлшерi, бұл жөнiндегi 1997 жылға арналған облыстық бюджетте қаралған сома шеңберiнде болуы керек.