Об утверждении Инструкции об основных требованиях по формированию собственного капитала накопительных пенсионных фондов в Республике Казахстан Күшін жойған

Қазақстан Республикасында Жинақтаушы зейнетақы қорларының өз капиталын қалыптастыру жөнiндегi негiзгi талаптар туралы нұсқаулық Ереже ЕСКЕРТУ: Күші жойылды - ҚР Ұлттық Банкі басқармасының 2003 жылғы N 127 қаулысымен. Осы Нұсқаулық "Қазақстан Республикасында зейнетақымен қамсыздандыру туралы" Қазақстан Республикасының Заңына сәйкес әзiрлендi, ол Жинақтаушы зейнетақы қорларының (бұдан әрi - Қорлардың) өз капиталын қалыптастыру жөнiндегi негiзгi талаптарын айқындайды, Қорлардың комиссиялық сыйақыларының шектi мөлшерiн реттейдi, сақталуы мiндеттi болып табылатын жекелеген нақты нормативтердi белгiлейдi. ЕСКЕРТУ: Кіріспе жаңа редакцияда жазылды - ҚР Еңбек және халықты әлеуметтік қорғау министрлігінің Жинақтаушы зейнетақы қорларының қызметін реттеу жөніндегі комитетінің 1999 жылғы 15 қазандағы N 83-Ө бұйрығымен .

1. Қордың меншiктi капиталы ЕСКЕРТУ: 1-тараудың атауы өзгертілді - ҚР Еңбек және халықты әлеуметтік қорғау министрлігінің Жинақтаушы зейнетақы қорларының қызметін реттеу жөніндегі комитетінің 1999 жылғы 15 қазандағы N 83-Ө бұйрығымен .

1.1. Қордың өз капиталына мыналар кiредi: жарғылық капитал:

1) жай акциялар;

2) артықшылық берiлген акциялар; төленген қосымша капитал; негiзгi қаражатты қайта бағалаудан төленбеген қосымша капитал; инвестицияларды қайта бағалаудан төленбеген қосымша капитал; резервтiк капитал; өткен жылдардағы бөлiнбеген табыс; есеп берiлген жылдағы бөлiнбеген табыс; мыналарды шегерiп тастағанда төленбеген капитал:

1) жай акциялар,

2) артықшылық берiлген акциялар; алынған капитал; өткен жылдардың өтелмеген шығындары; есеп берiлген жылдың өтелмеген шығындары. ЕСКЕРТУ: 1.1-тармақ жаңа редакцияда жазылды - ҚР Еңбек және халықты әлеуметтік қорғау министрлігінің Жинақтаушы зейнетақы қорларының қызметін реттеу жөніндегі комитетінің 1999 жылғы 15 қазандағы N 83-Ө бұйрығымен .

1.2. Қордың меншiктi капиталы мыналардың есебiнен құралады: - құрылтайшылардың (акционерлердiң) жарғы капиталына жарналары; - комиссиялық сыйақы; - негiзгi қызметтi орындауға байланысты қызмет көрсетуден алынған табыс меншік капиталын орналастырудан. 📌 ЕСКЕРТУ. 1.2-тармақ өзгертілді - ҚР Еңбек және халықты әлеуметтік қорғау министрлігінің Ұлттық зейнетақы агенттігінің 1998.05.22. N 65-п бұйрығымен . ЕСКЕРТУ: 1.2-тармақтың екінші абзацы өзгертілді - ҚР Еңбек және халықты әлеуметтік қорғау министрлігінің Жинақтаушы зейнетақы қорларының қызметін реттеу жөніндегі комитетінің 1999 жылғы 15 қазандағы N 83-Ө бұйрығымен .

1.3. Қордың меншік капиталын мынадай мақсаттарда пайдалануға болмайды:

а) басқа ұйымдар құруға;

б) уақытша қаржылық көмек көрсетуге;

в) кепілдіктер беруге. 📌 ЕСКЕРТУ. 1.3-тармақпен толықтырылды - ҚР Еңбек және халықты әлеуметтік қорғау министрлігінің Ұлттық зейнетақы агенттігінің 1998.05.22. N 65-п бұйрығымен .

2. Жарғы капиталы

2.1. Қордың жарғылық капиталы қордың қаржылық қызметін қамтамасыз етуге, салымшылар/алымшылар және басқа да кредиторлар алдындағы жауапкершілігін орындау мақсатында пайдаланылады. 📌 ЕСКЕРТУ. 2-бөлім 2.1-тармақпен толықтырылды, 2.1., 2.2., 2.3., тармақтар 2.2., 2,3., 2.4. тармақтар болып саналды - ҚР Еңбек және халықты әлеуметтік қорғау министрлігінің Ұлттық зейнетақы агенттігінің 1998.05.22. N 65-п бұйрығымен . ЕСКЕРТУ: 2.1-тармақ толықтырылды - ҚР Еңбек және халықты әлеуметтік қорғау министрлігінің Жинақтаушы зейнетақы қорларының қызметін реттеу жөніндегі комитетінің 1999 жылғы 15 қазандағы N 83-Ө бұйрығымен .

