Бестамақ ауылының көшелерін қайта атау және жаңа көшелерге атау беру туралы Мәртебесі расталмаған

Бестамақ ауылының көшелерін қайта атау және жаңа көшелерге атау беру туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 35 бабының 2тармағына, Қазақстан Республикасының 1993 жылғы 8 желтоқсандағы «Қазақстан Республикасының әкімшілік-аумақтық құрылысы туралы» Заңының 14-бабының 4) тармақшасына сәйкес және Бестамақ ауылы халқының пікірін ескере отырып, Бестамақ ауылдық округінің әкімі ШЕШІМ ҚАБЫЛДАДЫ:

1. Бестамақ ауылының төмендегі көшелерінің атаулары: «Магистральный» көшесінің атауы – «Есет батыр» көшесі деп; «Центральный» көшесінің атауы – «Бөкенбай батыр» көшесі деп; «Железнодорожный» көшесінің атауы – «Темір жол» көшесі деп өзгертілсін. Бестамақ ауылының солтүстік-шығыс бөлігіндегі жаңадан құрылған көшелерге төмендегідей атау берілсін: № 1 көшеге – «Жеңіс» көшесі; № 2 көшеге – «Достық» көшесі.

2. Бестамақ ауылдық округі әкімінің 13 наурыз 2009 жылдағы № 14 шешімінің күші жойылсын.

3. Шешім алғаш ресми жарияланған күннен бастап он күнтізбелік күн өткен соң қолданысқа енгізілсін.