О комиссии по развитию малого предпринимательства при акиме области Күшін жойған

Облыс әкімі жанындағы шағын кәсіпкерлікті дамыту жөніндегі комиссия туралы 📌 Ескерту. Күші жойылды - Батыс Қазақстан облысы әкімінің 09.03.2004 № 11 шешімімен. Қазақстан Республикасы Үкіметінің «Қазақстан Республикасының Үкіметі жанындағы шағын кәсіпкерлікті, дамыту жөніндегі комиссия туралы» 1999 жылғы 6 шілдедегі N 935 қаулысын іске асыру мақсатында ШЕШІМ ЕТЕМІН:

1. Бекітілсін:

1) Облыс әкімі жанындағы шағын кәсіпкерлікті дамыту жөніндегі комиссия туралы Ереже (№ 1 қосымша).

2) Облыс әкімі жанындағы шағын кәсіпкерлікті дамыту жөніндегі комиссия құрамы (№ 2 қосымша).

2. Аудандардың және Орал қаласының әкімдері бір ай мерзімде шағын кәсіпкерлікті дамыту жөнінде комиссиялар құрсын және олардың ережесін бекітсін

Облыс әкімінің 1999 жылғы 6 тамыздағы № 161 шешіміне №1 қосымша Облыс әкімі жанындағы шағын кәсіпкерлікті дамыту жөніндегі комиссия туралы ЕРЕЖЕ

1. Жалпы ережелер

1. Облыс әкімі жанындағы шағын кәсіпкерлікті дамыту жөніндегі комиссия (бұдан әрі комиссия) облыс әкімі жанындағы консультативтік-кеңесші орган болып табылады.

2. Комиссия өз жұмысында Қазақстан Республикасының қазіргі заңдарын, әкімнің шешімін, сондай-ақ осы Ережені басшылыққа алады.

2. Комиссияның міндеттері

3. Шағын кәсіпкерлікті қолдау мен дамытудың аймақтық бағдарламасын іске асыру жөніндегі шараларды жүзеге асыруға жәрдемдесу.

4. Заңдарда белгіленген тәртіппен кәсіпкерлердің мүдделерін білдіру, заңды құқықтарын қорғау және әкімнің шешімін қабылдау (дайындау) кезінде олардың пікірлерін ескеру.

5. Кәсіпкерлердің және олардың қоғамдық бірлестіктерінің облыстың әлеуметтік-экономикалық жағдайын жақсартуға және азаматтардың әл ауқатын арттыруға бағытталған сындарлы бастамаларын қолдау.

6. Шағын кәсіпкерлікті қолдау және қорғау жөніндегі мақсатты бағдарламалар мен жобаларды әзірлеуге және іске асыруға жәрдемдесу.

3. Комиссия құрамы

7. Комиссияны облыс әкімінің орынбасары басқарады.

8. Кәсіпкерлікті қолдау және дамыту департаментінің директоры комиссияның хатшысы болады.

9. Комиссияның жұмысшы органдарының функциялары кәсіпкерлікті қолдау және дамыту департаментіне жүктеледі.

10. Комиссияның шешімі ашық дауыс беру жолымен қарапайым көпшілік дауыспен қабылданады және егер оған комиссия мүшелері жалпы санының көпшілік даусы берілсе қабылданған деп есептеледі. Дауыстар тең болған жағдайда, төраға дауыс берген шешім қабылданған болып саналады.

11. Комиссияның шешіміне комиссияның төрағасы мен хатшысы қол қояды.

12. Комиссия мүшелерінің ерекше пікірге құқығы бар, оны білдірген жағдайда, ол жазбаша түрде мазмұндалуы және комиссия отырысының хаттамасына қоса тіркелуі тиіс.

13. Комиссия хатшысы: - комиссия отырысында күн тәртібі бойынша ұсыныс дайындайды; - комиссия шешімдерінің орындалуын қамтамасыз етеді және бақылайды.

