Вопросы Канцелярии Премьер-Министра Республики Казахстан Күшін жойған

Қазақстан Республикасының Премьер-Министрі Кеңсесінің мәселелері 📌 Ескерту. Күші жойылды - ҚР Үкіметінің 2002.09.11. N 993 қаулысымен Қазақстан Республикасының Үкіметі қаулы етеді:

1. Қазақстан Республикасының Премьер-Министрі Кеңсесінің құрылымы қосымшаға сәйкес бекітілсін.

2. Қазақстан Республикасының Премьер-Министрі Кеңсесінің Басшысына үш, оның ішінде бір бірінші орынбасары болуға рұқсат етілсін.

3. Қазақстан Республикасы Үкіметінің 1999 жылғы 20 мамырдағы N 592 қаулысының 1-тармағының 2) тармақшасының, 2-тармағының күші жойылды деп танылсын.

4. Қазақстан Республикасы Премьер-Министрінің Кеңсесі заңдарда белгіленген тәртіппен Қазақстан Республикасы Премьер-Министрінің Кеңсесі туралы ережеге қажетті өзгерістерді Қазақстан Республикасының Үкіметіне екі апта мерзім ішінде бекітуге енгізсін.

5. Осы қаулы қол қойылған күнінен бастап күшіне енеді.

Қазақстан Республикасы Үкіметінің 1999 жылғы 3 қарашадағы N 1645 қаулысымен бекітілген Қазақстан Республикасының Премьер-Министрі Кеңсесінің құрылымы Басшылық Премьер-Министрдің Хатшылығы Қазақстан Республикасы Премьер-Министрінің Баспасөз қызметі Үкіметтің Парламенттегі Өкілдігі Заң бөлімі Аймақтық даму бөлімі Экономикалық бөлім Өндірістік сала және инфрақұрылым бөлімі Жиынтық талдау бөлімі Әлеуметтік-мәдени даму бөлімі Сыртқы байланыстар бөлімі Қорғаныс және құқық тәртібі бөлімі Кадр жұмысы бөлімі Бақылау және құжаттамалық қамтамасыз ету бөлімі Қаржы-шаруашылық бөлімі Министр - Қазақстан Республикасы Президентінің жанындағы Отбасы және әйелдер істері жөніндегі ұлттық комиссия төрайымының Хатшылығы Діни бірлестіктермен байланыстар жөніндегі кеңестің Хатшылығы 📌 ЕСКЕРТУ. Құрылым өзгерді - ҚР Үкіметінің 1999.12.08. N 1878; 2000.05.15. N 708a ; 2000.06.29. N 971; 2001.01.17. N 58 ; 2002.01.31. N 145 қаулыларымен.