2.2. Мемлекеттiк Жинақтаушы зейнетақы қорының жарғы капиталының мөлшерiн Қазақстан Республикасының Үкiметi айқындайды.

2.3. Мемлекеттiк емес жинақтаушы зейнетақы қорының жарғылық капиталының ең төменгi мөлшерi: ашық қорлар үшiн 180 (жүз сексен) миллион теңге сомасында, корпоративтiк қорлар үшiн 50 (елу) миллион теңге сомасында болып белгiленедi. Бұрын алынған уақытша лицензияның орнына зейнетақы жарналарын тарту және зейнетақы төлемдерiн жүзеге асыру жөнiндегi қызметке мемлекеттiк бас лицензияны алған Қорлар жарғылық капиталдың ең төменгi мөлшерiне қатысты талаптардың 2000 жылдың 1 тамызына дейiнгi мерзiмде орындалуын қамтамасыз етуге мiндеттi. ЕСКЕРТУ: 2.3-тармақ жаңа редакцияда жазылды - ҚР Еңбек және халықты әлеуметтік қорғау министрлігінің Жинақтаушы зейнетақы қорларының қызметін реттеу жөніндегі комитетінің 1999 жылғы 15 қазандағы N 83-Ө бұйрығымен . ЕСКЕРТУ: 2.3-тармақ өзгертілді - ҚР Еңбек және халықты әлеуметтік қорғау министрлігі Жинақтаушы зейнетақы қорларының қызметін реттеу жөніндегі комитетінің 2000 жылғы 31 қаңтар N 9-Ө бұйрығымен .

2.4. Жарғы капиталына жарналар тек қана ақшамен төленедi. Жарғы капиталынан құралатын қаражат құрылтайшылардың меншiктi қаражаты есебiнен салынады. Несиеге алынған қаражатты, кепiлзатты, басқа да тартылған қаражатты жарғы капиталына салу үшiн пайдалануға тыйым салынады.

3. Қордың комиссиялық сыйақыларының шектi шамасы ЕСКЕРТУ: 3-тармақтың атауы жаңа редакцияда жазылды - ҚР Еңбек және халықты әлеуметтік қорғау министрлігінің Жинақтаушы зейнетақы қорларының қызметін реттеу жөніндегі комитетінің 1999 жылғы 15 қазандағы N 83-Ө бұйрығымен .

3.1. Қордың комиссиялық сыйақыларының шектi шамасы: зейнетақы жарналары сомасынан 1 (бiр) проценттен артық емес; зейнетақы активтерiн орналастырудан алынған инвестициялық табыс сомасынан 10 (он) проценттен артық емес болып белгiленедi. ЕСКЕРТУ: 3.1-тармақ жаңа редакцияда жазылды - ҚР Еңбек және халықты әлеуметтік қорғау министрлігінің Жинақтаушы зейнетақы қорларының қызметін реттеу жөніндегі комитетінің 1999 жылғы 15 қазандағы N 83-Ө бұйрығымен .

3.2. Жинақтаушы зейнетақы қорларының комиссиялық сыйақысының шектi шамасында күнтiзбелiк жылда әрi кеткенде бiр рет зейнетақы қорланымының жай-күйi туралы ақпарат берудi, Жинақтаушы зейнетақы қоры салымшысының есеп кiтапшасын дайындауды қоспағанда, зейнетақы қорларының салымшылары мен алушыларына қызмет көрсеткенi үшiн берiлетiн сыйақы қамтылады. ЕСКЕРТУ: 3.2-тармақ өзгертілді - ҚР Еңбек және халықты әлеуметтік қорғау министрлігінің Жинақтаушы зейнетақы қорларының қызметін реттеу жөніндегі комитетінің 1999 жылғы 15 қазандағы N 83-Ө бұйрығымен .

3.3. ЕСКЕРТУ: 3.3-тармақ алынып тасталды - ҚР Еңбек және халықты әлеуметтік қорғау министрлігінің Жинақтаушы зейнетақы қорларының қызметін реттеу жөніндегі комитетінің 1999 жылғы 15 қазандағы N 83-Ө бұйрығымен .

3.4. Мемлекеттік емес жинақтаушы зейнетақы қоры компаниясының зейнетақы активтерінің басқармасы төлейтін сыйақының шектi шамасы заңда белгіленген тәртіппен анықталады. ЕСКЕРТУ: 3.4-тармақ толықтырылды - ҚР Еңбек және халықты әлеуметтік қорғау министрлігінің Жинақтаушы зейнетақы қорларының қызметін реттеу жөніндегі комитетінің 1999 жылғы 15 қазандағы N 83-Ө бұйрығымен .

4. Өз капиталын негiзгi қаражат пен басқа да материалдық емес активтерге салудың ең жоғарғы мөлшерi ЕСКЕРТУ: 4-тармақтың атауы жаңа редакцияда - ҚР Еңбек және халықты әлеуметтік қорғау министрлігінің Жинақтаушы зейнетақы қорларының қызметін реттеу жөніндегі комитетінің 1999 жылғы 15 қазандағы N 83-Ө бұйрығымен .

