Об организации тушения пожаров на территории Качирского района Қолданыста

Качир ауданының аумағында өрттерді сөндіруді ұйымдастыру туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңына, Қазақстан Республикасының 1996 жылғы 22 қарашадағы «Өрт қауіпсіздігі туралы» Заңына сәйкес, Качир ауданының аумағында өрттерді сөндіруді ұйымдастыру мақсатында аудан әкімдігі ҚАУЛЫ ЕТЕДІ:

1. Аудан аумағында ірі ауқымды өрттерді сөндіруді ұйымдастыру жөніндегі аудандық жедел штаб және ауылдық округтері аумағында өрттерді сөндіру ұйымдастыру жөніндегі жедел штабтар (бұдан әрі – жедел штаб) бекітілсін.

2. Аудан аумағында ірі ауқымды өрттерді сөндіруге күштер мен құралдарды тарту жедел жоспары және ауылдық округтер аумағында өрттерді сөндіру күштер мен құралдарды тарту жедел жоспары (бұдан әрі – жедел штабтар) бекітілсін.

3. Ауылдық округтердің әкімдері ауданның ішкі істер бөлімі, орман және жануарлар әлемі қорғау жөнінде Максим – Горький мекемесі (келісім бойынша) өртке кінәлілерді уақытында анықтауды қамтамасыз етсін және Қазақстан Республикасының заңнамасына сәйкес шаралар қабылдасын.

4. Качир ауданының жер қатынастары бөлімі, орманды және жануарларды қорғау жөніндегі Максим – Горький мекемесі (келісім бойынша):

1) Качир ауданының Жедел штабына жер пайдаланушылары учаскелерінің шекаралары көрсетілген картографиялық материалдарды ұсынсын.

2) Болған өзгерістер туралы Жедел штабы уақытында хабардар етсін.

5. Ірі ауқымды өрттерді сөндіруге тартылған күштер мен құралдарды пайдаланудағы төлемдер:

1) әр түрлі кәсіпорындар жерлерінде – осы кәсіпорындар есебінен жүргізілсін:

2) мемлекеттік жер запасының жерлерінде – аудан бюджетінде төтенше жағдайларды жоюға көзделген қаражат есебінен.

6. Качир ауданы әкімдігінің 2006 жылғы 12 маусымдағы «Качир ауданының аумағында өрттерді сөндіруді ұйымдастыру туралы» № 176/6 қаулысының күші жойылсын деп танылсын.

7. Осы қаулының орындалуын бақылау аудан әкімінің орынбасары А.Н. Қайыржановқа жүктелсін.