О разгосударствлении отрасли водопроводно-канализационного хозяйства области Күшін жойған

Облыстың су құбыры-канализация шаруашылығы саласын мемлекет меншігінен алу туралы 📌 Ескерту. Күші жойылды - Алматы облысы әкімінің 29.09.2004 № 9-95 шешімімен. Қазақстан Республикасы Президентінің заң күші бар "Жекешелендіру туралы" Жарлығын және Қазақстан Республикасы Үкіметінің "Тұрғын үй-коммуналдық шаруашылығын монополиясыздандыру және тұрғын үй-коммуналдық қызмет көрсетулерi үшiн есеп айырысуды тәртiпке келтiру туралы" 1996 жылғы 13 мамырдағы N 587 Қаулысын жүзеге асыру мақсатында облыс Әкімі ШЕШІМ ЕТТІ:

1. Мемлекеттік мүлікті басқару жөніндегі аумақтық комитет (Құрмашев Қ.Қ.) "Облсуканал" өндірістік кәсіпорнымен (Бекбосынов А.Н.) бірлесе отырып, коммуналдық меншік болып табылатын су құбыры-канализация шаруашылығы саласын мемлекет меншігінен алуға кіріссін.

2. Су құбыры-канализация шаруашылығы саласын жекешелендіру жалгерлердің іс жүзіндегі заңға сәйкес негізгі қорларды сатып алуына қарай, кезең-кезеңімен жүргізілсін.

3. Мемлекеттік мүлікті басқару жөніндегі аумақтық комитетке "Облсуканал" өндірістік кәсіпорны ұйғарған "жалдаушылар" ұсынылсын және тендер жеңімпаздарына негізгі қорларды жалға берудің сәйкес заң құжаттары, кейін сатып алу құқымен рәсімделсін.

4. Негізгі қорлардың толық жекешелендірілуіне дейін "Облсуканал" (Бекбосынов А.Н.) баланс ұстаушының және саланы дамыту мәселелерінде кәсіпорындар қызметіне басшылық ету міндеттерін атқарсын.

5. Селолық округтер әкімдері бір ай мерзімде коммуналдық шаруашылықтың су құбыры-канализация жүйелеріне қызмет көрсету жөніндегі кооперативтер құру туралы ұсыныс енгізсін, онда қолда бар жүйелерді кейін оларды жаңа құрылған кооперативтер жалға алатын етіп "Облсуканал" өндірістік кәсіпорнының балансына беру көзделсін.

6. Осы шешімнің орындалуы туралы хабарлама тоқсан сайын, тоқсаннан кейінгі айдың 10 жұлдызына тапсырылып тұрсын.

7. Шешімнің орындалуын бақылау облыс әкімінің бірінші орынбасары В.А. Долженковқа жүктелсін.