Об охране нерестующей рыбы на рыбохозяйственных водоемах области Қолданыста

Облыстық балық өсiрiлетiн су қоймаларындағы уылдырық шашатын балықты қорғау туралы Облыстық балық өсiрiлетiн су қоймаларындағы уылдырық шашатын балықты қорғау мақсатында:

1. Оңтүстiк Қазақстан облыстық жануарлар дүниесiн қорғау жөнiндегi мемлекеттiк инспекциясы, облыстық экология және биоресурстар басқармасы, облыстық iшкi iстер басқармасы /келiсiмi бойынша/ мынадай облыстың балық шаруашылығы су айдындарында уылдырық шашатын балықтарды қорғауды ұйымдастырсын: - Шардара су қоймасында 1998 жылғы 1 сәуiрден 20 мамырға дейiнгi мерзiмде; - су қоймасының оң жағалауындағы Амангелдi мүйiсiнен сол жағалаудағы /корей және Киров шығанағы арқылы/ "Лист" жартылай аралынан жағадан тереңге қарай 5 км қашықтықты ала отырып Арнасай шығанағына дейiнгi жерде; - Сырдария өзенiнiң су қоймаға құяр сағасынан Өзбекстан Республикасымен шекараға дейiнгi қашықтықта; - Бөген, Бадам, Қапшағай, Қошқорған су қоймаларында, Шошқакөл жүйелерiнде, Сырдария өзенi бойындағы көлдерде, Қызылкөлде 1998 жылдың 15 сәуiрде 31 мамырға дейiнгi мерзiмде.

2. Сарыағаш, Мақтаарал, Ордабасы, Отырар, Созақ, Шардара аудандарының әкiмдерi облыстың су қоймаларында балық шаруашылығындағы уылдырық шашатын ұыймдастыруға, әзiрлеуге және оларды өткiзуге нақты көмек көрсетсiн.

3. Оңтүстiк Қазақстан облыстық жануарлар дүниесiн қорғау жөнiндегi мемлекеттiк инспекциясы Шымкент Балық және Шардара акционерлiк қоғамдары, облыстық аңшылар мен балық аулаушылардың қоғамы, облыстық iшкi iстер басқармасы /келiсiмi бойынша/: - балықтар уылдырық шашатын жерлерде және негiзгi уылдырық шашатын орындарға тәулiк бойы кезекшiлiктi; - балық аулауға салынған тыйымды бұзудың алдын алу бағытында рейдтердi; - бұқаралық ақпарат құралдары арқылы халықты уылдырығын шашатын балықтарды қорғау жөнiндегi жұмыстардың барысы туралы ұдайы хабардар етiп отыруды ұйымдастырсын.

4. "Шымкентбалық" акционерлiк қоғамына үстiмiздегi жылдың 1 сәуiрiнен 20 мамырға дейiнгi кезеңде Сырдария өзенiндегi Бозсу өзенiнiң құйылысынан "Вороний" аралына дейiнгi учаскеде iрi ұялы торлы ЭЛУ-м қондырғымен дөңмаңдай және жайын балығын арнайы аулауға рұқсат берiлсiн.

5. Облыстық су ресурстары жөнiндегi комитет, Шардара су электр стансасы жаппай уылдырық шашатын кезеңде Шардара және Бөген су қоймаларында судың тұрақты деңгейде болуын қамтамасыз ететiн шаралар қолдансын.

6. Шағын кемелер инспекциясы үстiмiздегi жылдың 1 сәуiрiнен 20 мамырына дейiнгi мерзiмде Шардара, Бөген, Бадам, Қапшағай, Қошқорған су қоймаларында су жайылатын учаскелерде азаматтардың жеке пайдалануындағы моторлы қайықтармен басқа да жүзу құралдарының қозғалысын тоқтатуды қамтамасыз етсiн.

7. Осы шешiмнiң орындалуын бақылау облыс Әкiмiнiң орынбасары С.О. Тұрбековке жүктелсiн.