Жер салығының базалық мөлшерлемесін арттыру туралы от 24.04.2009 г. № 86 (Жер салығының базалық мөлшерлемесін арттыру туралы)

Жер салығының базалық мөлшерлемесін арттыру туралы
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 бабына, Қазақстан Республикасының 2017 жылғы 25 желтоқсандағы «Салық және бюджетке төленетін басқа да міндетті төлемдер туралы (Салық кодексі)» Кодексінің 510 бабына сәйкес, Қобда аудандық мәслихаты ШЕШІМ ҚАБЫЛДАДЫ:

1. Қазақстан Республикасының жер заңнамасына сәйкес жүргiзiлетiн жердi аймаққа бөлу жобалары (схемалары) негiзiнде, жер салығының мөлшерлемелері Қазақстан Республикасының «Салық және бюджетке төленетін басқада міндетті төлемдер туралы» (Салық Кодексі) Кодексінің 504, 505 және 506-баптарында белгiленген жер салығының базалық мөлшерлемелерінен 50 пайызға арттырылсын.

2. Автотұрақтар, автомобильге май құю стансалары орналасқан жер учаскелерінің салық мөлшерлемері 10 еселенген мөлшерге ұлғайтылсын.

3. Аудандық мәслихаттың 2004 жылғы 23 қаңтардағы "Жер салығының базалық ставкасын түзету туралы" N 3, аудандық әділет басқармасында 20 ақпан 2004 жылғы N 2584 болып тіркелген, 2008 жылғы 28 наурыздағы "2008 жылғы жер салығының базалық ставкасын бекіту туралы" N 31, аудандық әділет басқармасында 30 сәуір 2008 жылғы N 3-7-47 болып тіркелген және осы шешімге өзгерістер енгізу туралы N 42 аудандық әділет басқармасында 25 шілде 2008 жылғы N 3-7-52 болып тіркелген, шешімдерінің күші жойылды деп танылсын.

5. Осы шешім Әділет басқармасында тіркеуден өткен күннен бастап күшіне енеді және ресми жарияланған күннен бастап 10 күнтізбелік күн өткен соң қолданысқа енгізіледі.