4.1. Негiзгi құрал-жабдық пен басқа да қаржы емес активтерге меншiктi капитал салымының мөлшерiн шектейтiн норматив ашық үлгiдегi Қорлары үшiн 0.3-тен, корпорациялық үлгiдегiсi үшiн - 0.2-ден аспауға тиiс: И Н=---------- К И - негiзгi құрал-жабдық пен басқа да материалдық емес активтерге салым (онда мыналар қамтылады: үймереттер мен ғимараттардың құны, көлiк құралдарының, машиналар мен жабдықтың құны, аяқталмаған құрылыс, материалдық емес активтер, қамтамасыз ету бағдарламасы, шаруашылық құрал-сайманы, негiзгi құрал-жабдықтың тозуын шегерiп тастағанда басқа да негiзгi құрал-жабдық). К - меншiктi капитал. 📌 ЕСКЕРТУ. 4.1.-тармақ өзгертілді - ҚР Еңбек және халықты әлеуметтік қорғау министрлігінің Ұлттық зейнетақы агенттігінің 1998.05.22. N 65-п бұйрығымен . ЕСКЕРТУ: 4.1-тармақтың өзгертілді - ҚР Еңбек және халықты әлеуметтік қорғау министрлігінің Жинақтаушы зейнетақы қорларының қызметін реттеу жөніндегі комитетінің 1999 жылғы 5 қазандағы N 83-Ө бұйрығымен .

4.2. Ай сайын, есеп берiлiп отырғаннан кейiнгi айдың 5 күнiнен кешiктiрмей Қорлар Жинақтаушы зейнетақы қорларының қызметiн реттеу жөнiндегi комитетке өз капиталын негiзгi қаражат пен басқа да материалдық емес активтерге салу мөлшерi туралы қосымшаға сәйкес нысан бойынша мәлiметтер тапсырады.

4.3. Тапсырылған мәлiметтердiң дұрыстығына Қор толықтай жауап бередi. ЕСКЕРТУ: 4.2, 4.3-тармақтармен толықтырылды - ҚР Еңбек және халықты әлеуметтік қорғау министрлігінің Жинақтаушы зейнетақы қорларының қызметін реттеу жөніндегі комитетінің 1999 жылғы 15 қазандағы N 83-Ө Бұйрығымен . ________________________ Нұсқаулыққа қосымша ЖЗҚ атауы _________________________ ЖЗҚ коды _________________________ Мекен-жайы _________________________ СТН _________________________ ЕСКЕРТУ: Нұсқаулық қосымшамен толықтырылды - ҚР Еңбек және халықты әлеуметтік қорғау министрлігінің Жинақтаушы зейнетақы қорларының қызметін реттеу жөніндегі комитетінің 1999 жылғы 15 қазандағы N 83-Ө Бұйрығымен . Өз капиталын негізгі және басқа да материалдық емес активтерге салу мөлшері туралы мәліметтер 199__ж. "_______"________________жағдай бойынша мың теңгемен ____________________________________________________________________    N р/с             Баптар                                 Сомасы ____________________________________________________________________ Материалдық емес активтер 1 Алғашқы құны (101-106 шоттар) 2 Тозу (111-116 шоттар) 3 Қалдық құны (1-2 ж.) Негізгі құжаттар: 0 4 Алғашқы құны (121-126 шоттар) 5 Тозу (131-134 шоттар) 6 Қалдық құны (4-5 ж.) 0 ____________________________________________________________________     7 Негізгі қаражатқа және басқа материалдық емес активтерге жиынтық салымдар (И)* (3+6)                   0 ____________________________________________________________________     8 Жарғылық капитал (501-503 шоттар) жай акциялар (501-503 шоттар) артықшылық берілген акциялар (501-503 шоттар) 9 Алынған капитал (521 шот) 10 Төленбеген капитал (511 шот) жай акциялар (511 шот) артықшылық берілген акциялар (511 шот) 11 Қосымша төленген капитал 12 Негізгі қаражатты қайта бағалаудан төленбеген қосымша капитал (541-543 шоттар) 13 Инвестицияларды қайта бағалаудан төленбеген қосымша капитал (541-543 шоттар) 14 Резервтік капитал (551-552 шоттар) 15 Бөлінбеген табыс (өтелмеген шығын) өткен жылдардың (562 шот) есеп берілген жылдың (561 шот) ____________________________________________________________________ 16 Жиынтық өз капиталы (СК) (б.8-9-10+11+12+14+15) 0 ____________________________________________________________________ 17 Н=И/СК болғандағы өз капиталын (Н) салу мөлшері ____________________________________________________________________ * ұзақ мерзімдік дебиторлық берешек шоттары, яғни лизингке алынған негізгі қаражаттар мен жалданатын құралдар мен материалдық емес активтердің құны. Басшы _____________________ Бас бухгалтер _____________________ орындаушы