4. Комиссия қызметінің негізгі бағыттары

14. Комиссия өзінің міндеттеріне сәйкес: шағын бизнестің салалық, кәсіби және аумақтық одақтарымен ассоциацияларымен, басқа да құрылымдарымен өзара әс-қимыл жасайды; келісілген шешімдерді пысықтау үшін шағын бизнесті қолдауды жүзеге асыратын мемлекеттік органдармен тұрақты өзара іс-қимылды жүзеге асырады. Осы мақсатта оларға тиісті органдар мен ұйымдардың өкілдерін шақыра отырып, Комиссияның бірлескен тақырыптық отырыстарын ұйымдастырады. Заңдарда белгіленген тәртіппен шағын кәсіпкерліктің өкілдерін әкім шешімінің жобасын дайындауға, шағын кәсіпкерлікті қолдау бағдарламасын және іс-шараларын әзірлеуге тартады; шағын әсіпкерлік субъектілерінің, олардың бірлестіктерінің, одақтарының, ассоциацияларының қатысуымен аймақтардың өзекті әлеуметтік-экономикалық проблемаларын шешуге бағытталған бағдарламаларды әзірлеуге қатысады.

5. Комиссияның қызметін ұйымдастыру

15. Комиссия өз қызметін жүзеге асыру үшін: заңдарда белгіленген тәртіппен Комиссияның жұмысы үшін ғалымдардың, беделді кәсіпкерлердің, басқару органдары өкілдерінің және басқа да мамандардың қатарынан сарапшылар мен консультанттарды тартады; Белгіленген тәртіппен атқарушы өкімет органдарынан қажетті ақпараттар, талдаулық, анықтамалық статистикалық материалдар, сондай-ақ ведомстволық және нормативтік-құқықтық актілер алады. Қажеттілігіне қарай уақытша істейтін сараптамашылар мен жұмыс тобын ұйымдастырады.

16. Комиссияның отырысын қажеттілігіне қарай, бірақ кемінде тоқсанына бір рет Комиссияның төрағасы шақырады.

Облыс әкімінің 1999 жылғы 6 тамыздағы № 161 шешіміне қосымша Облыс әкімі жанындағы шағын кәсіпкерлікті дамыту жөніндегі комиссияның ҚҰРАМЫ 1. В.К. Алексеев - облыс әкімінің орынбасары, төрағасы 2. А.К. Нұғыманов - Кәсіпкерлікті қолдау және дамыту департаментінің директоры, хатшысы 3. М.М. Әбдірахманов - Батыс Қазақстан облысы бойынша салық комитетінің төрағасы 4. К.Ғ. Әбсатыров - Шағын бизнес орталығы ассоциациясының директоры 5. А.С. Әйтимов – Алматы жоғары индустриалды экономикалық колледж филиалының атқарушы директоры 6. С.Н. Анищенко – еңбек және халықты әлеуметтік қорғау жөніндегі басқарма бастығының орынбасары 7. Е.М. Жұмағалиев – экономика басқармасының бастығы 8. Ғ.И. Дүйсембаев – Бөрлі ауданының әкімі 9. А.С. Жабалбаева – қаржы басқармасы бастығының бірінші орынбасары 10. С.Х. Игіліков – әділет басқармасы бастығының орынбасары 11. А.Қ. Ізтелеуов – Орал қаласы әкімінің орынбасары 12. Б.И. Ізбасаров – Ұлттық банктің облыстық басқармасының бастығы 13. В.В. Киянский – "Стандарттау, метрология және сертификаттау орталығы" кәсіпорыны директорының орынбасары 14. В.А. Кондратенко – табиғи монополияны реттеу және бәсекелестікті қорғау жөніндегі комитеттің төрағасы 15. Т.Ш. Рақымжанов – Батыс Қазақстан облыстық ішкі істер басқармасының бастығы 16. К.А. Сүйінтиев – Облыстық сауда-өнеркәсіп палатасының төрағасы 17. А.Г. Тастеміров – Батыс Қазақстандағы "Евразия" менеджмент және тілдер институтының ректоры 18. А.Д. Хамзин – облыстық статистика басқармасының бастығы 19. Е.А. Шарманов – облыстық кеден басқармасы бастығының орынбасары